198b6 rgya gar gyi slob dpon chen po ti la kas mdzad pa rdzogs so// //paN+Di ta de nyid dang lo tsA ba mal gyis bsgyur cing gtan la phab pa'o//[ ]@##/ /rgya gar skad du/ siM ha nA da rak+Sha tsakra nA ma/ bod skad du/ seng ge sgra'i srung ba'i
198b7 'khor lo zhes bya ba/'phags pa seng ge sgra la phyag 'tshal lo/ /thugs rje mchog dang ldan pa yi/ /seng ge sgra la phyag 'tshal te/ /sems can kun gyi nad dang gdon/ /bsrung ba'i cho ga bshad par bya/ /dus dang tshes grangs bzang po la/ /mchod rten maN+Dal
199a1 bshams nas ni//lha yi nga rgyal ldan pa yis/ /ras sam shing lo gro ga la/ /khrag gam rgya skyegs gur gum gyis/ /rim pa ltar ru bskor bar bya/ /dang po pad+ma'i lte ba yin/ /gnyis pa mu khyud phra bar bskor/ /gsum pa cung che pad 'dab brgyad/ /bzhi pa lnga
199a2 pa'i rim pa ni//pad+ma'i phyir la phra ba bya/ /yi ge dgod pa'i sbyor ba ni/ /dbus su oM gyi sbyor yig dang / /de mthar ming dang bsrung tshig bri/ /de yi phyi rim mu khyud la/ /dbyangs kyi yi ge bcu drug bri/ /gsum pa pad 'dab brgyad pa la/ /oM spangs yi ge brgyad po bri/ /rim
199a3 pa bzhi pa'i mu khyud la//gzungs sngags bsrung tshig bcas pa bri/ /rim pa lnga pa'i mu khyud la/ /gsal byed sum cu bzhi pa la/ /bsrung bya las sngags ldan pa dgod/ /de ltar bri ba rdzogs nas ni/ /rab tu gnas pa'i cho ga ni/ /maN+Dal steng du 'khor lo bzhag /mchod
199a4 dang gtor ma gcig btang ste//'khor lo'i oM yig las spros te/ /rje btsun 'khor lo'i steng du drang / /rang gi thugs ka'i sa bon las/ /lha mo lnga la mchod pa dang / /rdzas kyi mchod pa rnam lngas mchod/ /bstod cing bsrung bar gsol ba gdab/ /de zhu yig 'bru'i
199a5 rnam par gyur//de la byin rlabs bya phyir sngags bzlas pa/ /oM AHhrIHsi ha nA da hUM phaT/ che ge mo sarba ka te rak+Sha ku ru shAn+tiM puSh+TiM ku ru swA hA/ oM a A/ i I/ u U/ ri rI/ li lI/ e e/ o au/ aM aHche ge mo la rak+Sha ku ru shI n+taM ku ru/
199a6 puSh+TiM ku ru swA hA/ na mo rat+na tra yA ya zhes pa'i gzungs dang / ka kha ga g+ha nga / zhes pa'i gsal byed la yang ming dang las sngags sbyar te sngags de rnams brgya rtsa brgyad dam/ nyi shu rtsa gcig gam thebs bdun bzlas la gtor ma btang bsrung bar gsol ba gdab/ de
199a7 nas dril te gdags par bya'o//de yi rjes la bya ba ni/ /rang gi ye shes bcug gyur nas/ /mchod de bzod gsol gshegs par bya/ /rang la byed dam gzhan la'ang / /bsrung ba btags pa'i phan yon ni/ /tshe ring bsod nams che ba dang / /sdig pa thams cad byang ba
dang /