CLOSE WINDOW

D2848
བོད་ཡིག

/ //rnal 'byor gyi dbang phyug chen po shrI dza ga ta mi trA nan+ta'i zhal snga dang / kha che'i paN+Di ta chen po bud+d+ha shrI dz+nyA nas gtan la phab nas/ bod kyi lo tsA ba gnubs byams pa'i dpal bzang po zhes bya bas bsgyur ba'o//[ ]@##/ /rgya gar skad du/ sa ha sra b+hU dza nai tra sA d+ha naM/bod skad du/ phyag stong spyan stong gi sgrub thabs/ 'phags pa phyag na rdo rje la phyag 'tshal lo/ /'jig rten rnams kyi mgon po mchog /dkar po thugs rje rtags 'chang ba'i/ /byams pa'i stobs kyis 'gro 'dul ba/ /dam pa de la phyag 'tshal nas/ /bdag nyid dran phyir sgrub thabs gang //nges pa'i shes pas bri bar bya/ /'gro ba rnams kyis dben pa yi/ /yid du 'ong ba'i sa phyogs su/ /sa gzhi legs par byugs byas la/ /me tog dri zhim bkram byas te/ /gcig dang sbyar bas 'dug pa'i stan/ /bde ba la 'dug byas nas ni/ /'gro ba'i don du sems bskyed la//snying gar raM las gyur pa yi/ /'od 'byung dmar po bsam byas nas/ /de steng thugs yid las gyur pa'i/ /gnod mdzes rgyal por bdag bsams te/ /chu shing ram shing sbyar ba'i sgras/ /phyogs bcu dag tu sdigs mdzub dang / /sngags kyis yang dag bskrad par bya//oM sarba bi g+h+nAn ha na ha na hUM phaT rak+Sha rak+Sha swA hA/ de nas bdag nyid snying ga las/ /a las ri bong can bsams nas/ /de ni thugs mchog bsgom par bya'o/ /de las 'od zer nag po dag /sa gzhi dag la spros byas pas/ /sa gzhi la sogs rdo rjer gyur/ /de las 'od 'phros ra ba dang //gur dang bla re dra ba dang / /shin tu mngon par bsgom par bya/ /de nas nam mkha' bla ma dang / /sangs rgyas byang chub sems dpa' dag /sngon du mngon sum dmigs pa la/ /phyag 'tshal ba dang mchod pa dang / /sdig pa bshags dang yi rang dang / /bsod nams bsngo dang skyabs 'gro dang //sems bskyed pa dang gnas bzhi dang / /mthar ni stong nyid bsgom pa'o/ /don gyis dngos por bsams nas ni/ /sngags 'di myur du bklag par bya/ /oM swa b+hA bshud+d+haHsarba d+harmAHswa b+hA ba shud+d+hou0f85haM/ oM shU n+ya tA dz+nyA na badzra swa b+hA ba At+ma k ou0f85haM/de dag nang du bsam bya ba/ /ya wa ra la rnam bzhi pa/ /steng du sna ldan gzhag pa las/ /dbang chen chu bdag 'bar ba dang / /skyed par byed pa rnam bzhi yi/ /dkyil 'khor kha dog rnam bzhi rnams/ /rim pa bzhin du rnam par bsgom/ /de steng suM las ri rab ni/ /rin chen sna bzhis yang dag gnas//de dag yongs su gyur pa las/ /khang pa brtsegs pa bsam bya ba/ /gru bzhi pa la sgo bzhi pa/ /ka ba brgyad kyis nye bar brgyan/ /ye shes sna lnga'i rtsig pa dag /phyogs bzhi dag tu brgyan nas kyang / /dra ba dra phyed dag dang ni/ /rin chen pha bu dag dang ni//gru bzhi par ni brgyan pa yin/ /twa ra na ni bzhis brgyan cing / /mdzes pa'i pad+ma'i phreng ba dang / /rdo rje thig skud 'od 'bar ba'o/ /grwa bzhi dag tu dpag bsam shing / /chen po bzhi dang klu rgyal dang / /sprin dang phyogs skyong zhing srung rnams/ /yang dag par ni dgod par bya/ /de dkyil thig ni bzhi btab pas//dkyil 'khor dgu ru gyur pa la/ /dkyil du bcom ldan phyag stong pa/ /kha dog dkar po ldem bag can/ /zhal gdong bcu gcig phyag bco brgyad/ /dbu ma'i zhal gsum dkar la mdzes/ /lhag ma khro zhal 'jigs pa'i gzugs/ /kun gyi steng na 'od