CLOSE WINDOW

D2873
བོད་ཡིག

/[ ]@##/ /rgya gar skad du/ tsakra u pa de sha nA ma/ bod skad du/ 'khor lo'i man ngag ces bya ba/ dpal phyag na rdo rje la phyag 'tshal lo/ /rnal 'byor sngon du bsnyen byas pas/ /drag po'i las la sbyar bya ste/ /las sbyor cis kyang ma thul na/ / 'khor lo'i las la 'jug par bya/ /sbyor ba 'di la zhugs gyur na/ /brlag par 'gyur te the tshom med/ /drag po'i las kyi 'khrul 'khor 'di/ /ting nge 'dzin gyi mtshon yin te/ /rtse gcig bsgoms pas 'grub pa las/ /kun gyis 'grub par mi nus so/ /'di ni zhe sdang 'khor lo ste//drag po 'khrugs pa'i rdzu 'phrul gyis/ /dmigs na lha'ang brlag par 'gyur/ /'das dang ma byon da ltar gyi/ /sangs rgyas rnams kyi thugs brtol nas/ /gzungs sngags drag po'i 'khrul 'khor 'dis/ /myur du bsgrims te bsgral ba na/ /nam mkha' nyid kyang 'jig 'gyur na//bsgrub bya'i rnam shes smos ci dgos/ /'di ni dgug pa'i 'khor lo ste/ /sga tsha thal chen grog mo'i zhing / /bong bu'i sbangs dang sa gnyan las/ /klu rigs rnams kyi gzugs bya ste/ /snying po ti dang ming bcug la/ /dgug pa'i dgongs pa 'di ltar bya/ /tha ma'i phaT las dzaH'phros te//dzaHlas lcags kyu'i dbyibs byung nas/ /bsgrub bya'i rnam shes bkug par bsam/ /khugs nas sgrub pa'i las la 'jug /de nas gsad pa'i 'khor lo brtsams/ /stong nyid ngang las e las ni/ /mthing ga gru gsum chos 'byung dbus/ /yaM las rlung gi dkyil 'khor te//raM las me ri lnga yi dbus/ /'bar ba'i 'khor lo bskyed par bya/ /b+h+rUM badzra tsakra rak+Sha hUM/ /b+hUM las srid pa'i 'khor lo ni/ /spu gri gcod pa'i 'khor lo bskyed/ /badzra rdo rje'i 'khor lo ni/ /me 'bar dpal dang bcas par bsam/ /tsakra phyogs mtshams 'khor lo ni/ / rdo rje ra ba'i 'khor lo bsgom/ /rak+Sha zhes pas steng srung ba'i/ /byin gyis brlabs pa'i 'khor lo bskyed/ /hUM rnams las ni bde gshegs sku/ /cho ga yan lag gsum gyis bskyed/ /thugs kar ye shes 'khor lo bsgom/ /ye shes sems dpa'i thugs ka ru/ /nyi stengs dpa' po 'bru lnga dgod//mu khyud rtsa ba'i sngags kyis bskor/ /bde gshegs bka' dang dam tshig las/ /mi 'da' ba yi 'khor lo la/ /zil gyis mnan pa'i sngags rnams dgod/ /phyogs mtshams mtshon cha'i 'khor lo la/ /gnad la dbab pa'i sngags rnams dgod/ / rdo rje srid pa'i 'khor lo la/ /tshar bcad pa yi sngags rnams bsam/ /byin rlabs srung ba'i 'khor lo'i dbus/ /mi bskyod zhe sdang rdo rje ste/ /mthing nag sdigs mdzub rdo rje bcas/ /sems dpa'i skyil krung nyi zla'i gdan/ /'khor lo yi ni rtsibs dag la/ /bcom ldan gtum po khros pa'i sku//rdo rje dang ni sdigs mdzub bcas/ /zhal nas sngags kyi sgra sgrogs pas/ /log 'dren tshogs rnams 'joms par byed/ /de ltar 'khor lo chen po bsgoms/ /ye shes 'khor lo spyan drangs te/ /mchod bstod sdig bshags la sogs bya/ /phyag rgya bzhi yis de la bstim//sku gsung thugs su byin gyis brlabs/ /rjes su gnang ba gsum ldan gyis/ /chos kyi rgyal por dbang bskur te/ /de nas 'khor lo bskor 'dod na/ /thugs ka'i hUM las 'od 'phros pas/ /ye shes sems dpa'i thugs dam bskul/ /de las 'od 'phros sngags la phog /sngags las 'od 'phros 'khor lo bskul/ /'khor lo 'od zer 'bar ba yis/ /steng 'og phyogs mtshams 'khor lo bskor/ /thub cing rab tu bsreg par bsam/ /bdag nyid kyis ni sngags bzlas pas/ /sngags kyi 'khor lo rim par bskor/ /gzas pa po yi snying ga ru//ya yis bskyod de hUM gis bsdu/ /phaT kyis rnam par 'thor zhing bsregs/ /srid pa rdo rje'i 'khor los gtub/ /phyogs mtshams mtshon cha'i 'khor lo yis/ /phog na thams cad brlag par 'gyur/ /tsit+ta thugs kyi sgrub pa ste/ /shin tu gnod na khong du bskor/ / 'phral du gsod na rten la bskor/ /skabs su gnod na dgug cing bskor/ /bskor nas brlag par gdon mi za/ /'khrul 'khor 'di yi sbyor ba yis/ /gzhan gyis byas pa'i rig sngags dang / /byad dang bka' nyan pho nya dang / /'khor lo'i ting 'dzin la sogs rnams/ /gnod sbyor thams cad 'jig byed cing //gzhan gyis byas pa'i rig sngags gcod/ /rig sngags drag po'i gzungs sngags kyi 'khrul 'khor zhes bya ba/ slob dpon su bA gI shwa ra kI rtis mdzad pa rdzogs so// //rgya bod gnyis la grags par gyur pa yi/ /mdo sngags don la mkhas pa'i dI paM ka ra la/