137a1 dpal khar+sa pA Na ye shes kyi 'khor lo'i sgrub thabs rdzogs so//[ ]@#/ /'phags pa spyan ras gzigs dbang phyug yid bzhin nor bu la phyag 'tshal lo/ /de nas/ yid bzhin nor bu dkyil 'khor 'khor lo che/ /zhes 'byung ba'i sgrub
137a2 thabs bshad par bya'o//kho na nyid thugs gsung dang sku/ /yon tan phrin las dam tshig bcas/ /dpal ldan dkyil 'khor cher btud de/ /yid bzhin nor bu'i sgrub thabs bshad/ /bdag nyid chen pos phun tshogs bzhir/ /chos kun rang bzhin nyid dran pas/ /snying rje las grub
137a3 drang srong bskyed//hrIHyig la gnas ting 'dzin sgrub/ /ye shes rgyal ba bcu gnas su/ /nyid kyi snying po las spros pas/ /lhar bcas gzhal yas khang bsams te/ /mar me las ni mar me ltar/ /ha hrIHhUM phaT/ 'dab brgyad shar sogs phyogs bzhi la/ /don yod zhags
137a4 sogs bzhi yin te//mtshams bzhir bum pa bzang bzhi gnas/ /'di ni ye shes 'khor lo'o/ /d+hIHmai hUM hrIH/ de las 'khor lo gzhan 'byung ba/ /'jam dbyangs byams pa rdo rje 'dzin/ /gnod mdzes phyogs rtsibs bzhi las te/ /dzaHhUM baM hoH/ dbyangs can la sogs yum
137a5 mtshams bzhir//a i u r-i l-i e o aM/ /de mthar rtsibs brgyad sems ma brgyad/ /A I U r-I lA ai au aH/ de bzhin de mthar sems dpa' brgyad/ /rtsibs brgyad la gnas thugs gsung sku/ /brgyad gsung 'khor lo rim gyis mdzes/ /aHrnam dag yon tan
137a6 rtsibs stong ldan//'khor lo 'bar ba gzhan 'byung pa'ang / /bskal bzang sangs rgyas stong gis brgyan/ /a stong las skyes rim bzhin dgod/ /hUM/ de dag las kyang 'khor lo gzhan/ /rtsibs stong las hUM stod las skyes/ /lnga brgya lnga brgya rgyal sras mdzad/ /phrin las
137a7 'khor lo zhes bshad do//dzaHhUM baM hoH/ sgo bzhir lcags kyu zhags sogs bzhi/ /khyams rnams su ni mchod pa'i lha/ /khor yug dur khrod kun rdzogs ldan/ /dam tshig 'khor lo zhes byar grags/ /de rjes dkyil 'khor chen po yi/ /ye shes ri mchog las bkug
137b1 gzhug /me long gnyis gzugs brag ca dang / /mkha' 'drar dag pa rtogs par bya/ /ji srid gnyis med mnyam 'jog pa/ /de srid de yod mi 'gal ba'am/ /yang na ro gcig bsam gtan gnas/ /skyo bar gyur na gsang sngags bzlas/ /oM AHhrIHbadzra dz+nyA na tsin+ta ma Ni rat+na
137b2 maN+Dal tsakra pri ti s+thi ti hUM sarba bud+d+ha ta twA gar+b+he kA ya wakA tsit+ta gu Na karma sa ma ya pra sid+d+haM hUM/sarba ta thA ga to dz+nyA na gar+b+ha bi shud+d+ha badzra ta twA a d+hiSh+ThA na/ dz+wa la dz+wa la/ s+pha ra s+pha ra/ sarba pA pa b+hik+ka naM/ da ha da ha/ ha ra ha ra/ shAn+ta ka ra ye hUM phaT swA hA/ de bzhin gshegs kun snying po 'dis/ /dkyil 'khor
137b3 bdag po kun mnyes byed//dad dang snying brtsi bden stobs mthus/ /ma lus thugs bskul 'od 'phro 'gyur/ /rang rang rjes mthun don bsgrubs nas/ /sa gsum mgon po'i sras gyur te/ /bsam gtan rgyun gcig la gnas mthar/ /dngos po kun mchod bzod par gsol/ /
137b4 de rjes byang chub sems ldan pas/ /thal sbyar yi dam gsum blangs la/ /dngos grub don du gsol btab ste/ /bde bar spyod yul gshegs par bya/ /yid bzhin nor bu'i dkyil 'khor che/ /brtag pa'i rgyal po bla na med/ /ma lus kun don sgrub byed pa/ /'dir bsdus
myur bdag gter chen gyur/