dpag med//pad+ma'i rigs kyi phyag rgyas btab/ /dang po phyag gnyis snying ga na/ /thal mo nges par sbyar ba yin/ /de 'og g.yas na dgra sta dang / /de 'og gri gug rnon po yin/ /pad+ma ral gri zhags pa dang / /ljon shing me long bsil yab dag /rim pa bzhin du gnas pa yin/ /g.yon pa'i phyag ni de 'og dag /rdo rje dril bu mda' gzhu dang / /lcags kyi bum pa 'khor lo dang / /gdugs dang rin chen 'bar ba rnams/ /rim pa bzhin du bsnams par mdzad/ /rdo rje bsnams pa'i phyag gis ni/ /lha mo pad+ma'i sgrol ma la/ /gnyis su med pas 'khyud par mdzad/ /lha mo de ni zhal gcig ste//phyag ni drug tu nges pa ste/ /dang po'i g.yas pas ut+pal gyi/ /steng na pad+ma brgyad bsnams pas/ /thugs rje che ba 'khyud par mdzad/ /de 'og gri gug pad+ma bsnams/ /g.yon pa'i dang pos me long dang / /bsil yab bum pa bsnams par mdzad/ /hUM dang paM las gyur pa yi//phyag stong yum bcas de ltar bsgom/ /de yi shar gyi dkyil 'khor la/ /yi ge baM las gyur pa yi/ /rdo rje pad+ma zhes bya ba// /zhal gcig kha dog dkar po can/ /phyag g.yas dang po ut+pal gyi/ /steng na pad+ma 'dab ma brgyad/ /de steng rdo rje rtse dgu pa/ /sngon po nyid kyis bsnams par mdzad//de 'og 'khor lo zhags pa dang / /g.yon gyi dang pos dril bu 'dzin/ /de 'og lcags kyi dgra sta dag /phyar ba nyid kyis bsnams par mdzad/ /lho phyogs dkyil 'khor sngon po la/ /yi ge raM las gyur pa yi/ /rin chen pad+ma bsam bya ba/ /g.yas kyi dang po ut+pal gyi//steng na pad+ma 'dab ma brgyad/ /de steng rin chen zur brgyad pa/ /'bar ba nyid kyis yang dag 'dzin/ /lhag ma shar gyi bcom ldan ltar/ /phyag mtshan rnams ni bsnams par mdzad/ /nub kyi dkyil 'khor dmar po la/ /muM yig 'bar ba las gyur pa'i/ /thub pa'i pad+ma bsgom bya ba//g.yas kyi dang po rang nyid kyi/ /mtshan ma rnams ni bsnams par mdzad/ /lhag ma shar gyi bcom ldan ltar/ /phyag mtshan rnams ni bsnams par mdzad/ /byang gi dkyil 'khor ljang gu la/ /bcom ldan las kyi pad+ma ni/ /yi ge kaM las gyur pa ste/ /g.yas kyi dang por rang nyid rtags//phyag gzhan gong ma rnams bzhin no/ /shar lhor rdo rje sgrol ma ni/ /lha mo sku mdog sngo skya la/ /zhal gcig phyag ni drug pa'i dbyibs/ /g.yas kyi dang po ut+pal te/ /chu skyes 'dab ma brgyad pa la/ /rdo rje rtse lnga bsnams par mdzad/ /phyag gzhan gri gug pad+ma dang / /me long bsil yab bum pa bsnams//baM yig las gyur de ltar bsam/ /lho nub rin chen sgrol ma ni/ /raM yig las gyur dmar ser mdog /phyag g.yas dang po rang nyid rtags/ /lha mo rdo rje sgrol ma bzhin/ /nub byang thub pa'i sgrol ma ni/ /muM yig las gyur ljang dmar mdog / dang po rang gi rtags 'chang pa'o/ /byang shar las kyi sgrol ma ni/ /gaM yig las gyur ljang skya'i mdog /phyag g.yas rang gi rtags 'chang zhing / /phyag gzhan gong ma rnams dang mtshungs/ /grwa bzhir rin chen bum pa bzhi/ /kha dog rnam bzhis rnam par gnas/ /de yi phyi rol snam bu la//ling tshe bcu drug bri bya ste/ /phyag na rdo rje 'jam dbyangs dang / /kun gzigs sgrib pa rnam sel dag /zhal gcig phyag ni gnyis pa la/ /kha dog rnam bzhis rnam par gnas/ /g.yas na rdo rje ut+pal dang / /pad+ma sna tshogs rdo rje bsnams/ /'gying bag tshul du gnas par mdzad//g.yon pa dang ba'i phyag