147b2 /nam mkha' ji srid bzhugs gsol nas/ /bzod par gsol te mchod pas mchod/ /sku gzugs dang mchod rten gyi cho ga rdzogs so//[ ]@#/ /bcom ldan 'das ye shes 'bar ba la phyag 'tshal lo/ /theg pa mchog zhugs de nyid ye shes ma mthong dang / /mthong
147b3 ba ji srid rnal du mi gnas res 'ga' nyid//de bzhin rnam g.yengs thibs por gyur dang mthar mi 'gro/ /blo gros lam ltos de dag las 'phags 'dir bshad bya/ /bdag lus spyi gtsug cod pan la/ /dpal ldan bla ma brgyud pa'i rim/ /ye shes shing rta'i rtsa mchog lam/ /drang
147b4 dang bar ma chad dang dngas//de mtha' slob dpon rdo rje rtse/ /bdag gi tshangs gnas nam mkha'i sgor/ /IHhUM gnyis mtshan reg bsgoms la/ /steng rim nas ni gsol ba gdab/ /ma lus ye shes can rnams kyis/ /yang dag rim mdzad sa bon hUM/ /pad+ma la ni ge sar bzhin/ /mkhas
147b5 pas rab dad thugs kar bsgoms//zla ba la yang skar ma ltar/ /rdo rje 'chang chen 'od mthar ni/ /bcu dang gnyis bcas a phreng gis/ /bskor bltas gsang sngags bzlas par bya/ /oM rat+na gu ru shrI a ba lo ke te shwa ra sarba iSh+Ta de ba ta ma hA tiSh+Tha ne+e ma ma tsi ta ta ta ta dz+nyA na dz+wa la dz+wa la/ pra ti
147b6 dz+wa la pra ti dz+wa la/pra t+yud pan+na hr-i da ya dz+wa la dz+wa la spa ra Na sa hUM hUM hUM/ gsang sngags rgyal po rig pa che/ /rdo rje 'bebs pa gdon mi za/ /rnal 'byor phyag rgya nges pa 'dis/ /thugs bskul ye shes 'bab par 'gyur/ /rdo rje dbang phyug sa bcu'i snying / /bum pa las ni rgyun bzhin du/ /rim
147b7 gyis bdag snying sa bon la//bab gyur de yi gzi brjid bskyed/ /'char ka'i 'od ltar dmar ba dang / /zla rgyas dkyil 'khor ltar dkar nyid/ /dbang po'i gzhu mdog lta bu yi/ /'od kyis bdag lus gang bar bya/ /gang phyir bskal pa bye bar yang / /'bad byas dal bas yang min la/ /
148a1 bde chen 'od gsal rnam mi rtog /bla ma'i drin thob thob par 'gyur/ /chu gter che las brlan pa'i rlangs bskyod dri med mkha' la mi zad sprin 'khrigs dka' ba med/ /rta bdun shar tshe thibs pos ma rungs gling rnams mi gsal snang bar byas la dka' ba med/ /