144a3 ma hA su kha badzra ta tA sarba dz+nyA na swa b+hA wa bi shud+d+ha ho ho hoHzhes glu blang bar bya'o/ /dpal spyan ras gzigs bdud rtsi brnyes pa'i zas kyi cho ga rdzogs so//[ ]@#/ /'phags pa spyan ras gzigs dbang phyug la phyag 'tshal lo/ /bdag gi lus la lhag par chags/ /nad ni rnam pa
144a4 mang ldan pa'am//yang na bsod nams tshogs don gnyer/ /des ni lus sbyin cho ga brtsam/ /re zhig longs spyod dang lus la rmi lam dang sgyu ma lta bur rtogs shing 'du byed thams cad dri za'i grong khyer ram/ mtshon cha'i sbyor ba lta bur yongs su shes pas/ thog ma kho nar mchod pa rnams
144a5 kyi mchog tu gyur pa ni/rnal 'byor gyi lus nye bar sbyin pa 'di'o/ /de nas yang rang nyid bcom ldan 'das 'phags pa spyan ras gzigs rnam par dkar ba 'od zer bcu drug gi rnam pa can du bsgom par bya'o/ /de'i thugs ni hrIHkun da lta bu'o/ /de las byung ba'i 'od zer 'bar ba'i
144a6 gzi brjid kyis gdug pa can 'dul ba'o//lte bar ri dmar po las skyes pa'i me'i phreng ba gsal byed kyi 'khor lo can no/ /de bzhin du thugs kar yang a dkar po las skyes pa'i dbyangs kyi 'khor lo yang ngo / /mi dang lha dbang klu rgyal gyi/ /mgo gsum spyed pu'i steng du ni/ /
144a7 lha yi smin mtshams las byung ba'i/ /pha ti ka yi gri gug gis/ /bdag gi thod phyed bcad nas ni/ /phru ba'i tshul du dgab par bya/ /lha yi lte dbus raM yig las/ /me lce bskyod pa sbar bar bya/ /de yi nang du bdag nyid lus/ /gcer bu tsog krung 'dug pa yin/ /gnas
144b1 gsum yi ge gsum bsams la//khu ba dmar pos bzhu bar bya/ /'bru gsum lan gsum brjod pa yis/ /dag par byas dang bdud rtsir bya/ /phun tshogs dgyes pa'i rgyu bsams te/ /thugs ka'i hrIHlas bdud rtsi dgug /dam tshig ye shes 'dres gyur pa/ /rdo rje kha phye'i phyag rgya dang / /
144b2 oM AHbadzra kA ya shud+d+ha bi shud+d+hA kA ro mu khaM a mr-i ta swa b+hA wa ma hA ba liM ta pU dza me g+ha sa mu dra s+pha ra Na sa ma ye hUM kha kha khA hi khA hI/ sarba satwA r+tha hoH/ sngags 'dis lan gsum bar du dbul/ /mgron gsum rnal 'byor cho gas so/ /rnal 'byor gyi dbang phyug chen po shrI mai tri'i gdams pa/ lus
sbyin pa'i cho ga rdzogs so/