rgya'o/ /de dag kun gyi g.yon rol du/ /sgeg mo rin chen phreng ba dang / /dbyangs dang gar gyis mnyes mdzad rnams/ /rang rang phyag rgyas yang dag gnas/ /byams pa nam mkha'i snying po dang / /kun bzang sa yi snying po dag /rang rang kha dog phyag rgya yis/ /de yi cha la rnam par gnas/ / de g.yon me tog bdug spos dang / /mar me dri chab lha mo rnams/ /rang nyid kha dog phyag mtshan gyis/ /yang dag par ni gnas pa'o/ /lha rnams de dag thams cad ni/ /phyag rgya lnga yis rnam par brgyan/ /pad+ma'i steng na nyi zla yi/ /steng na rab tu gnas pa'o/ /shar dang lho dang nub dang byang / /sgo rnams na ni sgo skyong dag /shes rab mthar byed gshin mthar byed/ /pad+ma mthar byed bgegs mthar rnams/ /dbu gsum phyag ni drug pa la/ /'jigs pa'i gzugs kyi cha lugs can/ /phyag g.yas dang po ral gri dang / /thod dbyug pad+ma rgya gram 'dzin/ /lhag ma lcags kyu zhags pa dang //rtse gsum lcags sgrog dam pa'i bdag /rdo rje brag gi steng gnas pa'o/ /de nas dam tshig sems dpa' yi/ /thugs las 'od zer spros nas kyang / /ye shes 'khor lo spyan drangs nas/ /mdun du yang dag mchod par bya/ /sngags dang phyag rgyas sbyor shes pas/ /dam tshig 'khor lo myur du gzhug /de nas rang gi sa bon las/ /'od zer nam mkha'i phyogs spros nas/ /pad+ma'i sgrol sogs lha mo lngas/ /ye shes lnga yi bum pa yis/ /chu yis bdag la dbang bskur ba'o/ /oM a b+hi Shiny+tsa tu mAM lo ka nA thA ya hUM/ de nas bdag nyid snying ga la/ /ri bong can dang shing rta bcu//kha sbyor phur mar gnas pa yi/ /nang du chu skyes 'dab ma brgyad/ /de steng dug gsum yi ge ni/ /kha dog dkar po rnam par gnas/ /de la bstod nas dkar po ni/ /rgyan rnams kun gyis brgyan pa'o/ /'phrog dang nang dang kun gyi steng / /dug gsum yi ges rnam par brgyan/ / de nas dkyil 'khor 'khor lo ni/ /phyogs bcu dag tu spros pa las/ /'gro ba sems can thams cad ni/ /nyon mongs thams cad sbyangs byas nas/ /dkyil 'khor 'khor lo ngo bos gnas/ /de dag rim par bsdus pa las/ /sku gsung thugs kyi rdo rje can/ /lha yi sku ni bsgom par bya/ / de ni rang bzhin 'od gsal ba'o/ /bsgoms pas skyo na sngags bzlas pa/ /mu tig phreng ba'i tshul gyis su/ /steng nas steng du 'bar ba ni/ /rang bzhin 'khor bar rnam par bsam/ /dang po dag dang bar gnas pa'i/ /tha ma dag gis bsdus pa yi/ /sngags kyis yang dag bzlas par bya/ /oM pad+ma hastA ya/sa ha sra badzra b+hu dza nai tra/ nI la kaN+Tha lo ke shwa rA ya hUM hUM phaT/ oM pad+ma tA re hUM/ oM badzra pad+me hUM/ oM rat+na pad+me hUM/ oM mu ni pad+me hUM/ oM karma pad+me hUM/ oM badzra tA re hUM/ oM mu ni tA re hUM/ oM rat+na tA re hUM/ oM karma tA re hUM/ oM badzra pA Ni hUM/ oM many+dzu shrI hUM/ oM sa man+ta ka ka hUM/oM ni ba ra Na bi skam+b+hi hUM/ oM badzra lA s+ye hUM/ oM rat+na mA le hUM/ oM pad+ma gI ti hUM/ oM karma ni rti hUM/ oM mai tri ya hUM/ oM a gang saM gu ra be hUM/ oM sa man+ta b+ha dre hUM/ oM k+Shi ti gar+b+he hUM/ oM badzra d+hU pe hUM/ oM rat+na puSh+pe hUM/ oM pad+ma A lo ke hUM/ oM karma gan+d+he hUM/ oM pra dz+nyA n+ta ka hUM/oM ya mAn+ta ka hUM/ oM pad+mA n+ta ka hUM/ oM big+h+nAn ta ka hUM/ mchod pa dag ni nyi shu yi/ /sngags dang phyag rgyas yang dag mchod/ /yi