197b7 /rje btsun seng ge sgra'i sgrub thabs/ slob dpon tsan+d+ra go mis mdzad pa rdzogs so/ //dpyal chos kyi bzang pos bsgyur ba'o//[ ]@##/ /rgya gar skad du/ lo ki shwa ra siM ha nA da sto tra nA ma/ bod skad du/
198a1 'jig rten dbang phyug seng ge sgra zhes bya ba'i bstod pa/ 'jig rten dbang phyug seng ge sgra la phyag 'tshal lo/ /gang gis 'jig rten nyes pa ma lus dbang gyur ji srid legs pa'i lam la ma bkod pa/ /de srid de dag yang dag gdon phyir bdag ni byang chub mchog tu bgrod
198a2 par byed ma gyur//gang gis khams gsum 'di dag seng ge'i sgra chen mchog gis gsal bar gang gyur pas/ /sdug bsngal can dag bskyab phyir thugs rje'i spyan dang seng ge sgra ldan khyod la bstod/ /ral pa rgya che'i dbyibs can dri med zla 'dra shin tu dkar ba'i zhal mnga' ba/ /bskal
198a3 pa du mar tshogs bsags brtul zhugs chen po shin tu dag byed dang ldan pa//'gro ba ma lus phan mdzad lha dang lha min grub pa rnams kyis rab btud pa/ /shin tu rgya che ba yi sku mnga' khyod la rtag tu gus pas phyag 'tshal lo/ /pad+ma dmar po rgyas pa zla ba'i gzugs dang ldan pa'i
198a4 gdan//seng ge'i gdan gyi steng na rgyal po'i rol pas rnam par mdzes/ /chos kyi mnga' bdag 'byor pas dri med gsung ni bka' stsal pa/ /'jig rten mgon po 'od dpag med pa'i dpal gyis dbul mtshan la 'dud/ /g.yas kyi phyag ni pad+ma gsal ba lta bur 'jam pa yis/ /
198a5 khams gsum nyes pa gsum po zhi bar bya phyir rtse gsum pa/ /'od zer 'bar 'khrigs sbrul dang ldan pas rtag tu gang 'dzin pa/ /bdag gi thub pa seng ge sgra de la ni rtag tu phyag bgyi'o/ /khams gsum po la thugs rje chen pos gnas kyang skyon gyis ni/ /khyod la gos pa med kyang de
198a6 dag spang phyir khyed kyis ni//g.yon pa'i phyag gis ral gri dam rdzas dang bcas pad+ma bsnams/ /rgyal ba'i sras po khyod la rtag tu bdag nyid skyabs su mchi/ /nga rgyal la sogs tshogs kyis g.yengs pa'i sems can rnams la ni/ /dmigs nas rgyal ba lnga po yang dag spros
198a7 nas de rnams la//ji lta ji ltar dag pa'i thabs la mkhas pa dag gis mdzad pa rnams/ /gang la dgongs pa de mnga' phyag na pad+ma de la phyag 'tshal lo/ /mkhas pa rnams kyis gang la tshig gi go skabs med pa ni/ /thos pa la sogs bral bas khyod la mos dang gus pa med/ /de
198b1 dag rnams kyis mkhas pa'i mchog nyid dag ni thob pa yi//mnyam med dpal ldan seng ge sgra la bdag ni skyabs su mchi/ /skye ba gzhan gyi mi dge mdze yi rnam par gyur pa rus pa dang / /sna nas rkang lag srin bus skad 'gags ldan pa dag /khyod bstod pas ni skad cig gis ni gser mdog
198b2 lta bu'i lus su gyur//thub pa seng ge sgra khyod la ni de nyid de la skyabs su mchi/ /klu yi mnga' bdag gyur pa chu lha dbang du mdzad nas ni/ /dus min char dang char med mdze dang skyon dag zhi don dang / /'gro ba'i don dang don med tshogs dag rab tu sel bar mdzad pa yi/ /brtson 'grus brtan
198b3 par rab brtsams khyod la kun nas 'dud//mang du brjod pas ci zhig khyod kyi mtshan dang sku dag dang / /gang zhig la la gus pas 'dzin pa dang ni sems dga' dag /skye bo de ni longs spyod rgya che ba dag thob par gyur nas kyang / /srid pa'i rgya mtsho brgal dkar brgal nas mya ngan 'das
198b4 pa thob par 'gyur//ngag gi dbang phyug la sogs gang gis kyang ni rje btsun gyi/ /yon tan phyogs gcig cha tsam bskal pa du ma ru/ /'bad pas kyang ni brjod par nus pa ma yin na/ /ji ltar bdag 'dras 'khrul kyang gus byas 'di dag bzod par gsol/ /'jig rten gsum po'i
198b5 sdug bsngal 'phrog byed mchog gi dges byed can//dpal ldan seng ge sgra yi bstod pa las thob bsod nams gang / /dpag med kun+da do shal dgod pa dkar po dang 'dra ba/ /de yis skye bo byang chub 'gyur med go 'phang myur thob shog /bcom ldan 'das 'jig rten dbang
phyug seng ge sgra'i bstod pa/