131b6 mchod rten la sogs pa'i las bsgrub par bya'o/ /thugs rje chen po yi ge med pa'i sgrub thabs rdzogs so//[ ]@#/ /'phags pa spyan ras gzigs phyag stong pa byang chub pa la phyag 'tshal lo/ /khyod ni stong pa nyid rang bzhin/ /zhes 'byung
131b7 ba'i sgrub thabs bshad pa'o//gang zhig dbang po'i gzhu ltar dri med mngon par gsal ba'i sku gzugs mchog /ston ka'i zla ltar rab tu dkar zhing phyogs bcur 'od mdzad khyab pa po/ /phra ba'i a dkar shin tu mi rtog ye shes ma lus bskyed pa'i gzhi/ /gang gis yongs
132a1 shes de nyid gzhan min 'chi ba med thob grol byed rgyal//tA la bdun srid steng gi mkhar/ /pad+mo zla rgyas gdan steng na/ /dpal ldan stong nyid spyan ras gzigs/ /lus can lus med ston bsgom bya/ /dkyil 'khor 'od gsal dri med kyis/ /sku brgyan pad+mos phyag
132a2 mtshan pa//zla ba'i zhal mnga' sdig 'joms phyir/ /brtson pas bzhengs pa'i dbang po'o/ /'di yi thugs kyi pad 'dab brgyad/ /snang dang 'dzin pa zhen pa dang / /de rgyun yongs su sbyong ba dang / /dri gsum sbyong phyir yig 'bru brgyad/ /oM aM hrIHd+hi taM twaM khaM hUM/ dkar ser
132a3 dmar ljang sngon po dang //dung mdog mngon par skabs yod dang / /sna tshogs kha dog rim bzhin du/ /phreng ba dri med 'khor lo bsam/ /bsam gtan mchog gi phyag rgya la/ /gnas nas nges pa'i sbyor ba dang / /yang dag rdzogs pa'i rim gyis su/ /spros bral la ni spros bral
132a4 gzhag /sor gzhag blta dang rang grol dang / /gnyug ma nyid dang 'od gsal dang / /lhun gyis grub dang de sbyang ba/ /yongs su dag pa nyid kyis so/ /'di dag bsgom dang bsgom pa yi/ /lam gzung ba dang skyon bsal dang / /de la mthun pa bsgrub rnam gsum/ /rim pa
bzhin du bstan pa yin/