| བོད་ཡིག |
150b4 /phyi nang gsang g.yo mi g.yo bas/ /dbang gyur dmigs par rang gnas na/ /de yang de tshe byed bral du/ /dub pa ngal bso mkhas pas shes/ /sems brtan par byed pa rdzogs so//[ ]@#/ /dpal ting 'dzin gyi rgyal po byin gyis brlabs pa'i
150b5 gter la phyag 'tshal lo//dpal ldan pad+mo 'dzin dbang gis/ /sngags mthu ma grub grub pa dang / /nyams chags gso ba'i cho ga ni/ /mkhas pas 'bad de bsgom par bya/ /tha mal lus kyi snying 'dab dbus/ /phyogs kyi kha dog can hUM yig /rnal 'byor rgyal po rang sems gzhi/ /
150b6 dkar 'khyil gzi brjid 'od mdzad bsgom/ /kha dang rna ba sna gnyis dang / /mig gnyis bshang dang gci ba'i sgo/ /de bzhin rkang pa lag gnyis ni/ /gtso bo las spros rdo rje bdag /gsang ba'i dkyil 'khor cho ga bzhin/ /pad+ma ut+pal rdo rje phra/ /nyi zla rdo rje hom khung zlum/ /rgya gram rdo rje
150b7 rtse mang nyid//a phreng ka phreng dkar dmar gyis/ /bskor bas khrag 'thung 'jigs pa'i sngags/ /thugs rje 'phros pa'i 'od zer las/ /skyes pa'i sbyor ba yi dags bya/ /dam tshig rdo rje hUM yig las/ /ye shes dpal 'dzin bcu gnas ni/ /mchod sogs cho ga bzhin btud nas/ /
151a1 ting 'dzin sems dpa' rtse gcig bya/ /rnam par rtog pa kun shigs dang / /ye shes phyag rgya mchog sbyor la/ /mnyam gzhag phrin las bcu lhag spyod/ /mkhas pas som nyi med par spyad/ /rtag tu sems can la phan dang / /lhag pa'i lhas de de nyid shes/ /rnal 'byor cho ga
151a2 la brtson pas//zla ba drug na rtags mthong 'gyur/ /lus nang me lce 'bar ba ltar tsha me 'od rnam par 'khrugs pa dang / /rdo rje'i spu skyes kha nas me 'bar skye bo mang po'i mgo btud bstod/ /lag na rdo rje ral gri 'bar thogs ha la'i sgra sgrogs phyogs bcur rgyug /mig 'bras rab gsal
sgron ma'i 'od 'char blo gros nye bar zhi ba'o/