180b1 smon lam lhan cig drang srong mthus/ /skar mda' lta bur thogs pa med/ /skye ba bsdams pa'i cho ga rdzogs so//[ ]@#/ /'phags pa spyan ras gzigs dbang phyug la phyag 'tshal lo/ /sgrub po gang zhig 'chi ba dang / /'chi ba ma yin ltas gang dag /gang tshe mngon du gyur pa na/ /mgon
180b2 po'i slu ba 'dir bshad do//'jig rten g.yeng ba ma lus las/ /rnam dben dal ba bsgrubs nas ni/ /mchog gsum skyabs 'gro nas brtsams te/ /ci rigs chos spyod brtsam par bya/ /longs spyod bshes dang lus nyid dang / /byang chub phyogs kyi mngon par zhen/ /rnam bcu rnam gsum
180b3 spangs nas ni//ltos pa thams cad rnam par dor/ /mi rtag sdug bsngal bdag med dang / /stong pa nyid kyi rnam thar gyis/ /'khor ba'i gnas la yid phyung zhing / /mya ngan 'das la mngon par dga'/ /de nas bskyed pa'i rim pa'i rnal 'byor la brtson par bya ste/ kha lho phyogs su bltas
180b4 la/'phags pa spyan ras gzigs dbang phyug yid la byed pa dang ma bral bas mig me 'dzums par mdun gyi nam mkha' la rgyal ba lha nyi shu rtsa lnga'i dkyil 'khor mngon par gsal bar bya'o/ /gal te spros par nus na ni sku gsung thugs ye shes phrin las mdzad pa dam tshig rnam pa bdun
180b5 gyi dkyil 'khor bdag nyid kyi snying ga rlung sems kyi ngo bo hrIHgsal po bsil ba'i 'od zer can la shes pa gtad nas ji bzhin dgug pa'i spyor bas gzhug par bya'o//de'i 'og tu rang gi nyer bsdogs kyi dngos po gang yin pa 'di dag nyid lha'i rnam par dag par dmigs/ /mngon par
180b6 chags dang yongs su sdang //rab tu mi shes gzhi gsum gyi/ /dbang gis las gang mngon gyur gang / /de 'dir mgon po gsum du mos/ /dbus su mthing ga rdo rje can/ /g.yas su dmar mdzes ral gri 'dzin/ /g.yon du dkar gsal zhags bsnams pa/ /thams cad g.yon
180b7 du pad+mo mtshan//rgya chen pho brang lhar bcas pa/ /skad cig gis ni lha gsum 'dir/ /bsdus la rim pa ji bzhin du/ /'gro ba'i 'chi bdag sngar bslu bya/ /gang phyir 'chi bar byed pa'i rgyu/ /nyon mongs gsum yin de yi rkyen/ /las phyir de yi mi mthun phyogs/ /stobs chen spyan ras
181a1 gzigs dbang brten//de bas 'chi ba bzlog 'dod pas/ /sku dang de yi nyer bstan dang / /bsam pa'i thugs rje che zhes pa/ /rnam gsum rim gyis bsgom par bya/ /cho ga 'di yis 'gro rnams kyi/ /snying gi bum pa chags sdang bcas/ /bcas shing de yi sbyor ba dang / /yan
181a2 lag rnam par gzhig pa'ang 'bad//'di yi 'grub pa rnam pa bzhi/ /ma lus 'chi ba bdag len dang / /de dag 'chi ba bzlog nyid dang / /sman mchog sbyor ba nyid dang ni/ /'chi ba med dang brtse chen gyi/ /ltos 'dor khyad par nges pa'o/ /gal te 'byor ldan skye bo 'ga'/ /nus na dkyil 'khor
181a3 chen po yi//sgrub pa'i cho ga ji bzhin du/ /mkhas pas 'bad de bsgrub par bya/ /ji srid 'chi bdag sgra gcan la/ /rnal 'byor tshe yi zla ba nya/ /grol 'gyur de tshe rmi lam du/ /gsung gi dbugs 'byin thob par 'gyur/ /de nas dga' ston tshogs bsags phyir/ /dpag med mchod pa'i
rgya mtsho yis/