155b4 /che ge mo'i duSh+Ta tsitA shAn+tiM ku ru ye swA hA/ rjes su gdags pa'i sngags so/ /las ni 'od zer mda' gzhu dang / /me dang mar gyi gong bu dang / /'khrul 'khor bskor dang nyi mun de/ /sbyor ba bla ma'i man ngag bzhi/ /i ti// //[ ]bcom ldan 'das ye shes kyi 'khor lo'i bdag po la
155b5 phyag 'tshal lo//sngags pa yan lag drug rtsibs drug /'khor lo 'bar ba dri ma med/ /de nang pad+mo stong 'dab la/ /bskal bzangs sangs rgyas brgya phrag bcu/ /lte ba pad+mo can nyid de/ /de snying rdo rje 'dzin pa yin/ /de yi thugs ni ye shes che/ /gnyis med thig le dkar 'tsher ro/ /oM AH
155b6 hrIHhUM phaT swA hA/g.yas dang g.yon lag mgo bo dang ni de bzhin rkang / /g.yas g.yon rdo rje yan lag bzhi la go rims bzhin/ /zla mdog me dang nam mkha' in+d+ra dang / /mar me'i dud mdog gnas drug dag gi bdag nyid bsam/ /dzaHhUM baM hoH/ ji bzhin ye shes gzhug pa yi/ /man
155b7 ngag gis ni lha bcings la//rnal 'byor mu khyud bzlas pa yis/ /dpal phreng gsum gyi sngags ring brjod/ /sna tshogs kha dog can 'od zer/ /de bzhin dkar dang dmar ba nyid/ /spro dang bsdu ba'i sbyor ba yis/ /don gsum rtag tu bsgrub par bya'o/ /oM AHhrIHhUM phaT swA hA/ a A/ i I/
156a1 u U/ r-i r-I/ l-i l-I/ e ai/ o au/ aM aH/ ka kha ga g+ha nga / tsa tsha dza dz+ha nya/ Ta Tha Da D+ha Na/ ta tha da d+ha na/ pa pha ba b+ha ma/ ya ra la wa/ sha Sha sa ha k+ShaH/ rnam dag ye shes thig le las byung bde ba'i rgyun gyis bla ma dang / /de las kyang 'phros pad+ma 'dzin sku shel ltar rab dang rab tu
156a2 gang //yang des rdzogs sangs rgyas dang nyan thos sras bcas de bzhin 'khor lo yig 'bru nyid/ /mu khyud 'khor lo zag med ro myang byang chub sems rgyun gyis khyab spro/ /de rjes de nyid rim pa yis/ /ye shes 'od gsal phyung bas kyang / /yid kyi mun pa kun bsal zhing / /lus can la yang
bdar bar bya/