CLOSE WINDOW

D2736a
བོད་ཡིག

zhu chen gyi lo tsA ba dge slong rin chen bzang pos bsgyur ba'o//[# {Da}#]@#/ /rgya gar skad du/ Ar+yA ba lo ke te shwa ra Sha Ta k+Sha ra sA d+ha naM/ bod skad du/ 'phags pa 'jig rten dbang phyug yi ge drug pa'i sgrub thabs/ sangs rgyas dang byang chub sems dpa' thams cad la phyag 'tshal lo//gang zhig don dam thugs chung snying rje'i dbang gis ye shes skur/ /gnas mdzad 'gro la bu bzhin mnyam gzigs nas/ /sdug bsngal rgya mtsho'i 'jigs las sgrol mdzad pa'i/ /skyob pa'i dbang po 'jig rten mgon la rab btud de/ / ye nas rnam dag sems nyid ma rig pa'i/ /glo bur dri mas bsgribs pa'i 'gro la phan don du/ /bstan pa rgya mtsho'i nang nas theg mchog rdo rje'i lam/ /sgrib pa myur sel bdud rtsi lta bu bri bar bya/ /bla ma dkon mchog gsum gus shing / /snying rje byang chub sems sbyangs te/ /dbang thob dam tshig ldan pa yi//sgrub la brtson pa'i rnal 'byor gyis/ /bkra shis yid 'ong byin chags pa'i / /dben pa'i gnas su phyin nas ni/ /mchod sbyin la sogs sngon song bas / /rten dang mchod pa rim bzhin bshams / /de nas 'tshe dogs kun spangs nas/ /khrus byas bde ba'i stan 'dug ste//rang nyid snying gar hrIH bltas la/ /'od kyis 'phags pa spyan drang zhing / /phyag 'tshal mchod 'bul la sogs pas/ /bsod nams tshogs ni bsags par bya/ /'gro la snying rje chen po dang / /byang chub sems kyang bsgom par bya/ /oM ma hA shU n+ya tA dz+nyA na badzra swa b+hA ba At+ma kou0f85 haM/dngos rnams thams cad rab sbyangs te/ /stong pa nyid kyi ngang nyid las/ /rlung dang bdud rtsi ri rab ste/ /b+hUM las rin chen gzhal yas khang / /gru bzhi pa la sgo bzhi pa/ /rta babs la sogs rnam par mdzes/ /pho brang chu skyes 'dab drug la//sku gsung thugs kyi dkyil 'khor bsgom/ /de dbus pad+ma zla ba'i steng / /hrIH las 'od 'phros don byas nas/ /slar 'dus yongs su gyur pa las/ /'jig rten dbang phyug skur bskyed de/ /zhal gcig pa la phyag bzhi pa/ /dang po thugs kar thal mo sbyar/ /g.yas na mu tig phreng ba 'dzin//g.yon pa pad+ma dkar po bsnams/ /sku mdog dung dang kun da'am/ /kha ba'i ri ltar dkar ba la/ /thugs rjes yid tsam dmar ba'i spyan/ /zhal ni 'dzum pa'i mdangs dang ldan/ /sku ni mi 'gyur drang po ste/ /zhabs gnyis mnyam pa'i skyil krung bzhugs//dbu skra mthon mthing lcang lo 'khyil/ /a mi tA b+has spyi gtsug brgyan/ /mtshan bzang sum cu rtsa gnyis dang / /dpe byad bzang po brgyad cur ldan/ /rin chen sna tshogs rgyan gyis spras/ /le brgan dar gyi na bza' 'chang / /'jig rten gsum gyi mgon po ni/ / yum dang sras bcas bskyed par bya/ /de nas gnas gsum byin brlabs te / /spyi bo mgrin pa thugs ka ru/ /rdo rje gsum mchog snying po 'di/ /kha dog gsum ldan yi ge dgod/ /phyogs bcu'i bde gshegs spyan drangs nas/ /mchod de gsol ba btab pa yis/ /ye