| བོད་ཡིག |
163b2 /legs mchod su yang ji srid bdag song de srid mthong ba 'bab bkag la/ /slar log don bsgrub gtor mas mnyes bya slob ma bzang la rgyu mchod bsgoms/ /gzi brjid bskyed pa'i cho ga rdzogs so//[ ]@#/ /'phags pa
163b3 thugs rje chen po yid du 'ong ba'i gzugs can la phyag 'tshal lo//gzi brjid phung po mthong tsam kyis/ /skye bo kun kyi yid 'phrog cing / /rgyal po'i ngag bzhin thams cad la/ /bsgos pa don yod byed rig bshad/ /thog mar brtan g.yo nam mkha'i spyor ba yis/ /ngag bcad de las pad+ma zla ba bskyed/ /de
163b4 steng a dang ka phreng ze'u 'bru can//'dres gyur mgon po yid 'ong gzugs can bsgom/ /shel ltar rab dwangs rdo rje lta bur mkhregs pa'i sku/ /dkar la dmar dwangs shin tu 'od gsal rnam par dag /bltas pas mi ngoms dpe byad mtshan rab kun rdzogs pa/ /skyabs sbyin chu skyes g.yas g.yon
163b5 phyag rgyas btab pa'o//brgya phrag 'od 'bar rgyan rnams las byung phan tshun 'od zer rnams 'khrugs pas/ /nyid kyi sgu bkab dra ba dang ni dra ba phyed dang rdo rje g.yung drung 'khyil/ /zer phog pa dang gzugs brnyan rab 'dres tig tig gong bu 'khyil 'gyur te/ /spu sgo kun la rin chen 'od 'dzag mkha' la
163b6 nyi ltar mdzes bdag gyur//de'i snying por yi ge gsum pa 'dus pa la nu ma gnyis kyis brgyan pa bltas la/ dad pa dang lhan cig pa'i 'od kyi zhags pas po ta la nas gzhon nu 'bar ba nyid bkug la/ bcu drug dang brgyad dang / nyi shu dang bcu dang / bdun dang lnga la sogs pa'i lha mo lte ba'i sgo las
163b7 mngon par 'phro ba'i mchod pa thams cad kyis yang dag par mchod nas/phyogs kyi gzhon nu ma bzhis yid 'ong mtshungs med la sogs pas bstod nas lcags kyu dang zhags pa dang / lcags sgrog dang / dril bu'i rang bzhin gyis bkug bcings bcug ste bcings la dgyes par bya'o/ /de nas
164a1 thugs ka dang ljags la yi ge bzhi dang bcu drug gi pad+mo dang 'khor lo nye bar bkod de/byams pa chen po'i yid kyis bzlas la/ nam kyi tshe skye bo bdag gi ming thos pa dang / gzugs mthong bas dbang po mngon par g.yo ba'i tshe/ de dag gi snying la d+hIHdmar po bsams nas/ sna
164a2 bug g.yas nas spyos pa'i sa bon las 'od kyi mda' bkye ba bsnun te/de las bdud rtsi rgyun zags pas lus thams cad la khyab par bya'o/ /byams pa'i lta bas rnam blta zhing / /rtag tu kun la snying rje 'jug /chags bral sdang ba yang med pa/ /sgrub po 'gro ba kun yid 'phrog /dbang po rab tu dul
164a3 ba dang //dregs med bka' blo rab tu bde/ /'jig rten mgon la lhag par dad/ /yid gzhungs gang yin skal ldan mtshan/ /ci ste 'di brtsams kyis ma spobs/ /de nas sbrang rtsi rma bya'i mdongs/ /me tog bzang po kun 'dab che/ /spos chus sbyar ba smin mtshams byug /byang chub sems dkar
164a4 dmar thig le//rgya mtsho'i lbu ba seng sdeng spags/ /tsan+dan dmar po ga pur bcas/ /dpral bar byugs la gsang sngags brjod/ /spyan ras gzigs dpal yid 'ong mthus/ /dam bcas dam tshig rjes dran phyir/ /rtag pa'i rgyal po las byed 'dis/ /skye bo kun yid mngon sum 'phrog /sems
can mgu bar byed pa rdzogs so/