CLOSE WINDOW

D2879
བོད་ཡིག

@##/ /rgya gar skad du/ tata twa bra dI pa nA ma/ bod skad du/ de kho na nyid sgron ma zhes bya ba/ dpal phyag na rdo rje la phyag 'tshal lo/ /mthu stobs kun gyi bdag po ni/ /rdo rje 'dzin la phyag 'tshal nas/ /bsnyen sgrub las sbyor la sogs pa'i/ /rtags kyi rim pa bri bar bya/ /de la rtags ni bzhi yin te//lha grub gdon rnams thub pa dang / /nad phyir byung dang mi ldog pa'o/ /lha ni nye bar 'grub gyur na/ /yang dag rtags dang bdud kyi rtags/ /rnam pa gnyis su shes par bya/ /dang po rnam pa gsum yin te/ /mngon sum rmi lam nyams myong ngo / /dbang po'i mngon sum dag tu yang //lha yi sku mdog phyag mtshan gzugs/ /rten dang lus las 'od byung ba/ /mig gis mthong ngam nyams su 'byung / /rna bas dag pa'i gsang sngags thos/ /des ni dngos grub gnyis ka 'byung / /'bring ni rmi lam gsal po la/ /dngos dang phyag mtshan mchod rten dang //me tog sngo dang khye chung sngo/ /bla ma sangs rgyas mthong ba dang / /ri bor 'dzeg dang lha yul mthong / /dngos grub 'grub tu nye ba ste/ /bsnyen pa'i rtags su shes par bya/ /rang gi nyams su 'byung ba ni/ /lus la srog chags sngar pas ni/ /phyi dang nang du nyung ba dang / /rig pa shin tu bde ba dang //nyon mongs rnam rtog shas chung ba'o/ /gong du bstan pa de rnams kyang / /yang 'jigs dang bcas pa dang / /kha dog skya la mdangs med dang / /'od kyang sngo zhing mi rtag dang / /nam gung man chad rmi lam na/ /sad nas 'jigs shing skyi g.ya' ba/ /bdud kyi rtags su shes par bya//'byung po bsad dang yan lag bcad/ /brdung btags skad ngan 'don pa dang / phyugs rdzi byas dang mer bsreg sogs/ /gdon rnams thub pa'i rtags yin no/ /bshang gci dor dang bshal btang dang / /srog chags lus la phyir 'thon dang / /sngar gyi rtog pa spangs pa ni//nad rnams phyir la thon pa'i rtags/ /gzugs brnyan bsregs par thal bar 'gyur/ /dgra po yul nas thon gyi rmi/ /'og tu bcug pas dngos po brlag /phyir mi ldog pa'i rtags yin te/ /de rnams las bzlog ngan pa yi/ /rtags su nges par shes par bya/