| བོད་ཡིག |
126a4 'phags pa spyan ras gzigs dbang phyug la bstod pa/ dge slong ma dpal mos mdzad pa rdzogs so//[ ]@##/ /rgya gar skad du/ Ar+yA ba lo ki te shwa ra sto tra/ bod skad du/ 'phags pa spyan ras gzigs dbang phyug gi bstod pa/ rje btsun thugs rje
126a5 chen po la phyag 'tshal lo//spyan ras gzigs dbang 'jig rten mgon/ /'khor ba'i 'dam gyis ma gos pas/ /pad+ma zla ba'i gdan dang ldan/ /thugs rje che la phyag 'tshal lo/ /skyon gyis ma gos sku mdog dkar/ /rdzogs sangs rgyas kyi dbu rgyan can/ /thugs rje'i
126a6 spyan gyis 'gro la gzigs//spyan ras gzigs la phyag 'tshal lo/ /sangs rgyas bye brag bcu gcig zhal/ /rtsa ba'i zhal ni dkar po mdzes/ /ljang dang dmar po g.yas dang g.yon/ /zhi ba'i zhal la phyag 'tshal lo/ /dbus ljang g.yas dkar g.yon dmar zhal/ /
126a7 dbus dmar g.yas ljang g.yon dkar zhal/ /spyan dkyus ring zhing zhal phra ba/ /'dzum bcas bzhugs la phyag 'tshal lo/ /khro zhal nag po spyan gsum pa/ /mche gtsigs skra brdzes sma ra ser / /steng zhal dmar po gtsug tor ldan/ /bcu gcig zhal la phyag
126b1 'tshal lo//chos nyid thugs chud thugs kar thal mo sbyar/ /thugs rje rgyun chad med pas phreng ba 'dzin/ /yi dags bkres skom sel ba'i mchog sbyin phyag /phyag g.yas 'khor lo bsnams la phyag 'tshal lo/ /'khor ba'i 'dam gyis ma gos pad+ma bsnams/ /ril pa spyi
126b2 blugs nyon mongs dri ma 'khru//thabs dang shes rab gnyis med mda' gzhu bsnams/ /rnam thar brgyad ldan khyed la phyag 'tshal lo/ /rin chen rgyan mnga' kun nas mun sel zhing / /sku mdog dkar gsal ri dwags pags pa 'dzin/ /gzhon nu lang tsho ldan pa'i 'dzum bcas
126b3 zhal//'gro ba'i sdug bsngal sel la phyag 'tshal lo/ /bcom ldan blta bas mi ngoms sna tshogs sgu/ /thugs rje mthar phyin phyag stong 'gro rnams skyob/ /shes rab mthar phyin dri med spyan stong gzigs/ /'jigs pa kun las skyob la skyabs su mchi/ /thugs rje bsil
126b4 mdzad zla ba dri ma med//zhal gcig phyag bzhi sgu mdog zla ba'i 'od/ /skyabs sbyin rnga yab pad+ma chu shel 'dzin/ /me yi 'jigs pa skyob la skyabs su mchi/ /sems can re skong yid bzhin 'khor los sgyur/ /zhal gcig phyag bzhi sgu mdog gangs ri'i mdog /
126b5 skyabs sbyin rin chen pad+ma 'khor lo 'dzin/ /chu yi 'jigs pa skyob la skyabs su mchi/ /yon tan rab rgyas nor bu 'dzin pa po/ /zhal gcig phyag bzhi sku mdog gser dang mtshungs/ /skyabs sbyin nor bu pad+ma pu sti 'dzin/ /seng ge'i 'jigs pa skyob la skyabs su mchi/ /'gro
126b6 rnams smin mdzad nyi ma rab tu snang //zhal gcig phyag bzhi sku mdog btso ma 'dra/ /skyabs sbyin ut+pal pad+ma me shel 'dzin/ /glang po'i 'jigs pa skyob la skyabs su mchi/ /sems can yongs sgrol thugs rje don yod zhags/ /zhal gcig phyag bzhi pad+ma rA ga'i mdog /skyabs
126b7 sbyin lcags kyu pad+ma zhags pa 'dzin//rgyal po'i 'jigs pa skyob la skyabs su mchi/ /dbang sdud chen po chu srin 'dzin khri dpal/ /zhal gcig phyag bzhi ku sha'i mdog 'dra ba'i/ /skyabs sbyin rgyal mtshan pad+ma gaN+Di 'dzin/ /klu yi 'jigs pa skyob la skyabs su mchi/ /dug
127a1 gsum 'joms mdzad ha la ha la che//zhal gcig phyag bzhi bai DUr+ya 'dra ba/ /skyabs sbyin rtse gsum pad+ma ba dan 'dzin/ /mkha' 'gro'i 'jigs pa skyob la skyabs su mchi/ /dngos po'i stobs 'joms mthu chen rab thob pa/ /zhal gcig phyag bzhi in+d+ra nI la'i
127a2 mdog /skyabs sbyin rdo rje pad+ma dril bu 'dzin/ /mi rgod 'jigs pa 'joms la skyabs su mchi/ /me chu seng ge glang chen lcags sgrog sprul/ /mkha' 'gro mi rgod 'jigs pa brgyad las ni/ /gang la gang 'dul phrin las rnam pa bzhis/ /smin mdzad spyan ras gzigs
127a3 la skyabs su mchi//gtso bo 'jigs pa kun las skyob mdzad cing / /sprul pa'i 'khor gyi gdul bya'i snang ba la/ /zhi ba rgyas pa dbang dang drag tshul du/ /skyob mdzad spyan ras gzigs la skyabs su mchi/ /yon tan rab rgyas rgyan rnams kun gyis brgyan/ /byams pa'i
127a4 na bza' thugs rje'i 'od zer 'phro//byang chub sems kyi dpa' rtags stag lpags can/ /'jigs gzugs spyan ras gzegs la skyabs su mche/ /mgon po khyod kyi yon tan brjod pas ni/ /gang gA'i klung gi bye snyed sangs rgyas la/ /de snyed phyag dang mchod byas gyur
pa yi/