CLOSE WINDOW

D2759
བོད་ཡིག

/spyan ras gzigs yid bzhin nor bu'i sgrub thabs rdzogs so//[ ]@#/ /'phags pa spyan ras gzigs po ta la ke ri'i rtse mo pa la phyag 'tshal lo/ /de nas/ ri mchog dkyel 'khor rgyal po khyod/ /ces 'byung ba'i sgrub pa'i thabs bshad par bya'o//thugs rje yi stobs ri mchog rtser/ /nyi shu rtsa lnga'i bdag nyid ston/ /'jig rten gsum mgon la btud de/ /de yi sgrub thabs mdor bsdus bri/ /dang por re zhig rnal 'byor gyi dbang phyug tshangs pa'i gnas bzhis yid nye bar brlan par byas la/ bsam gtan gyi khang bu la sogs pa'i gnas mal gang yin pa po ta la ke ri'i rgyal por byin gyis brlabs te/der gzhal med khang rin chen sna bdun gyi rang bzhin bkod pa phun sum tshogs par bkod pa/ 'phags pa spyan ras gzigs dbang phyug 'khor gyi dkyil 'khor dang bcas pa mngon par blta bar bya'o//hrIH/ 'dam skyes sdong bu 'dab brgyad dbus/ /bdag nyid 'jig rten dbang phyug bskyed/ /de ni zla mdog skyil krung phyed/ /mchog sbyin pad+ma 'dzin pa'o/ /a i u e/ shar sogs phyogs dang mtshams rim bzhin/ /'khor lo rin chen pad+mo las/ / phyogs kyi kha dog gzhon nu'i tshul/ /gter chen bum pa bzhis gang ba'o/ /A I U ai/ de mthar 'khor lo rtsibs brgyad la/ /phyogs mi phyogs kyi kha dog can/ /gti mug rdo rje sgrol ma can/ /bag chags rdo rje rdo rje 'dzin/ /'dod chags rdo rje zhags pa thogs/ /zhe sdang rdo rje ral gri bsnams//o au aM aH/ byang shar la sogs mtshams bzhi yum/ /brtan pa'i rdo rje ri rab 'dzin/ /sbyor ba'i rdo rje zla ba dang / /'bar ba'i rdo rje nyi ma can/ /stobs kyi rdo rje ba dan thogs/ /kha dog phyed gzugs sgeg mo'i tshul/ /ka tsa Ta ta/ khyams kyi shar sogs phyogs bzhir yang //phyogs mdog gar gyis rol pa mo/ /rdo rje gzugs mdzes me long can/ /rdo rje sgra snyan pi wang bsgreng / /rdo rje dri mchog byug pa thogs/ /rdo rje ro bzangs zhal zas 'dzin/ /pa ya sha k+ShaH/ de bzhin byang shar sogs grwa bzhir/ /rdo rje reg ma gos mchog thogs/ / rdo rje chos ma chos 'byung can/ /rdo rje zhing ma maN+Dal 'dzin/ /rdo rje snang ma sgron ma thogs/ /yid 'ong phyogs phyed mdog can la'o/ /r-i r-I l-i l-I/ de nas shar sogs sgo bzhir yang / /lcags kyu zhags pa lcags sgrog dril/ /phyogs mdog cung zad khro ba'i tshul/ /de ltar kun phyag g.yon pad+mo//brtson pa'i cha byad pad zla la/ /rang gi sa bon las gyur mtshungs/ /de rjes sgyu ma ting 'dzin la/ /gnas nas dag pa rtogs par bya/ /gnas dang lus rab rnam par dag /dkyil 'khor 'khor lo zhes byar brjod/ /de bzhin lus dang sems rab dag /nyi shu lnga yi bdag nyid do//pheM pheM pheM pheM/ de nas ye shes dkyil 'khor lha/ /ji bzhin bkug la mchod sogs bcas/ /gsol btab dam tshig mthu bskyed de/ /rig pa'i ting 'dzin ldan pas bzlas/ /oM AHhrIHpo ta la ke ru tu ma hA kA ru NI ka hUM hUM phaT swA hA/ a i u e/ A I U ai/o au aM aHka tsa Ta ta/ pa ya sha k+ShaH/ r-i r-I l-i l-I/ hUM phaT swA hA/ gal te dmigs pa'i sbyor ba yis/ /skyo bar gyur na sbyor bral ba/ /shin tu dmigs med zhi ba'i rgyu/ /mkhas pas rdzogs pa'i rim pa bsgom/ /nam zhig de las ldang 'dod tshe/ /snying rje chen pos blo bskyed la//dpal ldan nyi shu rtsa lnga'i bdag /dkyil 'khor mchod sogs bya phyir 'bad/ /bdun phrag gcig gam gnyis sam gsum/ /ji ste brgya'am bdun phrag bcus/ /dam tshig bsam gtan ldan spyod la/ /dngos grub the tshom mi bya'o/ /rdo rje 'dzin pas rgyud dang ni/ /bla ma sangs rgyas 'drar bshad de//rgyud bral bla ma spangs pa la/ /dngos grub yod par ma gsungs phyir/ /mtshan ma tsam mthong bdag gis 'dir/ /bla ma'i gsung gi rgyud don bsdus/ /dge 'dis 'gro kun po ta la'i/ /ri mchog nam zhig bgrod par 'gyur/ /dpal thugs rje chen po po ta la ke ri'i rtse mo'i sgrub thabs rdzogs so/