CLOSE WINDOW

D2896
བོད་ཡིག

@##/ /rgya gar skad du/ shrI badzra pA Ni tsaN+Da ma hA ro Sha Na ho ma ta bi d+hi nA ma/ bod skad du/ dpal phyag na rdo rje gtum po chen po'i sbyin sreg gi cho ga zhes bya ba/ dpal phyag na rdo rje la phyag 'tshal lo/ /bcom ldan rdo rje gtum po la/ /gus pa'i spyi bos phyag 'tshal nas/ /bgegs dang gnod rims zhi ba'i phyir//de yi sbyin sreg cho ga bshad/ /bcom ldan 'das gos sngon po can sgrub pa'i rnal 'byor pas/ dur khrod dam chu ngogs la sogs pa'i gnas yid du 'ong bar/ sbyin sreg gi cho gas sbyin sreg bya'o/ /de la cho ga 'di yin te/ zhi ba 'ba' zhig gi las la/ thab khung rgyar khru gang ba/zabs su de'i phyed la kha khyer sor bzhi phyir ngor ba dang / sor bzhi dpangs su brtsigs pa dang / sor bzhi phyir dor la/ tha mar gru bzhir byas te/ sgo bzhir sgo khyud dang ldan par byas la/ sa gzhi la kha dog dkar po byugs te/ dbus su zhi ba'i rdo rje rtse lnga pa dkar po bri'o/ /de'i phyi rol rim pa gsum la/dang po la zhi ba'i rdo rje phreng ba dang / gnyis pa la khro bo'i rdo rje bri'o/ /gsum pa la me 'od dang bcas pa bris nas/ mtshams su zla ba'i rdo rje bri'o/ /de nas de'i phyi rol du ba'i rnam lngas byugs la/ me tog sil mas mdzes par bya'o/ /de nas rdzas bsags te/ yam shing dang /mar dang / til dang / nas dang / gro dang / 'bras so ba dang / sran ma dang / sran ma sha dang / me tog dang / bdug pa dang / mar me dang / dri dang / zhal zas dang / dzA ti pha la dang / 'bras bu gsum dang / bil ba dang / tar ga dang / u dum+bA ra la sogs pa shing lo ma can gyi yam shing dang /gser dang / dngul dang / dar dkar po dang / gdugs dang / rgyal mtshan la sogs pa dang / 'o ma dang / zho dang / 'bras chan dang / ku sha dang / dUr ba la sogs pa bsags la/ dgongs mo'i dus su sbyin sreg bya ste/ bdag nyid ji lta ba bzhin du lhar bskyed nas/oM swa b+hA ba shud+d+hAHsarba d+harmAHswa b+hA ba shud+d+hou0f85haM zhes brjod pas snod kyi 'jig rten stong pa nyid du bskyed la/ yaM las rlung / raM las me/ baM las chu/ laM las sa'i dkyil 'khor bskyed la/ suM las ri rab/ de'i steng du hUM las sna tshogs rdo rje der hUM las thab khung gzhal y as khang du bskyed de snod bcud thams cad phyag na rdo rje zhi ba'i sems dang ldan par bsams la/de'i nang du raM las me gru gsum raM gyis mtshan pa/ zur gsum la oM AHhUM yongs su gyur pa las me lha zhal gcig phyag bzhi pa sku mdog dkar po phyag gnyis rdo rje rtse gsum dang phreng ba/ g.yon gnyis na dbyug pa dang gun+d+he bsnams par bskyed la ra la bcibs par bsams la/ye shes sems dpa' spyan drang bar bya'o/ /lag pa g.yas pa srin lag gi rtsa bar mthe bong btsugs la spos snod bzung ste/ tshur spyon tshur spyon 'byung po che/ /me lha'i rgyal po drang srong mchog /sreg blugs zhal zas 'di snoms la//'bar ba'i gdan la bzhugs su gsol/ /zhes bya ba dang / e h+ye hi ma hA b+hU ta de ba r-i Shi dwi dza ya satwa ma kri yu taM hUM ma hA rasmi asmin san+ni hi to b+ha ba oM ba bA ag+na ye swA hA/ zhes pas spyan drang bar bya'o/ /de nas bsang gtor bya ste 'thor 'thung dang nye reg byas nas/ dzaHhUM baM hoHzhes bya ba dang / dgug gzhug bya ste dam tshig gi phyag rgyas bsgrubs nas/ chos kyi phyag rgya lce la raM bsgoms nas/ las kyi phyag rgya gar las byung ba dang / phyag rgya chen