207b4 / /[ ]/mthu stobs kyi bdag po dpal phyag na rdo rje la phyag 'tshal lo/ /gang gi stobs kyis gdug pa 'joms byed pa/ /mthu stobs dbang phyug rdo rje can la 'dud/ /'gro ba 'di kun phal cher gnod mang ba/ /de sel bdud rtsi 'di ni brjod par bya/ /rig
207b5 pa 'dzin pa nyams dga'i phyogs 'dug nas//rnam par sbyangs pa'i sa gzhi dag pa la/ /rab sngo mchod pa'i rten sogs mdun byas nas/ /thub dbang rdo rje'i bdag po'i go 'chang ba/ /bsod nams tshogs bdun rab tu rdzogs byas nas / /de rjes su ni sngar nyid pad+ma'i rang bzhin snying
207b6 gar baM las der bsam bya//de dkyil raM las byung ba'i tsha zer can ni dmar po bltas byas nas/ /der ni srog gi rang bzhin ye shes lnga yi dngos nyid yi ge hUM du blta/ /'og tu dbugs nyid yaM yig las skyes rab sngo gzhu 'dra ba/ /g.yo ba'i ba dan gyis mtshan de g.yos pas
207b7 ni rab dkrugs nas//me yi rang bzhin nyi ma yang ni sbar byas hUM yig gis ni 'bar gyur bas/ /mthong dang reg pa'i dug sogs rgyu can nad kyi dngos bsregs nas/ /rab tu tsha ba'i me lce'i sgra las rigs pa'i sgra bsgrags la/ /ma yengs sems kyi skyon spangs sngags ni
208a1 rab tu bzlas byas nas//dbugs ni 'byung dang rngub pa'i rlung gis lus kyi steng 'og cha ni rim bzhin bsreg /zla drug goms pas lus la drod thob la sogs mtshan ma bzang po rnyed/ /gso bar dka' ba'i nad rnams 'joms 'gyur sa mchog rnams kyang rim gyis 'thob/ /