CLOSE WINDOW

D2737
བོད་ཡིག

bod kyi lo tsA ba btsun pa rgyal ba mchog dbyangs kyis bsgyur ba'o//[ ]@##/ /rgya gar skad du/ b+haT+TA rA ka A R+yA ba lo ke te shwa re ka da sha mu kha s+ya sA d+ha naM/ bod skad du/ rje btsun 'phags pa spyan ras gzigs dbang phyug zhal bcu gcig pa'i sgrub thabs/btsun pa spyan ras gzigs la phyag 'tshal lo/ /lte ba zla bas rnam brgyan pad+ma la/ /'bar ba'i rgyan mnga' kun nas mun sel cing / /kha ba'i ri 'dra ri dgas lpags 'dzin pa/ /'dzum bcas bzhugs la spyi bos btud byas te/ / 'gro ba de yi gnas thob 'dod pas 'dir/ /sgrub thabs cho ga bdag gis dran par bya/ /dang por re zhig gang yang rung ba'i yid dang rjes su mthun pa'i gnas legs par byugs la dri zhim po'i me tog kun tu gtor la/ de'i dbus su stan bde ba la nye bar 'dug ste/ rang gi snying gar a las zla ba'i dkyil 'khor rnam par bsam zhing /de'i steng du dro ba rnams kyi bzhi ba me'i bu la brten pa nga ro bzhi pas kun nas mnan zhing gzhon nu ma'i nu mas brgyan par blta'o/ /de nas sa bon gyi yi ge las 'od zer rnams byung bas bla ma dang sangs rgyas dang byang chub sems dpa' dang /rje btsun spyan ras gzigs dbang phyug spyan drangs te/ de dag gi mdun nyid du phyag 'tshal ba sngon du song bas/ oM badzra ar+g+haM AHhUM swA hA/ oM badzra d+hU pe AHhUM swA hA/ oM badzra puSh+pe AHhUM swA hA/ oM badzra A lo ke AHhUM swA hA/ oM badzra gan+d+he AHhUM swA hA/ oM badzra nai wi d+ye AHhUM swA hA/oM badzra gI ti AHhUM swA hA/ zhes byin gyis brlabs pa'i mchod pa'i tshogs phul la/ gang yang bdag gis dus kun du/ /sdig par bgyis pa gang gyur pa/ /skrag pas rmi 'drar 'chags bgyid cing / /deng nas brtsams te 'byung mi bgyid/ /dge ba rnams la rjes yi rang //sangs rgyas byang chub yid kyis gzung / /thams cad byang chub mchog tu bsngo/ /de thob lam la gnas bgyid cing / /dam pa'i skyabs la skyabs su mchi/ /de nas byams pa dang / snying rje dang / dga' ba dang / btang snyoms te tshangs pa'i gnas bzhi rim gyis mngon du byas la/oM swa b+hA ba bi shud+d+haHsarba d+har+m+mAHswa b+hA ba shud+d+hou0f85haM zhes brjod do/ /rgyu ba dang mi rgyu ba thams cad rang rang gi de bzhin nyid las mi 'da' bas rnam par dag par bsams te/ bdag kyang rnam par dag par bsams la/ yang oM shU n+ya tA dz+nyA na badzra s wa b+hA ba At+ma kou0f85haM zhes brjod do//kun nas stong pa nyid du bdag nyid kyang bsam mo/ /de'i rjes la mdun du phaM las pad+ma 'dab ma sna tshogs pa bsam zhing / de'i steng du a las zla ba'i dkyil 'khor ro/ /de'i dbus su yang sa bon gyi yi ge de nyid do/ /de nas yang de las 'od zer byung ba rnams kyis 'gro ba rnams rnam par dag par byas nas 'ongs pa dang /de nyid la zhugs pas pad+ma 'dab ma brgyad pa gser btso ma lta bur gyur par bsam par bya'o/ /de'i dbus su yang sa bon gyi yi ge de nyid do/ /de nas yang de las 'od zer lcags kyu lta bu dang / zhags pa lta bu byung bas sangs rgyas dang byang chub sems dpa' rnams bkug ste/ bdag nyid dang gcig pas de la thim par blta'o/ /de ma thag tu pad+ma sa bon dang bcas pa yongs su gyur pa las bdag nyid 'phags pa spyan ras gzigs zhal bcu gcig pa gangs ri'i rtse mo la nyi mas brgyan pa ltar dkar ba sku'i yan lag rgyan thams