CLOSE WINDOW

D2897
བོད་ཡིག

rang bzhin dag pa'i spyor ba yis/ /bar du gcod pa'i bgegs chen rnams/ /ched dang don du 'dir khug cig /rnam thos sras klu brgyad dang bcas pa 'gugs na/ /pya oM bai shra ba Na ya A kAR+Sha ya hUM dzaH/ oM nI dze+e ba ra d+ha ra badzra pA Ni A kAR+Sha ya hUM dzaHzhes pa'o//[ ]@/ /phyag na rdo rje rdo rje snying po'i man ngag ces bya ba'i sgrub thabs bzhugs//bcom ldan 'das rdo rje snying po la phyag 'tshal lo/ /thog mar rnal 'byor pas yid dang mthun pa'i gnas su byi dor bya ba dang / ba'i rnam lngas byug pa la sogs pa rgyud nas ji ltar 'byung ba bzhin byas la/ yo byad tshogs pa dang / stan bde ba la 'dug ste/rang gi snying ga'i sa bon las 'od 'phros pas bla ma dang bcom ldan 'das phyag na rdo rje dang / sangs rgyas dang byang chub sems dpa' la sogs pa mdun gyi nam mkha' la spyan drangs te/ phyag 'tshal ba dang mchod pa dbul ba dang / yan lag bdun pa byas la de'i rjes su tshad med pa bzhi bsgom par bya'o//de nas oM swa b+hA ba shud+d+haHsarba d+harmAHswa b+hA ba shud+d+hou0f85haM zhes bya bas rgyu ba dang mi rgyu ba thams cad rnam par dag par bya'o/ /de'i rjes la mdun du paM las pad+ma'i steng du a las zla ba'i dkyil 'khor bsam/ de'i steng du hUM/ de 'phros 'dus pas sems c an gyi sdig pa dang sdug bsngal bsal nas slar 'dus pa las rdo rje'o//de yongs su gyur pa las rang nyid bcom ldan 'das rdo rje snying po sku mdog sngon po zhal gcig phyag gnyis pa/ g.yas pa rdo rje 'phyar ba/ g.yon sdigs mdzub bstan pa/ zhabs g.yas bskum/ /g.yon brkyang ba/ gdug pa'i tshogs kyis sku la brgyan par bsgom/ de nas rang gi snying ga'i sa bon las 'od 'phros pas ye shes sems dpa' spyan drangs la mchod nas rang la bstim par bya'o/ /de nas dbang bskur bar bya ste/ rang gi spyi bor mi bskyod pa bsgom par bya'o/ /de'i rjes la sku gsung thugs byin gyis brlabs te ji srid du sems mi 'phro bar gzhag par bya'o//mi rtog pa bsgom par bya'o/ /drag po'i las byed par 'dod na rdzas la sogs pa ni gong du bshad pa bzhin no/ /raM las nyi ma'i steng du hUM/ de las 'od 'phros pas rdul phra rab thams cad rdo rje'i snying por byas te 'dus pa las rdo rje'o/ / de las rang nyid phyag na rdo rjer bsgom par bya'o/ /yang na skad cig gis stong par bsams te/ cho ga gsum gyis phyag na rdo rjer ldang bar bya'o/ /yang na badzra badzra hUM zhes brjod pa tsam gyis skad cig gi tshe chu las nya ldang ba ltar rdo rje snying por ldang bar bya'o/ /de ltar bsgoms nas ldang bar 'dod na/rang gi snying gar sa bon gyi mthar/ badzra badzra hUM zhes brjod pas rang brtan par byas la/ bcom ldan 'das kyis dug 'jig par byed pa'i sngags brgya'am lnga bcu la sogs pa thog ma nyid du zlos par bya ste/ des klu'i dug 'jil bar byed pa'o/ /de nas mtha' yas bskyed par bya ste/mdun du 'o ma can gyi rgya mtsho'am/ de'i steng du paM las pad+ma'i steng du phuHlas/ klu mtha' yas sku mdog ljang gu/ /zhal gcig phyag gnyis pa stod mi/ smad sbrul/ mgo la sbrul mgo dgu yod pa/ sbrul rigs lnga'i gdan la bzhugs pa/ rang dang 'dra ba'i btsun mos 'khyud par bsam mo//de nas rang gi snying ga'i sa bon las 'od 'phros pas/ klu'i gnas nas mtha' yas rang rgyud la bkug la bstim par bya'o/ /de nas bdag la bka' nod par byas la/ klu'i srog snying dang bcas pa bzlas te/ 'di ni bsnyen pa'i sngags so/ /de yang tshogs sogs pa la ni/ rang dang klu gnyis ka'i sa bon las 'od zer dkar po 'phros/ 'dus pas sdig pa thams cad dag par bsam mo/ /drag po la ni 'od zer nag po dang dmar po dang me lta bu'am/ yang na rang dang 'dra ba'i khro bo'am rlung grangs med pa 'phros te/ de dag gis gnod pa dpag tu med pa byed par bsam mo//de yang rgyun du ni bsnyen pa nyid do/ /gdon thams cad la ni sngags thams cad do/ /yang na gang yin pa de nyid do/ /'jog par 'dod na gtor ma btang la bstod nas phrin las bcol zhing gshegs par mkhyen par byas nas/ dam tshig sems dpa' rang gi sa bon la bsdu bar bya'o//de nas smon lam gdab pa dang / 'dod don la sogs pa ci bde bar gnas par bya'o/ /bla ma'i bka' drin mnos pa la brten te/ /sgrub thabs man ngag sbrang rtsi rab tu btung / /'thung byed rab tu dang bas de dag la/ /rdo rje 'dzin pa nyid kyis skyo ba byed shog /rdo rje snying po'i man ngag sgrub pa'i thabs zhes bya ba paN+Di ta dz+nyA na shrIs mdzad pa rdzogs so/