| བོད་ཡིག |
240a3 /[# ]@##/ /rgya gar skad du/ shrI badzra pA Ni sto tra/ bod skad du/ dpal phyag na rdo rje la bstod pa/ dpal phyag na rdo rje la phyag 'tshal lo/ /hUM bskal pa me ltar 'bar ba'i klong dkyil nas/ /bzhengs shig bzhengs shig chos kyi dbyings nas bzhengs/ /
240a4 chos sku nam mkha' lta bu'i dang nyid las/ /gzugs sku 'ja' tshon lta bu'i skur snang ba/ /bcom ldan rdo rje gtum po khros pa'i sku/ /zhal gcig phyag gnyis sku mdog mthing nag la/ /g.yas pa rdo rje rtse lnga bsnun pa'i tshul/ /g.yon pa sdigs mdzub 'chang ba thugs kar 'dzin/ /dbu
240a5 skra dmar ser gyen brdzes cod pan can//dbang bskur sangs rgyas mi bskyod pa yis mdzes/ /smin bsdus smin ma glog stong 'od du 'phro/ /spyan gsum 'bar ba khro bo'i lta bas mdzes/ /mche ba gtsigs shing dbugs rgyu me ltar 'bar/ /a la la yi gad rgyangs chen po sgrogs/ /ha ha'i gad
240a6 mos stong gsum brgyal bar byed//hUM gi nga ro 'brug stong ldir ba'i sgra/ /phaT kyis thog 'bebs rdo rje ser chen 'bebs/ /gshin rje'i gzugs can rgyan dang cha lugs ldan/ /sku stod seng ge'i pags pas rnam par brgyan/ /na bza' chos gos sngon po 'chang ba bsnams/ /stag gi smad
240a7 g.yogs pa ti khra bos brgyan//rin chen 'bar ba'i sbrul gyis dbu brgyan cing / /dga' bo nye dga'i snyan chas rab tu mdzes/ /gdug pa 'bar ba zas su gsol bar mdzad/ /klu nag se ral kha ru brgyan pa ste/ /'dab bzang dkar pos ska rags rnam par bcings/ /nor rgyas bus ni phyag
240b1 dang zhabs brgyan te//nyi zla'i steng na khro rgyal gar byed dgyes/ /sna tshogs pad+ma'i gdan la rnam par bzhugs/ /rdo rje'i rigs mchog bcom ldan gtum po ste/ /sangs rgyas 'dus pa'i sku la phyag 'tshal bstod/ /hUM bskal pa'i me 'bar klong na bzhugs pa ni / /nyon mongs 'khor ba rtsad nas
240b2 gcod pa'i rtags//zhal gcig phyag gnyis sku mdog mthing nag ni/ /thabs dang shes rab zung du 'brel pa'i rtags/ /rdo rje rtse lnga g.yas na bsnams pa ni/ /ye shes lnga ldan dug lnga 'joms pa'i rtags/ /g.yon pas sdigs mdzub thugs kar 'chang ba ni/ /chos kyi dbyings las
240b3 'gyur ba med pa'i rtags//dbu skra dmar ser gyen du brdzes pa ni/ /khams gsum 'khor ba'i sems can 'dren pa'i rtags/ /sangs rgyas mi bskyod pa yis brgyan pa ni/ /de bzhin gshegs pa'i rigs la dgongs pa'i rtags/ /smin bsdus smin ma glog stong 'phro ba ni/ /thugs rje'i
240b4 thabs kyis gdug pa 'dul ba'i rtags//mche gtsigs dbugs rgya me ltar 'bar ba ni/ /thabs kyi spyod pas nyon mongs sreg pa'i rtags/ /spyan gsum dmar ba khro bos blta ba ni/ /sku gsung thugs kyi don dang ldan pa'i rtags/ /a la la yi gad rgyangs sgrogs pa ni/ /'jig rten
240b5 gsum na 'gran zla med pa'i rtags//ha ha'i gad rgyangs stong gsum brgyal ba ni/ /thabs mkhas thugs rjes gdug pa 'dul ba'i rtags/ /hUM gi nga ro 'brug stong ldir ba ni/ /khro bo'i rigs rnams dbang du sdud pa'i rtags/ /phaT kyis rdo rje'i thog ser 'bebs pa ni/ /ma mo mkha' 'gro
240b6 dbang du sdud pa'i rtags//gshin rje'i gzugs can rgyan dang cha lugs ni/ /sku che yan lag rags te che ba'i rtags/ /sku stod seng ge'i pags pas brgyan pa ni/ /chos nyid don ldan spros dang bral ba'i rtags/ /na bza' chos gos sngon po 'chang ba ni/ /tshul khrims don ldan dri ma
240b7 med pa'i rtags//stag sham ba ti khra bos brgyan pa ni/ /zhe sdang 'dul mdzad sgrub mchog skyod pa'i rtags/ /rin chen 'bar ba'i sbrul gyis dbu brgyan pa/ /'dod dgu bsam pa re ba skong ba'i rtags/ /dga' bo nye dga'i snyan chas brgyan pa ni/ /bram ze'i klu rnams dbang du sdud pa'i
241a1 rtags//gdug pa 'bar ba zas su gsol pa ni/ /gdol pa'i rigs rnams dbang du sdud pa'i rtags/ /klu nag se ral kha ru brgyan pa ni/ /dmangs rigs klu rnams dbang du sdud pa'i rtags/ /'dab bzang dkar po ska rags bcings pa ni/ /rgyal rigs klu rnams
241a2 dbang du sdud pa'i rtags//nor rgyas bu yis phyag zhabs brgyan pa ni/ /rje rigs klu rnams dbang du sdud pa'i rtags/ /nyi zla'i steng na gar byed dgyes pa ni/ /thabs dang shes rab zung du 'brel pa'i rtags/ /sna tshogs pad+ma'i gdan la bzhugs pa ni/ /nyon mongs 'khor ba'i skyon
241a3 gyis ma gos rtags//rdo rje'i rigs mchog bcom ldan gtum po ni/ /thabs kyi spyod pas 'gro don byed pa'i rtags/ /sangs rgyas thams cad 'dus pa'i sku bstan pa/ /sangs rgyas kun gyi phrin las mdzad pa'i rtags/ /sku yi yan lag rags te dpa' dpa' 'dra/ /rgyan dang cha
241a4 lugs ldan te sgeg sgeg 'dra//zhe sdang 'joms mdzad stag gi sham thabs can/ /gdug pa 'dul mdzad sbrul gyi chun pos brgyan/ /nyon mongs 'joms mdzad me dpung klong na bzhugs/ /sangs rgyas kun gyi bdag nyid rdo rje 'chang / /bcom ldan gtum po'i sku la phyag 'tshal
bstod/