cad kyis spras pa nor bus spras pa'i gser mdog 'og pag can/ras bzang pos sku'i smad g.yogs pa/ ri dgas kyi pags pas nu ma g.yon pa bkab pa/ ral pa dmar ser 'khyugs pas mdzes pa/ phyag gdub dang / zhabs gdub dang / rnam cha gdub kor dang / mgul gdub dang / cod pan dang / dpung rgyan dang / dbu rgyan rtse bran gyis gsal bar byas pa/ 'od zer dkar pos kun nas bskor ba/ lang tsho la bab pa/ spyan dkyus ring zhing dpral ba yangs pa/ zhal bcu gcig pa/ rtsa ba'i zhal kun nas dkar ba/ g.yas pa ljang gu/ g.yon pa dmar ba/ zhal thams cad kun nas 'dzum pa'i nyams can/ de'i dbus ljang gu/ g.yas dmar po/ g.yon dkar po de'i dbus dmar po/ g.yas dkar po/ g.yon ljang gus bye brag rnams so//de'i steng du zhal rnam par gtsigs shing 'jigs pa/ nag po mche ba snang ba/ kun du khros pa/ spyan gsum pa ral pa bsgreng ba'o/ /de'i spyi bor ban du ka'i me tog dang / byu ru bcag pa'i mtshams ltar gsal ba/ gtsug tor dang bcas pa/ rgyan spangs pa tshangs par spyod pa'i cha lugs can/ mgul pa dang bcas par byung ba/ zhi ba'i gzigs pas 'dzum pa'o/ /phyag gnyis thugs kar thal mo sbyar ba/ g.yas dang po phreng ba 'dzin pa/ g.yon pa na gser gyi pad+ma rtsa ba dang bcas pa 'dzin pa/ g.yas gsum pas yi dags skom pa sel ba/g.yon gsum pas ril ba spyi blugs 'dzin pa/ g.yas bzhi pas 'khor lo 'dzin pa/ g.yon bzhi pas mda' dang gzhu 'dzin pa/ lhag ma dgu brgya dgu bcu rtsa gnyis po rnams kyis mchog sbyin pa phyag pad+ma'i 'dab ma ltar 'jam pa 'di lta bu rnam par bsam mo//de nas rang gi snying ga'i pad+ma dang zla ba la gnas pa'i sa bon gyi yi ge gnas pa las byung ba'i 'od kyis btsun pa spyan ras gzigs dbang phyug spyan drangs te/ yang dag par mchod la bdag gi nang du zhugs par bsam mo/ /de nas sku gsung thugs legs par gnas pas dbang bskur ba'i thar thug par bsgrub po//de'i rjes la rang gi snying gar pad+ma dang zla ba la gnas pa'i sa bon kun nas dkar po 'od dang bcas pa mgo gyen du 'greng ba bsams te/ de las byung ba'i sku rnams 'phros pas 'khor lo'i rnam par byung bar bsam zhing bsgom mo//gang gi tshe skyo ba na sa bon gyi yi ge yid la 'dzin pas nor bu'i mtshams su phyag 'tshal ba dang bcas pa'i mngon du gyur pa'i tshig spangs te/ oM d+ha ra d+ha ra/ d+hi ri d+hi ri/ d+hu ru d+hu ru/ iT+Te baT+Te/ tsa le tsa le/ pra tsa li pra tsa li ku su me ku su me/ ba re i li mi li tsi ti dz+wa laM a pa na ye swa hA/zhes bya ba 'dod pa bzhin bzlas so/ skyo bar gyur na ye shes sems dpa' mdun du bzhugs pa la mchod do/ /gsol ba gdab pa dang / bzod par gsol ba dang / gshegs par mkhyen par bya ba'i phyir ja hi zhes lan gsum brjod do//langs nas mchod ston la sogs pa bya'o/ /'dir gang dag de snyed kyi phyag rgya dag dmigs par mi nus pas phyag brgyad pa'am/ zhal gcig phyag bzhi pa'am/ zhal gcig phyag gnyis pa yang bsam zhing phyag gnyis pa pad+ma dang mchog sbyin par blta'o/ / sgrub thabs cho ga bkod pa yis/ /dge ba gang zhig dri med ni/ /bdag gis bsags des 'gro ba kun/ /srid mtsho'i pha rol 'gro bar shog /'phags pa spyan ras gzigs dbang phyug zhal bcu gcig pa'i sgrub thabs/ dge slong ma dpal mos mdzad pa rdzogs so// //rgya gar gyi mkhan po dI paM ka ra shrI dz+nyA na dang /