| བོད་ཡིག |
170b3 /ka pA la yi sbyor ba brtsam/ /rang nyid rdo rje spar pa yis/ /rnal 'byor gzhon nu khros pa yi/ /ting nge 'dzin la brten pa dang / /gzhon nu dran pa'i rgyas bskyab bya/ /gzhon nu bsrung ba'i cho ga rdzogs so//[ ]@#/ /jo bo thugs rje chen po nad thams cad las rnam par rgyal ba gzi brjid kyi rgyal
170b4 po la phyag 'tshal lo//'jig rten gsum dbang rnam par rgyal/ /'gro ba'i nad ni sna tshogs dang / /de rgyu nye dang ring ba bstsal/ /ma lus pha rol phyin phyag 'tshal/ /blo ldan bdag gam gzhan gyi don/ /rtsol ba che la zhugs pa na/ /dgra dang gdon nyid dang las dang / /de bzhin rkyen gzhan nad skyed byed/ /de
170b5 la dpal ldan spyan ras gzigs//sdug bsngal can la thugs brtse bas/ /srung dang skyob dang sbeng rim bzhin/ /snying dbus spyi bo phyag mtshan bshad/ /rlung mkhris bad kan 'dus pa nyid/ /'og ma'i rims drag sna tshogs rigs/ /mdze can dang ni skran dmu chu/ /thibs non la sogs kun nges skyob/ /
170b6 sgrub po dang ldan byams yid brlan/ /pho brang mchog tu bltas pa de/ /khrus byas gos dkar bzang gyon la/ /tshangs pa'i gnas pas legs gnas bya/ /sna tshogs mchod mdzes dpag med dang / /'byung po rnams kyis don grub rdzas/ /stobs can dkar dmar mang dang ldan/ /bdug pa mchog gis
170b7 bdag gus mchod//oM AHprI sarba byA d+hi pra ti pra ha na hUM phaT sbA hA/ bdag nyid 'dab skyes stong dbus su/ /ji skad 'byung ba'i rgyal ba nyid/ /'od dpag med kyi snying por bcas/ /dkar gsal rnam par me g.yeng ba'o/ /de nas dad pa drag gdung bcas/ /'gro la brtse dang gzhan ltos med/ /gcig
171a1 tu rnam par nges yid kyis//skyabs gsol mgon po spyan drang bya/ /dpag med sprin tshogs mchod pa'i lhas/ /lha mchog mdun du bdar nas ni/ /ring bar thub chen 'khor mang bcas/ /brtse phyir steng gi mkhar bzhugs blta/ /me tog spos dang mar me dri bzang ro brgya'i bza' dang lhab lhub
171a2 gos mang rgyan mchog dang //pi wang dung dang rnga chen gling bu dbyangs snyan 'tsher ba sna tshogs mchod pa'i lha mor bcas/ /ji ltar sangs rgyas kun du bzang sogs ji snyed mchod mdzad bdag gi'ang zab cing rgya che sprul/ /de rjes gzhan yang bstod dbyangs kun brjod mi bzad yid kyi nongs pa ma lus yang dag
171a3 bshags//de nas dad pa mang ldan dang / /skye dgu rnams la snying brtse bas/ /yid bzhin nor la nyer mkho bzhin/ /sna tshogs nad las bsrung gsol bya/ /bdag gi lus dang lhag bsam nyid/ /drang srong gi ni thugs rje dang / /smon lam stobs kyis mdzad pa yi/ /byin rlabs bdud rtsi'i rgyun 'bab gyur/ /
171a4 rnga yab dkar brgya ser bu'i ngad bskyod brtan par mi nus g.yo bar byed/ /mtsho chen gting zab drag po rdzis 'khrug lha dbang thugs kyang btsun mos bzhu/ /tsha bsil zer can nyi zla 'bar ba'ang rta bdun rlung g.yos gnas gcig min/ /de bzhin nyid thugs rnyog med zhi ba'ang gdul bya'i don mthong
171a5 rnam pa kun du mi bzad 'gyur//de tshe dbang phyug thugs dkyil du/ /bdag gi lha mos bde bsnun pas/ /thugs rje'i thugs bskyod byin rlabs rgyun/ /bdud rtsi'i rgyun ltar dkar phreng dbab/ /g.yas phyag ming med rtse nas su/ /zla ba kha ba kun+da dung / /pad+ma dkar mdog las lhag pa/ /yul dus rnam
171a6 kun bar ma chad//rgyun bzang spyi gtsug rtsa mchog nas brgyud nas/ /snying dkyil lha mchog nyid sku gang byas la/ /ches lhag zer kun lus kun rgyas gyur dang / /de las 'od phyung 'dom gang dkyil 'khor bskor/ /gang tshe gnyid log 'du byed g.yengs gyur na/ /g.yon phyag nyid kyi pad+mo bdag 'byin
la/