259b6 bod kyi lo tsA ba khams pa ba ri dge slong rin chen grags pas bsgyur cing zhus pa'o//[ ]@##/ /rgya gar skad du/ badzra kro d+ha d+ha ra sA d+ha na nA ma/ bod skad du/ khro bo rdo rje 'dzin pa'i sgrub pa'i thabs zhes bya ba/ bla ma rje btsun
259b7 pa'i zhabs la phyag 'tshal lo//rnal 'byor ba la gnod pa yi/ /'byung po'i tshogs rnams bsrung ba'i phyir/ /rdo rje 'dzin mchog sgrub pa'i thabs/ /'bad pa'i blo yis bsgrub par bya/ /dang por stan bde la 'dug ste/ /skad cig gcig gis rdo rje 'dzin/ /khro bo'i rgyal por
260a1 bskyed pa yi//snying ka'i sa bon 'phros pa las/ /'gro ba sbyangs pa rnam gsum bya/ /mchod pa'i lha rnams spyan drangs te/ /mnyes pa'i don du lus sprul bya/ /snying ga'i sa bon las byung ba'i/ /mchod pa rnam pa lnga dag kyang / /spro bsdu'i tshul gyis brgyan par bya/ /oM badzra
260a2 sa man+ta a gar+b+ha badzra puSh+pe hUM/badzra d+hU pe hUM/ badzra dI pe hUM/ badzra gan+d+he hUM/ badzra ni wi d+ye hUM/ de nas pus mo sar btsugs te/ /rdo rje thal mo sbyar nas kyang / /rab tu gus pas 'di brjod bya/ /bsags sdig ji snyed bshags par bgyi/ /tshogs rnams kun la rjes yi rang / /zab
260a3 mo'i 'khor lo bskor bar bskul//mya ngan mi 'da' bzhugs su gsol/ /dge ba thams cad mchog tu bsngo/ /lus nyid kyang ni rnam par dbul/ /byang chub sems ni rab bskyed bya/ /bdag gis rdzogs sangs rgyas thob shog /de nas byams dang snying rje dang / /dga' ba
260a4 btang snyoms bsgom par bya//de nas snod bcud rnam par sbyangs/ /oM a kA ro mu khaM sarba d+harmA NAM Ad+ya nut+pan+na twA ta/ ces brjod pas chos thams cad stong pa nyid du bsgom mo/ /hUM las rgya gram dra ba'i mchog /pad+ma zla ba'i steng dag tu/ /hUM las khro bo'i skur bskyed bya/ /badzra hUM ka ra zhes
260a5 pas//rab tu 'jigs pa'i khro bo ni/ /in+d+ra nI la'i kha dog can/ /zhal gcig spyan gsum 'jigs pa bzhin/ /sma ra mgo skyes ser la mdzes/ /sbrul sngon za zhing mche ba gtsigs/ /g.yas na rdo rje gdengs pa'i tshul/ /g.yon pa bsdigs pa'i mdzub mo ste/ /sbrul nag se ral
260a6 kha ru bzung //a la la yi gad mo sgrogs/ /klu brgyad dag gis brgyan pa'i sku/ /pad+ma'i gdan la brkyang bskum bzhugs/ /stag gi pags pas smad dkris pa/ /brgyan la ye shes sems bsgom bya/ /sa bon 'od kyis mchog bkug nas/ /gong gi mchod pas mnyes byas
260a7 te//bstod pa'i rgyal po 'di yang brjod/ /oM na maHswA hA ri shruSh+To pa yaM na maHshud kri badzra pA Ni na maHsa ro na paM sarba wa shUSh+NI Sha ka ri he he he/ dzaHhUM baM hoHsa gnyis med nas/ /lha mo bzhi las dbang blangs pa'i/ /rtags ni mi bskyod cod pan rtser/ /yi ge gsum gyis byin
260b1 gyis brlabs//yid bzhin 'khor lo'i bzlas pa ni/ /ta d+ya thA b+ho b+ho zhes bya ba nas/ rA dz+nyA pa ya ti swA hA zhes bya ba'i bar du'o/ /sgra che ma yin chung ma yin/ /rang bzhin gsal ba'i bzlas pa ni/ /mi skyo bar du ci bder bya/ /de nas spro bsdu ji snyed pa'i/ /mtha' la bsdu ba byas nas kyang / /stong pa nyid du
260b2 bsgom par bya//slar la bskyed la phyag rgya dkrol/ /oM AHhUM muHde nas spyod pa ci bder spyod/ /dam tshig nga rgyal gtang mi bya/ /de thun bzhi yi sbyor ba yis/ /brtson par byas na nges par 'grub/ /dad ldan bla ma ldan pa dang / /dbang dang dam tshig ldan pa la/ /bcom ldan rdo rje 'dzin
260b3 mchog gi//mchog gi dngos grub nyer rnyed 'gyur/ /khro rgyal rdo rje 'dzin mchog gi/ /sgrub thabs dam pa 'di dag nyid/ /bdag gis brtsam par mi rigs kyang / /rgyud 'grel dgongs pa las btus byas/ /'di las byung ba'i dge ba yis/ /'gro rnams rdo rje 'dzin par shog /khro
bo rdo rje 'dzin pa'i sgrub thabs zhes bya ba rdzogs so/