CLOSE WINDOW

D2800
བོད་ཡིག

de yi khrus chab bdag gdong bkru bgo thams cad bsgrub/ /me tog la brten pa'i sgrub thabs rdzogs so//[ ]@#/ /thugs rje chen po ri khrod pa la phyag 'tshal lo/ /rab tu yid dga' nags kyi dbus/ /me tog 'bras bu 'dud pa yi/ /shing drung rtswa yi spyil bu nyid//chags bral rnyog pa med bzhugs 'dud/ /de nas sgrub po spros pas 'jigs pa dang / /rnam par g.yeng bas dal ba ma thob pa yang rung ste/ gcig pu dag dben pa dang yid byung ba'i blo can gyis/ dus bzang po'i tshe nags su song la gang na ljon shing bzang ba la yal ga dang lo 'bras gya nom pa dang ldan pa/grib ma bsil bas lus skyob cing drung na 'dug na skyid skyid ltar snang ba yod pa zhig btsal te/ de'i 'gram du gtor ma sbyin pa sngon du btang nas rtswa'i spyil bu mdzes pa bcos par bya'o/ /de'i nang gi steng gi gzhir rje btsun spyan ras gzigs spyil bu can gyi rten byin gyis brlabs pa dang ldan pa zhig bzhugs la/mchod pa thams cad kyis mchod nas/ me tog gis snyim pa bkang ste/ tsog bur 'dug la sngags 'di brjod/ /oM AHhrIHba na lo ka nA tha/ /ma hA kA ru Ni ka /sarba bud+d+ha dz+nyA nA gar+b+ha ma ma tsit+te kan+tA hUM hUM swA hA/ de nas spyil bu de dang rten/ /pho brang mchog dang lha nyid du//byin gyis brlabs la me tog gtor/ /skad cig de la bsam gtan bya/ /snyom med mi g.yengs brtan pa yis/ /zla ba drug gam gsum mam gcig /nges par byas na nags kyi nang / /mgon po gang rung gzugs su ston/ /de yi smin mtshams pad+mo 'dra'i/ /ri mo'am thig le gsal bar 'gyur//brtson pas ma 'khrugs dkyil 'khor bya/ /mgo btud zhabs la gtugs te gsol/ /oM AHhrIHpU ra be pra tIts+tsha su rma ra ho/ thal sbyar mig mi 'dzums pa yis/ /me tog bstabs la sngags 'di brjod/ /de tshe bdag ni ci 'dra yang / /skyob pas rjes su 'dzin par 'gyur/