191b1 paN+Di ta pur+Na kIrti dang / /sna nam rdo rje bla mas bsgyur ba'o//[ ]@##/ /rgya gar skad du/ lo ke shwa ra sA d+ha naM/ bod skad du/ 'jig rten dbang phyug gi sgrub thabs/ 'jig rten dbang phyug la phyag 'tshal lo/ /rje btsun 'jig rten dbang phyug bsgom par 'dod pas/ dang por
191b2 skyabs 'gro dang sems bskyed byas nas rang gi snying gar yi ge a dkar po yongs su gyur pa las zla ba'i dkyil 'khor dang /de'i steng du yi ge hrIH dkar po gcig bsgom par bya'o / /de las 'od zer 'phros pas ri po ta la na rje btsun 'jig rten dbang phyug bzhugs pa de mdun gyi nam mkhar
191b3 spyan drangs te de la rang gi lus dpag tu med par sprul nas yid kyis phyag byas par bsam zhing snying ga'i hrIH'i 'od zer gyis mchod pa lngas mchod de/sdig pa thams cad ni so sor bshags so/ /bsod nams thams cad la rjes su yi rang ngo / /sangs rgyas thams cad la gsol ba 'debs so/ /
191b4 bdag gis bla na med pa'i ye shes thob par gyur cig ces brjod do/ /de nas ye shes pa de'i thugs ka'i yi ge hrIH las 'od zer byung ste/ rang gi snying ga'i yi ge hrIH la thim de las 'od zer 'phros pas rang gi sgrib pa gnyis dag par byas te rang rje btsun 'jig rten dbang phyug sku mdog
191b5 dkar po zhal gcig phyag bzhi pa/phyag dang po gnyis thugs kar thal mo sbyar ba/ g.yas kyi gnyis pa na nor bu'i bgrang phreng / g.yon gyi gnyis pa ni pad+ma dkar po 'dzin pa/ ral pa'i thor tshugs can sangs rgyas 'od dpag med kyis dbu brgyan pa/ rin po che'i rgyan kun gyis spras
191b6 shing /lha rdzas kyi na bza' dang ldan pa cig tu gyur par bsam/ de nas ye shes pa de rang dam tshig pa la thim pas dbyer med du gyur par bsgom/ yang rang gi snying ga'i yi ge hrIH las 'od zer 'phros pas sems can thams cad la phog ste de rnams kyi sgrib pa gnyis dag par byas
191b7 nas thams cad rje btsun 'jig rten dbang phyug tu gyur par bsgom zhing /de rnams kyi ngag tu sgra ci grag pa thams cad kyang yi ge drug pa zlos par bsam/ rang gis zlos pa'i tshe de thams cad kyis yi ge drug pa di ri ri zlos par bsgom zhing dag par bzlas so/ /mthar yongs su dag pa'i
bsngo ba bya'o/