po phyag mtshan dang bcas pa bsgom mo/ /de nas phyir byung la dbang bskur ba dang / rtags su rdo rje rtse lnga pa bsgom mo//de nas mchod pa lnga byas nas bstod pa bya ste/ 'jig rten dbang phyug tshangs dbang mchog gi sras/ /me lha'i rgyal po yongs kyis dbang bskur ba/ /shes rab mchog gis nyon mongs thams cad bsreg /'jigs byed me lha nyid la mngon par bstod/ /ces pas bstod/ me sbar te/ me gso ba'i phyir mar gyi dgang blugs gsum mam bdun dbul bar bya'o/ /mar gyi dgang blugs dbul ba'i dus su dgang gzar blugs gzar gyi kha la yi ge gsum dgod pa dang me lha'i zhal du raM bsam par bya'o/ /de nas me'i pra brtags te/ bgegs yod na yungs kar la oM tsaN+Da ma hA ro Sha Na mA ra ya hUM phaT ces bya bas bsal bar bya'o//de nas mchod par bya ste/ dang po mar la de nas til/ /de nas yam shing 'o ma zho/ /nas dang so ba 'bras dang ni/ /sran ma ma sha gro dag dang / /sman dang dUr ba ku sha sogs/ /ci 'byor bas ni mchod par bya/ /zhes 'byung ba ltar mchod par bya'o//de la dbul ba'i sngags ni oM badzra a na la ma hA b+hU ta dz+wa la sarba b+ha smi ku ru sarba duSh+TA na hUM/ zhes pas mar gyi dgang blugs kyi'o/ /oM ag+na ye swA hA mar gyi'o/ /oM sarba pA paM da ha nA ya swA hA til gyi'o/ /oM badzra ag+na ye swA hA yam shing gi'o/ / oM sarba saM pa de swA hA/ zho dang 'o ma'o/ /oM ma hA be gA ye swA hA nas kyi'o/ /oM bi dzA ya swA hA/ nas so ba'i 'o/ /oM badzra puSh+Ta ye swA hA/ 'bras so ba'i'o/ /oM ma hA ba lA ya swA hA/ sran ma'i 'o/ /oM badzra muny+dza ye swA hA/ sran ma ma sha'i 'o/ /oM badzra g+ha sma ra ye swA hA/ gro'i'o/ / oM badzra sho sa ye swA hA/ sman gyi'o/ /oM badzra a pra hi ha ta pa lA ya swA hA/ ku sha'i'o/ /oM badzra A yu She swAhA/ dUr ba'i 'o/ /gzhan dag ni rang rang gi ming dang me nyid kyi sngags kyis dbul lo/ /de la yam shing ni 'bar ba'i 'od la'o/ /zhu ba'i rdzas rnams zhal la'o/ /me tog dbu la'o//bdug pa shangs la'o/ /mar me spyan la'o/ /dri thugs kar ro/ /lha bshos zhal du'o/ /rdzas gzhan phyag tu'o/ /de ltar nyi shu rtsa gcig gam lnga bcu rtsa bzhi'am brgya rtsa brgyad dbul bar bya'o/ /de nas rdo rje gtum po'i sngags kyis me bsangs la 'od du bzhu'o//raM las me'i dkyil 'khor/ de'i steng du hUM dang rdo rje las phyag na rdo rjer bskyed la/ ye shes sems dpa' gzhug pa dang / dbang bskur ba dang / yi ge gsum gyis byin gyis brlabs la/ /mchod pa lngas mchod pa dang / bstod pa bya ste/ hUM gtum chen dus mtha'i me ltar brjid//'od zer nyi ma 'bum gyi gzi/ /gdug pa'i mtshon cha sna tshogs bsnams/ /bdud dgra khyod la phyag 'tshal bstod/ /ces bya ba la sogs pas bstod pa bya'o/ /de nas dgang blugs dbul te/ bcom ldan 'das kyi sngags kyis ci nus par sbyin sreg bya'o/ /de nas bstod pa byas la dang por gsol ba btab par bya ste/dkon mchog gsum la phyag 'tshal lo/ /sangs rgyas dang byang chub sems dpa' thams cad la phyag 'tshal lo/ /dpal ldan phyag na rdo rje gos sngon po can la phyag 'tshal lo zhes bya ba la sogs pa brjod do/ /de nas bgegs zhi ba la sogs pa las thams cad pa'i sbyin sreg byed na/oM ma ma shAn+ti d+ku ru swA hA/ oM de ba shAn+ti d+ku ru swAhA/ oM nA ga shAn+ti d+ku ru swAhA/ oM bi shA tsa shAn+ti d+ku ru swA hA/ oM ki ra Na shAn+ti d+ku ru swA hA/ oM ma ho ra gan shAn+ti d+ku ru swA hA/ oM