CLOSE WINDOW

D2777
བོད་ཡིག

nam mkha'i ngos la shugs drag drag 'khrugs glo bur sprin bsgribs dngas par byas la dka' ba med/ /de bzhin bdag gi chos kyi rjer gyur dam pa'i mthus kyang ye shes 'bar bar dka' ba med/ /ye shes sbar ba'i gdams pa rdzogs so//[ ]@#/ /bcom ldan 'das thugs rje chen po la phyag 'tshal lo//gang zhig byang chub sems bskyed na/ /bdag gam gzhan gyi don 'jug pa/ /de tshe shes dang mi shes pas/ /dri ma rab tu mang skye 'gyur/ /de la mgon po spyan ras gzigs/ /thugs rje chen pos byin brlabs pa/ /ye shes bdud rtsi'i chu rgyun gyis//bkru ba dam pa 'dir bshad do/ /rab tu gnas pa mchog gnas pa'i/ /rten gang byin gyis brlabs pa zhig /mdun bdar me tog bdug spos sogs/ /mchod pa du mas legs mchod bya/ /phyogs bcu dus gsum gshegs pa yi/ /rgyal ba sras bcas rin chen gsum//sprin gyi phung po ltar dkrigs pas/ /nam mkha'i ngos la gang bar blta/ /nyes dmigs rnam pa mang dran pas/ /gdung ba'i yid kyi 'gyod pas ni/ /thog med nas bsags sdig pa'i tshogs/ /ma lus so sor bshags shing bsdam/ /'gro ba dge ba'i rtsa rnams la//rjes su yid byed yi rang ba/ /'di ni bsam mi khyab pa'i las/ /ming las phun tshogs khyad par 'dod/ /de nas 'phags tshogs spyan sngar bdag /gus pas phyag 'tshal rab dang bas/ /sdig ldan bdag la skyabs pa'i phyir/ /thugs rje chen pos dgongs su gsol/ / gti mug thibs pos non pa bdag /mi bzad sdig pa'i dbang gyur te/ /'gro ba ngan song nges pa'i sar/ /gnon mi za bar myur ltung 'gyur/ /de bas skyob pa rnams kyi mthus/ /mgon med bdag gi gnas skabs 'di/ /gzigs nas myur du bskyab tu gsol/ /khyed las skyabs gzhan bdag ma mchis//de ltar sna tshogs gdungs pa yis/ /smre sngags du mas smre brjod la/ /rtse gcig ma yengs thal sbyar nas/ /re ba'i yid kyis mdun du 'dug /de tshe lha mchog 'dus pa yi/ /tshogs rnams thugs rje'i thugs bskyod de/ /de dag las sprul 'jig rten mgon/ /dkar bzang bum pa 'dzin 'ongs bsam//yang ni mi phyed dad ngad dang / /mchod byas gsol ba gdab par bya/ /de rjes mgon po'i thugs ka nas/ /'od phyung mi 'jigs sbyin pa'i sgras/ /dbyings 'byin dri ma bsal ba dang / /bkrus dang yongs su sbyang ba bya/ /de las 'od zer rnon po yis/ /dri ma bsregs pa dang pos te//bdud rtsi'i chu rgyun phreng ba yis/ /bkru ba gang yin gnyis pa'o/ /yang dag ye shes mnyam gzhag la/ /mnyam 'jog yongs su sbyong ba bshad/ /dag dang dri med 'od gsal dang / /sgrub pa las la sbyar ba yis/ /don bsgrub nas ni dkyil 'khor gnyis/ /