| བོད་ཡིག |
260b4 / //slob dpon ba su d+ha badzras mdzad pa'o//[ ]@/ /de'i sbyin sreg gi cho ga bzhugs/ /de nas yang dag bshad bya ba/ /sa gzhi shin tu legs pa la/ /thab khung rgyar ni khru gang zhing / /zabs su khru phyed brkos
260b5 pa dag /kha khyer sor bzhi gnyis dor bya/ /ba yi rnam pa lnga yis byugs/ /kha dog dkar po byas nas kyang / /dri dkar 'o ma me tog dor/ /dkyil du rdo rje sor brgyad pa/ /nang du rdo rjes bskor nas kyang / /tha ma me yi 'od zer can/ /bya ba thab khung rim pa'o/ /tsan+dan pA la
260b6 sha dag dang //byang chub shing dang n+ya gro d+ha/ /dri bzangs dri zhim pa yi shing / /srog chags med cing ma rul ba/ /gsar ba khru gang tshad la ni/ /'o ma sbrang rtsi bran nas kyang / /dri zhim pa yi chu yis gtor/ /thab kyi kho ra khor yug tu/ /ku sha rtse mo phyir bstan pa/ /bkram la
260b7 bud shing brtsig par bya//thab bas mtho na nyes par 'gyur/ /de ni bud shing rim pa'o/ /rtse mo'i cha las byung ba yi/ /yam shing sor ni bcu gnyis pa/ /gsar zhing 'dab ma bcas pa dang / /drang zhing bla skams med pa ste/ /skyon dang bral ba'i yam shing la/ /mngar gsum
261a1 dkar gsum dag gis bran//dri yi tshogs kyis bsangs nas kyang / /mchod pa'i don du g.yas su gzhag /de ni yam shing rim pa'o/ /dkar gsum mngar gsum 'bras chan dang / /'bras thug lag pan la du dang / /sman sna tshogs dang bza' ba'i rdzas/ /til la sogs
261a2 pa ji snyed kun//bsreg pa'i don du g.yas su gzhag /mar khu rdo rje dril bu dang / /dgang gzar blugs gzar mdun du'o/ /me tog spos dang mar me dri/ /bshos gtsang rol mo ji snyed pa/ /mchod pa'i don du g.yon du gzhag /mchod yon las kyi bum pa ni/ /mnyes dang bsang
261a3 phyir g.yas su gzhag /mchod rdzas bsreg rdzas rim pa'o/ /de nas skad cig ltar bskyed la/ /dus nas brtsams te mngon rtogs kyi/ /cho ga'i rim pa ji snyed pa/ /sgrub thabs bzhin du bsgom par bya/ /de ni rnal 'byor bdag nyid kyi/ /mngon par rtogs pa'i rim pa'o/ /de nas thab
261a4 ni bsang byas la//a las pad+ma'i gzhal yas khang / /dkar zhing zlum pa mdzes pa bskyed/ /baM las chu yi dkyil 'khor te/ /de steng paM las pad+ma'o/ /a dang ma las nyi ma'i gdan/ /hUM las rdo rje dkar po ste/ /der bskyed pa ni rdo rje 'dzin/ /zhu bar raM las gru gsum me/ /de nas
261a5 me lha'i rgyal po ni//dkar zhing zhi la sgeg pa ste/ /zhal gcig phyag bzhi skyil krung phyed/ /chu yi dkyil 'khor la gnas shing / /tshangs pa'i skud pa se ral gzar/ /g.yas na dbyug pa spyi blugs te/ /g.yon na phreng ba ku mu ta/ /dbu rgyan la sogs rgyan rab mdzes/ /bskyed
261a6 la ye shes me lha dgug /gong ltar mchod pas mnyes byas la/ /dzaHhUM baM hoHsa dgug gzhug bya/ /dbang bskur ba dang byin brlab pa/ /mchod pas rab tu mnyes byas nas/ /bstod pa'i rgyal po 'di dag kyang / /rdo rje dril bu ldan pas kyang / /klu dang ldan pas bstod pa bya/ /
261a7 hUM me lha'i rgyal po tshangs pa mchog gi sras/ /me lha'i rgyal po dag gis dbang bskur ba/ /shes rab mchog gis nyon mongs thams cad sreg /'dzin byed me lha nyid la phyag 'tshal bstod/ /de nas dgang gzar blugs gzar ni/ /lag pa g.yas g.yon thogs nas kyang / /
261b1 me lha bdud rtsi'i zhal nyid du/ /sngags 'di dag gis bsreg par bya/ /oM badzra a g+na ye ma hA b+ha twa dz+wA la ya sarba b+ha smiM ku ru sarba du Sh+TA na hUM phaT/ na maHche ge mo zhes bya ba 'di/ shAn+ti d+ku ru ye swA hA/ brgya rtsa brgyad dam lnga bcu ste/ /nyi shu lnga'am bdun du dbul/ /de ni me lha'i rim pa'o/ /
261b2 de nas me lha'i thugs ka'i nang / /pad+ma nyi zla'i gdan stengs su/ /hUM las rdo rje sngon po ste/ /de las rdo rje 'dzin pa ni/ /mngon par rtogs pa'i cho ga bzhin/ /gsal ba nyid du bskyed par bya/ /de nas mchod pas mnyes byas nas/ /bstod pa dag kyang rab tu brjod/ /de nas bsreg rdzas
261b3 dbul ba ni//rtsa ba'i sngags ni 'ba' zhig la/ /greg sngags 'di dag btags la dbul/ /oM sarba pU dza me g+ha rat+na a gar+b+ha na maHche ge mo zhes bya ba 'di shAn+ti d+ku ru swA hA/ ji snyed spros pa phul nas kyang / /de nas mchod bstod yang byas te/ /gshegs dang bzod pa gsol nas kyang / /
261b4 bsngo dang smon lam gdab par bya/ /oM AHhUM muH ye shes sems dpa'i gshegs su gsol/ /dam tshig rang gi snying gar bsdu/ /mchod dang bsreg pa'i rdzas rnams ni/ /lhag ma ji snyed yod pa yis/ /me lha mnyes par yang byas te/ /mchod pa la sogs gong bzhin no/ /
261b5 ye shes me lha gshegs su gsol/ /dam tshig 'bar ba'i rnam par bstim/ /bdag gis sbyin sreg sbyar ba yis/ /dngos grub myur du 'grub gyur cig /rdo rje 'dzin pa'i sbyin sreg gi cho ga rdzogs so// //slob dpon chen po ba su d+ha badzras mdzad pa'o// //