CLOSE WINDOW

D2803
བོད་ཡིག

bsil ba'i mtshan nyid can no/ /rgyun gyi mthar dran pa'i rgyas btab pa zhes bya ba dang / sbyor ba'i rgyas btab pa zhes pa gnyis ci rigs su dran par bya'o/ /oM AHhrIHbadzra sUR+ya tsan+d+ra kA dza sid+d+ha sa ma ya sa ma ya sma ra sma ra a nu smr-i ti ka ra hUM/ nyi zla sgron ma'i cho ga rdzogs so//[ ]@#/ /bcom ldan 'das thugs rje chen po grags pa'i rgyal mtshan can la phyag 'tshal lo//'dir 'jig rten pa mang po chos dang ldan pa'i don bya ba la sbyar ba'i phyir/ re zhig dam tshig can yon tan tshul na gnas pa'i che ba bsgrags pas gnas gang du skye bo 'du ba'am/ mang pos mthong ba dang thos pa'i spyod yul du gyur pa zhig bcos la/ rdo rje thab sbyor la sogs pas bgegs bsal zhing der khang bu brtsegs pa'i dkyil 'khor rim pa gnyis pa grong khyer pa dang pho brang pa man ngag dang ldan pas brtsig cing bri bar bya'o/ /de'i khor yug la sogs par mchod pa thams cad kyis brgyan cing / bkra shis kyi tshigs su bcad pa klog pas phyogs bzhir sgra sgrogs par byas la/rnal 'byor can bdag dang skal ba lhag pa dang mnyam pa thams cad la rnam pa thams cad gus pa'i ched du brjod pas ched du brjod pa dang / skal pa dman pa rnams la snying rje'i lcags kyus zin pas ji tsam don bya bar bzod pa de srid 'bad par bya'o/ / gang phyir grags pa ma yin rgyun/ /mi snyan brjod sogs don min phyir/ /mkhas pa grags pa bzang skyong 'dod/ /des ni sdig pa bsal phyir 'bad/ /gdug pa'i ngag gi mtshon rnon pos/ /gzhan gyi grags pa gcod byed cing / /tshe rabs kun tu bdag gi yang / /snyan pa ma yin kun skyed pa'o/ / mi gang bdag nyid skyon brjod kyi/ /gzhan gyi yon tan mi 'phyar la/ /nam yang nyes par smra mi byed/ /de ni grags pa bzang ldan 'gyur/ /ston pa la sogs gud ston byed/ /pha rol grags pa ngan sel brtson/ /bdag nyid sdig pa spang la mkhas/ /grags pa'i rgyal mtshan cho ga bzhi/ /sdig pa nyung ngu dang bsod nams mang po can ni 'phags pa dgyes pa'i gang zag ste/grags pa'i rgyal mtshan gyi tshogs snyan pa mang po rnyed par rung ngo / /des nam du yang khong khro bas gzhan spyo bar mi bya'o/ /slob ma log par zhugs pa la sogs pa 'khrug pas mi snyan par brjod pas slar bzlog pa ni ma yin/ dkyil 'khor bris nas rtsod pa can gyi skyes bu bsten par mi bya'o//rtag tu byams pas non pa'i yid/ /'jam zhing yid 'bab snyan smra dang / /kha na ma tho med kun spyod/ /rnam zhi la grags pa 'grub ste/ /de la 'dir rtsa ba'i rig pa sngon du bsnyen pas dbang gyur pa thob par byas nas grong khyer ba'i dkyil 'khor ni rang nyid ci tsam du grags pa bsgrags par 'dod pa de tsam nye bar dgod do//pho brang ba'i dkyil 'khor ni 'khor lo'i rtsibs brgyad pa pad+ma 'dab ma brgyad dang ldan pa sprin gyi phung po'i rum phrag na gnas pa rgyun ma chad par 'brug gi sgra zab mo sgrogs pas mdzes pa'o/ /grags pa'i rgyal mtshan dbus bzhugs la//sgra ldan brgyad kyis dung 'bud bskor/ /phyogs gzugs mtshams ni phyed gzugs mdog /'dab brgyad la gnas las sgrub brtson/ /de bzhin rtsibs rim dga' ba dang / /mi phab dbyangs bzang nga ro che/ /snyan pa'i tog dang kun khyab byed/ /yid gzhungs don bsgrub ces bya brgyad//dkar dang dmar ser ljang dang dmar/ /dkar dang ljang dang ser bas te/ /lha yi rnga chen brdung ba dang / /sgrub pa po yi bsngags pa brjod/ /g.yer kha la sogs snyan pa'i sgras/ /grong khyer la ni sems byed cing / /pho brang lhan cig 'brug sgra yis/ /ma lus grags pa sgrogs par byed/ / de ltar dkyil 'khor sa bskyed nas/ bdag gi smin mtshams kyi hrIHlas 'od phyung bas po ta la nas grags pa'i dkyil 'khor spyan drangs te/ de nyid bzhugs pas byin gyis brlab par bya'o/ /de nas phrin las la sbyar bar bya ba'i phyir sngags bzla bar bya ste/ oM AHhrIHsarba lo ka ma ma kIrti s+pha ra s+pha ra/