234b5 / //rang gi bla ma nyid las thos nas khams pa dge slong ba ri lo tsA ba chen po rin chen grags pas bsgyur cing / slad kyis rgya gar gyi mkhan po a b+hi yug ta dang zhu dag byas nas gtan la phab pa'o/[ ]@#/ /rgya gar skad du/ badzra pA Ni
234b6 sA d+ha TaM/bod skad du/ phyag na rdo rje la phyag 'tshal lo/ /gnyis med ye shes bcu drug lon/ /ye shes mnga' bdag gzhan snang mdzad/ /lcang lor gsang ba btul nas bzhugs/ /dpal ldan de la phyag 'tshal te/ /'gro ba bsgral bar bya ba'i
234b7 phyir//bdag gis sgrub thabs 'di brtsam mo/ /de la dang por dbang thob pa'i/ /dam gnas rigs ldan rnal 'byor des/ /nyams dga'i gnas su bsam gtan bya/ /khrus byas bde ba'i stan 'dug nas/ /sems can don phyir dran bya'o/ /rang nyid zla steng hUM las ni/ /'od spros
235a1 bla ma sangs rgyas sogs//nam mkhar dmigs la phyag 'tshal mchod/ /sdig pa bshags sogs bdun pa bsam/ /de nas byams sogs bsgoms nas ni/ /brtan g.yo srid gsum stong par bsam/ /oM shu n+ya tA dz+nyA na badzra swa b+hA ba At+ma kou0f85haM/ de nas trIHdang aM yig l
235a2 as//sna tshogs pad+ma nyi dkyil 'khor/ /de steng t+t+waM bsam de las 'od/ /'od 'phros gur dang sa gzhi sogs/ /dra ba ra ba rdo rje 'bar/ /hUM las 'od 'phros rdo rjer gyur/ /de las sgur gyur sprin dkar mdog /rdo rje gtum po 'jigs pa che/ /g.yas pa rdo rje thugs kar gsor/ /g.yon
235a3 pas khu tshur dku ru brten//mtshan dang dpe byad 'bar bas mdzes/ /phyag rgya lnga sogs rgyan ldan zhing / /ye shes sku la dri mas stong / /gnas gsum oM sogs byin gyis brlabs/ /de nas thugs ka'i hUM las ni/ /'od 'phros ye shes sems dpa' dgug /mchod bstod byas la
235a4 dgug gzhug bya//de nas hUM las 'od 'phros pas/ /phyogs bcu rgyal ba'i thugs kar phog /phyogs bcu rgyal ba'i thugs ka nas/ /bum chu thogs pa'i lha mo yis/ /dbang bskur dag byas rigs bdag po/ /mi bskyod rdo rje spyi bor 'dzin/ /de nas hUM las lha mo sprul/ /mchod pa
235a5 kun gyis rab tu mchod//yon chab me tog bdug spos snang / /dri dang lha bshos sgra yis mchod/ /bstod la thugs kar nyi gdan la/ /hUM bsams sngags kyi 'od zer tshul/ /bskor ba'i tshul kyis bzlas pa bya/ /oM badzra tsaN+Da sarba duSh+TAn+ta ka ha na da ha pa tsa hUM phaT/ de nas hUM las
235a6 'od 'phros pas//'byung po'i tshogs rnams rab bkug nas/ /gtor ma bdud rtsir bsams la bsngo/ /oM a kA ro mu khaM sarba d+harmA nAM/ Ad+ya nud pan+na trA ta oM UHhUM phaT swA hA/ tshim par byas la gnas su gtang / /oM A hUM muH de nas ye shes sems dpa' dgye/ /mchod bstod
235a7 bzod gsol smon lam gdab//gshegs pa'i sngags kyis gshegs su gsol/ /dam tshig sems dpa'i nga rgyal gyis/ /spyod lam kun du gnas par bya'o/ /gzungs sngags phan yon ji ltar gsungs pa kun/ /'di la mi gnas de dag 'byung ba min/ /bdag gis bsgrub
235b1 pa'i nus pa de med kyang //snying rje'i dbang gis 'gro la phan gdags phyir/ /sgrub thabs rin chen 'dus pa 'di bshad pas/ /sgu gsum yid bzhin rin chen thob par shog /phyag na rdo rje gos dkar po can gyi sgrub pa'i thabs/ slob dpon ngag gi dbang phyug grags pas mdzad pa rdzogs so// //