199b1 /bgegs dang log 'dren 'tsho skyob dang / /rje btsun srung 'khor byas pa yis/ /dge des sems can bar chad zhi/ /rje btsun seng ge sgra'i srung 'khor bla ma'i zhal nas 'ongs pa rdzogs so//[ ]@##/ /rgya gar skad du/ saM k+Ship+ta a mo g+ha pA sha sA d+ha naM/ bod
199b2 skad du/don yod zhags pa'i sgrub thabs mdor bsdus pa/ 'phags pa don yod zhags pa la phyag 'tshal lo/ /mgon po hrIHyig las byung zhing / /thugs ni thugs rje yis brlan pa/ /don yod zhags pa zhes bya ba'i/ /'jig rten mgon la bdag phyag 'tshal/ /sdig pa
199b3 bshags sogs byas nas ni//stong pa nyid sogs mthar thug pas/ skad cig rnam pas rje btsun ni/ /ji lta'i gzugs su rnam par bsgom/ /sna tshogs chu skyes steng bzhengs nas/ /zhal gcig pa la phyag brgyad pa/ /mi 'jigs pa dang mchog sbyin dang / /zhags pa bgrang phreng
199b4 rab mdzes g.yas//dbyug pa rtse gsum glegs bam dang / /pad+ma'i spyi blugs 'dzin pa g.yon/ /dka' thub chas 'dzin mdzad pa yis/ /stag gi pags pas smad dkris pa/ /g.yas g.yon nor bzangs rta mgrin dang / /sgrol ma khro gnyer can yang ngo / /mgon po yan lag kun
199b5 dkar po//rab dkar na bzas rnam par spras/ /'od zer dkar po mnyam par 'khrigs/ /de bzhin gshegs pa lnga 'phro ba/ /'od dpag med dmar cod pan can/ /sems can don mdzad pa la brtson/ /de ltar bsgom par byas nas ni/ /gsang sngags bzlas pas bdud 'byer ro/