u pa dra ba nA sha ya swA hA/ oM a kA la mr-i t+yu nA sha ya swA hA/ oM ro ga shAn+ti d+ku ru swA hA/oM rAk+Sha sa shAn+ti d+ku ru swA hA/ oM b+hU ta shAn+ti d+ku ru swA hA/ zhes bya ba la sogs pa dang / thog ma dang tha mar bsgrub bya'i ming dang bcom ldan 'das kyi sngags dang spel la/ yungs kar ram til ci nus par bsreg par bya'o/ /de'i gdug pa can kun ye shes kyi mes zhi bar bsam mo//gal te sdig pa bsreg par 'dod na/ sdig pa'i gzugs snying ga nas drangs la bsreg par bya'o/ /oM nI lAM ba ra d+ha ra badzra pA Ni sarba pA paM da ha na badzrA ya swA hA/ zhes brjod cing dmigs pa rtse gcig pas bsreg go/ /klu gdon can la sbyin sreg byed na ye shes kyi thugs ka nas bye tshan gyi char babs pas bsgrub bya'i lus la byug par bsam/mngar gsum gyi dgang blugs byin te/ oM nA ga shAn+ti d+ku ru swAhA zhes brjod cing sbyin sreg mngar gsum gyis bya'o/ /de nas rgya mtsho chen por gshegs par bsam ste/ gzugs brnyan mngar gsum dang bcas te chu bo chen por dor ro//de yang dang por sa gtsang ma la sbrul gyi gzugs byas la/ tshon gyis khra bor byas te/ lus bor la der phyung ste/ mngar gsum gzhug go/ /de nas chu bor 'dor ba'i tshe dam bsgrag par bya ste/ klu rnams khyed kyis bdag gi ngag mnyan na/ /yid bzhin nor ltar bsam pa 'grub pa dang //mkha' lding rigs dang bye tshan gnod zhi ste/ /'dod yon lnga la bde bar longs spyod shog /ci ste nga yi bka' las 'das gyur na/ /mkha' lding bye tshan rims kyi char phab nas/ /dus rnams rtag tu nad kun ldang ba dang / /phyag na rdo rjes mgo bo bkas gyur cig / ces brjod klu la gtor ma gtang ba dang / rnam thos sras kyang spyan drangs te gtor ma rgya chen po btang ngo / /bsgrub bya bsrung ba ni/ bcom ldan drang srong chen po khyod/ /sum mdo'i rigs mtshan ldan pa la/ /ji ltar bsrung bar dam bcas pa/ /de ltar 'di la bsrung bar mdzod/ /ces brjod la/de nas mar gyi dgang blugs phul te/ mchod pa dang bstod pa byas la/ bzod par gsol te/ gang yang bdag blo gti mug pas/ /legs bshad 'di la nyes pa gang / /lus can kun gyi skyabs gyur pa'i/ /de kun mgon pos bzod par mdzod/ /gtso bo nus pa ma mchis shing / / ma 'tshal ba dang ma rnyed pas/ /bdag gis bgyis pa gang bgyis pa/ /de kun mgon pos bzod par mdzod/ /ces brjod do/ /oM khyod kyis sems cad don kun mdzod/ /rjes su mthun pa'i dngos grub stsol/ /sangs rgyas yul du gshegs su gsol/ /sangs rgyas yul du gshegs nas kyang //slar yang byon par mdzad du gsol/ /zhes brjod la gshegs par bsam/ de nas dam tshig sems dpa' rang la bsdu/ de nas byin za la mchod bstod byas nas me lha'i zhabs drung gi thal bas bdag dang yon bdag bsrungs te/ smon lam gdab po/ /rang gi don dang gzhan gyi don/ / byin za khyod kyis mdzad lags kyis/ /rang gi yul du gshegs nas kyang / /slar yang byon par mdzad du gsol/ /e h+ye hi gats+tshaHzhes bya bas gshegs su gsol/ /de nas dam tshig gi me lha rim gyis tha mal pa'i me la thim par bya'o/ /de nas thal ba slong ba la sbyin no/ /'byung po thams cad 'dul ba'i rgyud chen las//btus te sbyin sreg cho ga mdor dran byas/ /des ni 'gro ba'i gdon dang sdig zhi nas/ /klu rnams kun gyi gnod pa bral gyur cig /rje btsun phyag na rdo rje gos sngon po can gyi sbyin sreg gi cho ga zhes bya ba/ slob dpon bram ze nyin mdzad rdo rjes mdzad pa rdzogs so// //