CLOSE WINDOW

D2898
བོད་ཡིག

/[ ]@/ /rig sngags gtad pa'i cho ga bzhugs/ 'phags pa gos sngon po can la phyag 'tshal lo/ /gos sngon can la phyag 'tshal nas/ /rig sngags gtad pa'i cho ga ni/ /rgyud chen mdo dang mi 'gal bar/ /bdag gis dran phyir bri bar bya//dam tshig ldan pa'i slob dpon gyis/ /dang por bsnyen par bya ba ni/ /maN+Dal mchod yon mchod pa dang / /tshul bzhin gtor ma bshams nas ni/ /dam tshig dkyil 'khor gsal bskyed la/ /ye shes lha ni spyan drangs la/ /mchod pa lnga yis mchod de bstod/ /maN+Dal steng du sku gzugs gzhag /dam tshig lha ru byin brlabs nas/ /sgo bzhi'i sngags dang phyag rgya yis/ /gnyis med gos sngon bstim byas la/ /mchod dang bstod pa gong bzhin bya/ /med na maN+Dal dkyil 'khor la/ /pad+ma 'dab brgyad legs bris la/ /de dbus hUM gi 'phro 'du las/ /dam tshig lha ru bskyed byas nas//rang bzhin dkyil 'khor bstim zhing mchod/ /de nas bzlas pa bya ba ni/ /'bum mam khri yi bar du bzlas/ /mtshan ma byung na dkyil 'khor brtsam/ /dang por sa gzhi brtag byas la/ /khru gang yang na khru do ru/ /brus nas skyon rnams bsal bar bya/ /nang du nor bu rin chen gzhug / 'thas par bcag la dri yis byug /lha yi dkyil 'khor bskyed byas la/ /sa yi lha mo brtan ma la/ /mchod bstod gsol btab bka' yang bsgo/ /dam tshig can gyi srung ma la/ /gtor ma sbyin la phrin las gzhol/ /pus btsugs lag tu spos thogs la/ /ye shes lha la gsol ba gdab/ / de nas sa yi bgegs rnams kyang / /drag po'i sngags kyis bskrad par bya/ /skyon bral dngul gyi bum pa ni/ /lto ba che la mgrin pa ring / /rgyan dang mchu ni rdzogs byas la/ /byin brlabs gos sngon lhar bskyed cing / /spyan drangs mchod yon mchod pas mchod/ /bzlas pa brgya ni rtsa brgyad bya/ /de nas dkyil 'khor sta gon ni//me tog bkram zhing gsang sngags bzlas/ /gdan dang lha ru bskyed byas la/ /de la mchod cing gsol ba gdab/ /lan gsum rab tu brjod par bya/ /de nas blo ldan slob ma la/ /khrus byas lus ni dris byugs la/ /me tog thogs la phyag 'tshal gzhug /gsol gdab gnang ba sbyin pa dang //skyabs 'gro sdig bshags la sogs kun/ /yan lag bdun pa nyid kyang brjod/ /slob dpon gyis brjod slob mas nyan/ /de nas sems bskyed cho ga ni/ /slob dpon slob ma gnyis kas bzlas/ /de ltar slob ma snod ldan la/ /dpral ba mgrin pa snying ga ru//dri yi thig le gsum byas la/ /nyi ma zla ba pad+ma gsum/ /snying ga la sogs dgod par bya/ /oM AHhUM gi yi ge las/ /'bras bu sku gsung thugs lhar bsgom/ /me tog spos la sogs pas mchod/ /srung skud la sogs sbyin byas la/ /chos bshad rmi lam brtag par bya/ / nang par sngar langs dkyil 'khor bri/ /'dab ma brgyad pa'i dkyil 'khor la/ /dbus su gos sngon dgod par bya/ /d+hU pe la sogs lha mo dang / /sgo ba bzhi yang dgod par bya/ /ba dan la sogs rgyan rnams dang / /mchod pa gtor ma dgram par bya/ /de nas ting 'dzin tshul bskyed la/ / gzhug pa'i cho ga bya ba ni/ /gtor ma btang la 'thor 'thung bya/ /gsol btab gdong g.yogs bcings pa dang / /bka' bsgo me tog dor byas la/ /mig phye lha yi ngo yang bstan/ /de nas rig pa'i dbang bskur te/ /dang por bum pa lag thogs la/ /bkra shis glur blangs bum dbang bskur//oM sid+d+hi sid+d+hi zhes bzlas/ /de nas sngags ring gi mjug la/ /a b+hi Shiny+tsA zhes btags la/ /chu yi de ni dbang bskur ro/ /de nas dbu rgyan la sogs pa/ /bya ba'i rgyud dang mthun pa yi/ /byas la rjes su gnang ba sbyin/ /de nas bskyed pa'i rim pa la sogs pa thams cad bslab la//de nas lha la mchod bstod bya/ /de nas zhi ba'i sbyin sreg bya/ /de nas gos sngon can bsgrub cing / /bye brag gi ni las thams cad sgrub tu rung ngo / /de nas yi ge brgya pa bzlas shing dkyil 'khor bsdu ba la sogs pa bya'o/ /rig sngags gtad pa'i cho ga rdzogs so/