| བོད་ཡིག |
130b2 /lha yi rim pas sngags rim bzhin/ /rnam gsum rdzogs pa'i rim pa yang / /mkhas pas 'bad de bsgom par bya/ /dpal 'jig rten mgon po yi ge drug pa'i sgrub thabs rdzogs so//[ ]@#/ /bcom ldan 'das thugs rje chen po yid rnyog pa med par mdzad pa la phyag
130b3 'tshal lo//sa gsum dbang phyug lha gsum 'jig rten 'od mdzad ni/ /gangs ri ltar dkar skal ldan yid kyi ngal so'i rgyu/ /bde gnas mchog sbyin gcig pu rtag tu dbugs 'byin brtson gyur gang / /dpal ldan mgon po spyan ras gzigs dbang nyid rtag 'dud/ /ring nas
130b4 dub pa skyabs med pa//rnam g.yeng rnam par gzings pa yis/ /rtag tu nyon mongs gyur pa gang / /de dag dal ba'i thabs 'di brjod/ /yid dang rjes mthun gnas su ni/ /blo ldan rnyog pa med yid kyis/ /ltos pa thams can dor nas su/ /lha gsum rnal 'byor bsgom par bya/ /
130b5 stong pa nyid skyes pad+ma dang / /bde chen las grub zla dkyil du/ /lus ngag sems kyi rang bzhin rim/ /hrIHdang AHdang hUM zhes pa/ /dkar dang dmar po sngon po dag /sku gsung thugs dag sbyor ba yis/ /bsams la 'od spro bsdu ba yis/ /phyag 'tshal nyid dang sku blta'o/ /
130b6 de la dbus su 'jig rten mgon/ /gzhon nu dkar sgeg mdzes pa'i gzugs/ /g.yas su khro gnyer dmar mdzes khro/ /g.yon du sgrol ma ljang ngul ma'o/ /rang rang 'dab skyes 'dab bzhi'i thugs/ /rtsa ba'i yi ge bzhis mtshan pa/ /rang gi snying po sa bon bcas/ /gsal
130b7 byas ye shes gzhug par bya//de nas dub pa ngal so'i phyir/ /cho ga'i sbyor bas 'gro ba yi/ /sems dul dal ba rnyed pa la/ /brtson pas gsang sngags bzlas par bya/ /rang dang rjes mthun 'od zer gyis/ /'gro ba'i dub pa gang gi rgyu/ /chags sdang ma rig las bcas 'phros/ /
131a1 sdug bsngal dri ma bsal bar 'gyur/ /de rjes mkhas pa dmigs bcas dang / /dmigs bral rnam par mi rtog la/ /rnal 'byor gnyug mar gnas na ni/ /ma lus mtshan ma rnam grol bsgom/ /gang phyir gang du gang gis gang / /ji ltar bcing bas bdag dub pa/ /de phyir
131a2 de yis der de nyid//de ltar grol bas bdag dal ba'o/ /e ma'o rnal 'byor zab mo che/ /e ma'o 'ching ba 'chi ba med/ /e ma'o rtag tu bde ba che/ /e ma'o e ma ngo mtshar rmad/ /yang ni dmigs bral nyid yid kyis/ /lus can dmigs med dmigs byas la/ /stong nyid
131a3 'od zer dbugs 'byin pa'i//sbyor bas dub pa ngal so bya/ /nam mkha'i mtha' gtugs srid na 'di dag mi ngal sems dub rnam pa kun tu nyon mongs dbang gyur sdug bsngal ni/ /sna tshogs kun rtog bag chags las bcas 'dzin pa'i blos bslad mngon zhen 'ching ba dam pa'i
131a4 mdung pas nyer bcings pa//cho ga gang gis de shes gyur na skad cig de la dpag med rgyal ba'i phyag gis rjes skyabs dri rdul med/ /snying gi dbus su bde ba che thob gzha' lus 'di dang tshangs pa'i ngag thob 'gro ba'i gnyen gcig bla mar gyur/ /gang tshe skyo bas ldang 'dod na/ /dran
131a5 pas brtan par byed pa yi//ting nge 'dzin la mnyam gzhag nas/ /brtse ldan dal bus ldang bar bya/ /kha na ma tho med dran bcas/ /rnal 'byor rnam par mi rtog dang / /byams ldan kun tu yid gzhungs pa/ /rjes spyod dge tshogs brtsam par bya/ /sems ngal so ba'i thugs rje chen
po'i sgrub thabs rdzogs so/