CLOSE WINDOW

D2763
བོད་ཡིག

/'phags pas nges par rjes su 'dzin/ /thugs rje chen po dka' thub can gyi sgrub thabs rdzogs so//[ ]@#/ /'phags pa spyan ras gzigs rtag pa'i rnal 'byor la phyag 'tshal lo/ /de nas/ spyi gtsug cod pan rtag tu 'dzin/ /zhes 'byung ba'i sgrub thabs bshad par bya'o//'jig rten mgon po 'jig rten gyi/ /rtsa lag gcig pu la btud de/ /de snying cod pan gtsug tor gyi/ /rnal 'byor cho ga bdag gis bshad/ /dben pa'i gnas 'dug 'khor ba'i me 'obs 'bar ba dang / /bde ba'i rkyen tshogs yid skyo mngon dga' drag po yis//thar pa'i grong khyer rdul bral skyed mos tshal bzangs su/ /zhugs nas rjes 'jug dang ba dam pas sems dul bya/ /de nas rnal 'byor zhi ba 'dis/ /blo ldan rgyud rab brlan gyur pa/ /de nyid rjes thogs dpal gsum gyi/ /cho ga dam pa bsgom par bya//e ma'o spyi gtsug rin chen khang / /bkra shis mchod rten dri ma med/ /thub pa stong gis spras pa'i sgo/ /mgon po nyid kyis dbus mdzes pa'o/ /'dam skyes dmar 'dab stong gi snying / /a stong de dbus sems yig hUM/ /'od gsal dkar 'khyil rnam par 'phro/ /bum pa'i mar me 'bar ba bzhin//de bzhin lte ba'i dkyil 'khor dbus/ /nyi ma'am zla ba la gnas pa'i/ /rlung gi rgyal po me yi dbus/ /bde ba'i chus brlan mkhregs pa'i sa/ /rnam dag rnam par 'phrul pa'i rgyu/ /'byung bzhi'i rang bzhin raM yig bsam/ /de las 'od 'phros tsha reg 'dis//rtsa mchog 'dis brgyud skyob pa yis/ /thugs reg thugs bskul thugs byung ba'i/ /byin brlabs zhi byed dag byed dang / /dri ma med byed 'od 'phro byed/ /rnam bzhi bdud rtsi'i rgyun dbab bya/ /gang tshe ye shes mchog 'di babs gyur pa/ /de tshe mi g.yo 'od gsal rnam par dag /kun 'byung mtsho chen nyi 'od sgron mchog dang / /nam mkha'i yid bzhin nor bu ji bzhin no/ /bde chen gnyis su med nyid la/ /ji srid bzod par nus re srid/ /mnyam par gzhag bya mi gnas na/ /de tshe dge tshogs dpag med bsgrub/ /dpal thugs rje chen po rtag tu bya ba'i rnal 'byor rdzogs so/