shes bdud rtsi'i chu rgyun gyis//dbang bskur rigs kyi bdag pos brgyan/ /de nas thugs ka'i sa bon las/ /'od zer spros te 'og min nas/ /ye shes sems dpa' spyan drangs la/ /mchod cing gnyis med bsre bar bya/ /rang sems rnam dag lhar gsal ba/ /snang ba rang bzhin med pa yi//chu zla me long gzugs brnyan nam/ /nam mkha' yi ni 'ja' tshon ltar/ /mtha' gnyis las grol lha yi sku/ /sku bcas sku ni med pa yi / /zung 'jug sgyu ma lta bur ni/ /rnal 'byor pa yis rtag tu bsgom/ /de ltar gsal bar gyur pa dang / /dus gsum bde gshegs thams cad kyis//byin gyis brlabs pa'i gsang sngags 'di/ /rgyun mi 'chad du bzlas par bya/ /oM ma Ni pad+me hUM/ 'di ni mtshan gyi rgyal po ste/ mi mthun dri ma spang byed cing / /'dod pa'i 'bras bu kun ster bas/ /yid bzhin nor bu lta bu'o/ /de nas thugs ka'i 'od zer gyis/ / snod bcud sbyangs te sku la bsdu/ /sku yang gsung yig rim gyis ni/ /thig le mi dmigs gzugs su bsdu/ /mtshan ma'i rtog pa rab zhi ba/ /chos dbyings dag pa'i ngo bo nyid/ /rang bzhin kun tu 'od gsal ba'i/ /de bzhin nyid kyi dang du gzhag /de las cung zad lha yi skur/ / langs te spyod lam rnam bzhi ru/ /ma yengs chu bo'i rgyun ltar bsgom/ /snang grag sku gsung thugs su khyer/ /gzhan yang bsod nams tshogs bsags phyir/ /mdun gyi maN+Dal dbus nyid du/ /rten las dam tshig dkyil 'khor bskyed/ /ye shes dkyil 'khor dbyings nas ni/ / spyan drangs khrus gsol bstim bzhugs shing / /phyag 'tshal mchod cing bstod bya ste/ /thugs nyi pad+ma'i dkyil 'khor du/ /gsang sngags dmigs shing bzlas par bya/ /de nas bzod gsol ye shes gshegs/ /dam tshig dkyil 'khor rang la bsdu/ /rang yang mi dmigs rgyas btab ste//lha yi rnam par langs te gnas/ /thun bzhi la sogs thun bar du/ /chos kyi spyod pa rgya cher bya/ /de las byung ba'i bsod nams kyang / /'gro don byang chub chen por bsngo/ /zla drug bsgom pas 'grub 'gyur gyi/ /mtshan bzang mthong na don chen brnyes/ /sum byed drug 'bum thon nas ni//sna tshogs las kyi rim par sbyar/ /lnga brgya'i tha mar 'jig rten du/ /thub pa'i bstan pa rgyas 'gyur te/ 'jig rten dbang phyug rnal 'byor gyi/ /myur du bdag gzhan don 'grub 'gyur/ /thugs rje pad+mo rgyas pa'i ge sar las byung ba'i/ /rgyas byed bcud ldan sbrang rtsi cung zad bdag gis 'thungs//'di ni gzhan phan bsam pas man ngag zur tsam bkod/ /nyes gyur thugs rje'i dang du bzod pa mdzad par rigs/ /'dab chags rgyal pos chu las 'o ma blangs pa ltar/ /grub pa'i rgyud las snying po 'di bsdus dge ba yis //mu mtha' yas pa'i sems can ma lus thams cad kun/ /rnam dag pad+mo'i zhing du rgyal ba'i zhal mthong shog /thugs rje chen po'i sgrub thabs yid bzhin nor bu zhes bya ba slob dpon 'phags pa klu sgrub kyis mdzad pa rdzogs so// //rgya gar gyi mkhan po slob dpon pad+ma'i zhal snga nas dang /