CLOSE WINDOW

D2834
བོད་ཡིག

/bde chen 'khor lo zhes pas bshad/ /slob ma byin gyis brlab pa'i man ngag rdzogs so//[ ]@#/ /'phags pa thugs rje chen po ye shes 'bebs pa la phyag 'tshal lo/ /e ma'o/ mgon po mi rtog bde chen ster mdzad sku/ /dus gsum rgyal ba'i rdo rje 'dzin bcas brgyud dang bltas//spyi bo nas brtsegs ye shes phreng ba dang / /gzhu nyid pad zlas ye shes 'khor lo 'bar bar 'gyur/ /shin tu gus bcas gtong ba che/ /bzod ldan the tshom med rtog bral/ /g.yeng ba spangs shing dbang po dul/ /slob ma de ni rjes su bzung / /sna tshogs pad+ma ge sar ldan/ /ze'u 'bru rdo rje me phreng gis//legs spras byin gyis brlabs pa'i dbus/ /skal ldan bzhag la bgegs bskrad bya/ /oM AHbi g+hAn+ta kr-ita hUM phaT/ bdug pa mchog gis rab bdug cing / /me tog dmar po gcal bkram la/ /mar me 'bar ba du ma yis/ /kun nas khor yug bskor bar bya/ /bdag nyid lhag pa'i lha'i nga rgyal du byas la/rdo rje la ni yaM rlung gi shugs can no/ /de ni rgyal ba rnams kyi rang bzhin no/ /gtsug tor du haM thig le'i snying po can no/ /de ni 'jig rten mgon po'i rang bzhin no/ /steng na 'dzag pas ni mi 'grib bo/ /smin mtshams nas gri 'phros pas ni slob ma la 'bab par 'gyur ro//slob ma'i 'og tu ni rlung gi dkyil 'khor ro/ /de ni sbyor ba 'og mas bskyod par byed do/ /sprul pa ni yang lha mo nyid do/ /de ni sbyor ba bar mas sbyor bar byed do/ /snying gar ni yang bde gshegs snying po nyid do/ /de ni sbyor ba gong mas 'bebs par byed do/ /spyi bor ni yang mgon po'o/ / de ni sbyor ba thog mas 'bebs par byed do/ /ma phebs na spogs pa'i cho ga ni/ /rdo rje sna bug gi sbyor bas so/ /shin tu spogs pa ni rdo rje spyi gtsug gi sbyor bas so/ /babs par gyur na spu 'greng zhing / /gdong bsgyur 'od gsal ba nyid dang / /brjod par mi nus yang na gtso/ /mi rtog bde bas myos par 'gyur/