ge brgya pa'i gsang sngags ni/ /rtag tu 'don pa nyid du bya/ /lam du zhugs dang 'chags pa'i tshe/ /spyod lam la ni spros pa na/ / rdo rje rtse gcig phyag rgyas ni/ /'od byung steng la snying po yi/ /sngags de yongs su gyur pa dang / /cho ga gsum las rtogs pa yi/ /rim pa bzhin du lha bsams nas/ /yan lag bzhi la rab tu bstim/ /cho ga'i phyag rgya dpa' bo lnga/ /phyag rgya 'di yis lus mdzes pa'o/ /de nas sbyin sreg cho ga ni//bdag nyid phrin las rnam bzhi yi/ /rnal 'byor yang dag bsam byas la/ /las kyi dang po zhi ba mchod/ /dkyil 'khor khru gang zlum po la/ /pad+ma'i phreng bas nang bskor zhing / /rdo rje 'bar ba'i phreng ba dag /de yi phyi rim bri byas la/ /dri zhim dkar po zhor ldan pa'i//bsreg cing ku shas bcings te gzugs/ /gu gul me tog ku sha dang / /mar dang 'bras thug til dang ni/ /'o thug lung thang sngon po dag /las kyi sngags ni mthar sbyar la/ /me lha de yi snying ga yi/ /mkha' la 'khor lo bsam byas te/ /bdag nyid dam tshig sems dpa' yi//rim pa bzhin du mchod pa'o/ /bya ba rnams ni thams cad la/ /de yi ngo bos mnyam par gzhag /de nas bstod pa bya ba ni/ /sangs rgyas kun gyi gzugs kyi sku/ /chos kyi sku ste gzhan gyi mchog /sngags kyi mgon po mchog gi lha/ /snying rje'i bdag nyid phyag 'tshal bstod//ye shes rdo rje stobs po che/ /shin tu nges pas zhi ba'i tshul/ /theg pa chen po'i go 'phang thob/ /rdo rje chos la phyag 'tshal bstod/ /shin tu dag pa'i dpa' bo che/ /mchog gi dbang phyug kun gyi mgon/ /dam chos mchog tu mi 'gyur ba'i/ /ji bzhin 'dul la phyag 'tshal bstod//cir yang mi dmigs stong pa'i dang / /lhan cig skyes pa'i ral gri bsnams/ /mi rtog ye shes go cha can/ /rgyu dang 'bras bu phyag 'tshal bstod/ /de nas zas kyi rnal 'byor ni/ /chu yi dkyil 'khor de la yang / /raM las me yi dkyil 'khor ni/ /gru gsum 'bar ba bsam byas nas//de dkyil tshogs kyi 'khor lo yang / /gsal bar rab tu bsam byas nas/ /snod ni rab las rin chen ni/ /rang bzhin 'bar bar bsgom byas nas/ /der ni kha zas sna tshogs rnams/ /bsams nas de dkyil rdo rje ni/ /rtse lnga rab tu 'bar ba las//bdud rtsir gyur par rab tu bsam/ /de nas rang gi sa bon las/ /'od zer kha dog sna lnga dag /nam mkha'i phyogs su 'phros pa las/ /phyogs dus kun na bzhugs pa yi/ /de bzhin gshegs pa thams cad kyi/ /mdzod spur zhugs nas thugs kyi ni/ /bdud rtsi blangs nas de nyid du//'dres par bsams nas sngags 'di yis/ /byin gyis brlabs nas bza' bar bya/ /oM AHhUM/ bdag gi 'jig rten mgon po yi/ /sgrub pa'i thabs 'di byas pa yis/ /sems can 'gro ba mtha' dag la/ /nyon mongs sgrib pa kun bsal nas/ /sku gsung thugs kyi rdo rje can//lha yi sku ni thob par shog /slob dpon chen po dngos grub brnyes pa/ ta thA ga ta badzra'i zhal snga nas mdzad pa/ bcom ldan 'das phyag stong spyan stong gi sgrub thabs rdzogs so// //mkhas pa'i 'byung gnas shar phyogs b+haM ga la'i/ /nyi ma 'byung gnas zla ba zhes bya ba//mkhas pa chen po de yi zhal snga nas/ /bod kyi lo tsA dge tshul khyung grags kyis/ /'dul ba'i bstan pa snying por gnas pa'i sa/ /dpal ldan rgyan gong gtsug lag khang de ru/ /bder gshegs bstan la phan phyir bsgyur lags kyi/ /rnal 'byor spyod rnams nges par brtson par mdzod/