157b7 /'od 'byin pa dang sgra grag dang / /rdzas rnams 'phyur ba mthong nas ni/ /mchod pa chen po brtsam par bya/ /dpal rdo rje thod pa'i dngos grub sgrub pa'i thabs rdzogs so//[ ]@#/ /spyan ras gzigs mi 'jigs pa sbyin pa la phyag 'tshal lo/ /'phags pa spyan ras
158a1 gzigs dbang gi//mi 'jigs sbyin pa brtan pa yis/ /sngags la phyi nang gsang dag gi/ /bar du gcod pa las sems bsrung / /rang lus ji srid rdo rje yi/ /rang bzhin rin chen shel 'od mdzes/ /bkra shis sgo stong mchod rten dbyibs/ /bcu drug phrag brgya rdo rje 'dzin/ /de nas sems
158a2 ni snying gi pad+mo gsar pa'i 'dab//dmar ba'i 'od chags ge sar bye ba stong gi rtser/ /a stong ye shes sems dpa' spyan ras gzigs/ /chu dang me long zla ba byad kyi gzugs brnyan bzhin/ /dbus su dpal chen thugs cha che/ /sor rtse bcu drug gzi brjid brtan/ /bcu bdun sum cu brgyad zhal
158a3 phyag /hrIHyig gnyis phreng gis brgyan pa'o/ /pho brang mchog la rab tu gsal ba'i 'od zer sngags bcas gzi chen kun bkram 'bar ba yi/ /rdo rje'i rdul dang ral gri be con dgra sta mdung zhags kha T+wAM gri gug mnga' chen dang / /tsha zer glog 'khyug gya gyu 'phros las rno ba'i lce phyung 'jigs pa'i rgyu gang 'di
158a4 dang gzhan//ma lus da ltar byams pas nyer brlan snying rje'i stobs yid gcig pus nyer zhi brlag par bya/ /mgon po yi ni sngags brjod cing / /bdug pa mchog gis bdug byas la/ /'gro ba'i 'jigs pa 'jigs med byed/ /mkhas pas stong nyid bsgom par bya/ /mtsho chen nang du ri rab gzugs
158a5 shar de nang me long dri med la//'dam skyes mdzes 'khrungs sna tshogs bung ba dar dir sgra sgrogs khyu mang 'khrigs/ /mkha' la 'od 'gyed glog rgyun 'bab pas rmi lam yul gyi dgra 'joms pa/ /dpal chen rnams kyi rig sngags bla med ma lus 'jigs pa kun skyob yin/ /dus dang dus min 'chi ltas dang /