CLOSE WINDOW

D2812
བོད་ཡིག

/'jig rten mgon gyi zhing du skye/ /lam chen po'i sgrub thabs rdzogs so//[ ]@#/ /wa ti'i rgyud can gyi thugs rje chen po la phyag 'tshal lo/ /dkar bsil ro brgya bdud rtsi'i rgyun 'bab nyid kyi phyag /glang chen sna phub lha brgya'i cod pan gyis gtugs pa/ /ma lus sa stengs zhi ba bsgrub mdzad mchog gi bu//dpal ldan dpal chen spyan ras gzigs dbang nyid rtag 'dud/ /dgar dang mya ngan ha cang sdig mang dge ba sogs/ /'gyur ba'i las kyi dbang po gang yin de gzhan 'gyur/ /de tshe lha mchog wa ti'i rgyun 'bebs dus gsum du/ /nyin dang mtshan mo rnam pa kun du mi g.yeng bsgom//de la rgyun 'bab pa ni gnyis te/ yid kyi las can dang / dngos po'i las can no/ /yid kyi las can ni mtshan mo la'o/ /dngos po'i las ni nyin par ro/ /gang na 'jug ngogs bde zhing dri ngad ldang ba me tog ljon shing g.yur za bas mdzes par/ nyid kyi phyag dpung pa tshun chad yongs su rdzogs pa'am//mkhrig ma'i bar du yang rung ste/ de lta bu'i gzugs gdu bu dang sor gdub la sogs pa rgyan thams cad kyis brgyan pa dang bcas te/ mdog bzang pos bsgyur la/ zla ba nya ba dang nyi ma shar ba'i dus gang rung la rab tu gnas par bya'o/ /me tog char dang bdug pa'i sprin gtibs rol mo 'brug sgra cher bsgrags shing //ba dan rnga yab glog gi rgyun 'khrigs ro bzangs zhal zas kyis mchod de/ /bar snang 'gro bas phrin las rjes bstod tshangs dbyangs nga ros dril bsgrags la/ /rdo rje dril sgrogs dgyes pa'i gar bskyod rdo rje dga' bas bro gar dbul/ /de nas yi ge gsum sngags kyis//byin gyis brlab pa'i rgyun phab pa'i/ /pad+mo'i phyag gis ming med kyi/ /rtse nas legs bstar snying po btung / /rdo rje sems dpa'i dang po dbang / /dag byed dri med bde ba che/ /de 'dir pad+mo sems dpa' che/ /rnam dag 'od gsal rmad yin no/ /ji lta ji ltar spyi gtsug nas/ /rgyun 'bab de la de ltar ni//skal ba bzang po'i lus ngag yid/ /dri bral mi mnyam mnyam par 'gyur/ /gzhan dag phongs pa sna tshogs dang / /phun sum tshogs min gang gyur pa/ /de dag kyang ni skad cig gis/ /spang gyur 'thungs pa tsam gyis so/ /dpal 'jig rten dbang phyug wa ti can gyi sgrub thabs rdzogs so/