165a3 swa b+hAb shUn+ya tA a phaT swAhA/ yid 'gyod pa bsal ba rdzogs so//[ ]@#/ /'phags pa thugs rje chen po longs spyod mi zad pa la phyag 'tshal lo/ /re zhig sgrub pa po 'byor pa dman pa dang / phun sum tshogs pa rgud pas zil gyis non te bag zhum pa dang / yod kyang myur du 'dzad pas ma rungs
165a4 par byed pa de dag thams cad/chags pa dang brnab sems kyis rang dang gzhan gyis yongs su bzung ba la mngon par gdung ba spangs te/ 'phags pa spyan ras gzigs rgya mtsho'i gter gyi bdag po la skyabs su dong bar bya'o/ /shel dang baiDUR+ya dag dang / /nI la rin chen las grub pa'i/ /gzhal med
165a5 khang mchog dbus su ni//mgon po longs spyod mi zad bsgom/ /gser gyi bum pa bzad bkang ba/ /nor bu tshom tshom skyug pa'i kha/ /dpag bsam shing chen rgyas pa'i gseb/ /sprin grib la ni yongs su rtsen/ /g.yas dmar g.yon sngo dbus dkar zhal/ /snang mtha' rdo rje thig les brgyan/ /nor sbyin
165a6 byin rlob skyabs mdzad dang //gter dang lcags kyu pad+mo'i phyag /skyil krung phyed brten kun da'i mdog /'dom gang 'od gsal 'khor lo sogs/ /rin chen bdun 'dzag mu tig 'bru'i/ /char 'bebs g.yo ba mi mnga' ba'o/ /de yi phyag rgya nor sbyin par mdzad pa'i bdud rtsi can gyi mthong thos las/ nor
165a7 bu dang 'bru dang sman gyi char dong tshe brtsegs pa lta bu rgyun ma chad par 'ongs pas bdag gi longs spyod thams cad kyi sbubs su 'jug par bya'o//oM AHhrIHshrI AR+YA wa lo ki te shwa ra ma ma sarba si b+ho ga rat+na rat+ne/ ma hA tsin+ta ma Ni d+ha ra d+ha ra a k+Sha ya a k+Sh+mau pa tis+thati hUM/ bdag nyid btsun mo pad+mo can
165b1 gyi ting nge 'dzin gyis me tog dmar po dang dkar po sil ma thogs la/pog phor bdug cing thal mo sbyar ba'am/ 'dud pa sngon du song bas mchod par bya'o/ /de nas ji tsam longs spyod pas zad pa de tsam 'phags pa'i phyag nas blang ngo / /bla ma dang lha mchod pa dang phan pa'i gnas dang / mgon med pa la
sbyin pa'i rim pa lhag pa'i bsam pa dang ma bral ba ni dam tshig go/