93a7 /[ ]@##/ /rgya gar skad du/ Ar+ya a mo g+ha pA sha pany+tsa de ba sto tra/ bod skad du/ 'phags pa don yod zhags pa lha lnga'i bstod pa/ 'phags pa don yod zhags pa lha lnga la phyag 'tshal lo/ /sems can sdug bsngal me tshogs kyis
93b1 gdungs la//thugs rje'i char rgyun bsil bas zhi mdzad cing / /rang bzhin bde ldan gnas su 'dren mdzad pa/ /mgon po spyan ras gzigs la phyag 'tshal lo/ /thugs rje chen po'i zhags pas 'gro kun gyi/ /gnod pa nges sel bde la 'god mdzad cing / /sna tshogs sbrul
93b2 pas 'gro ba'i don mdzad pa//don yod zhags par grags la phyag 'tshal lo/ / ma chags pad+ma'i rigs kyi sprul pa ste/ /klu rgyal tshul gyis gdug pa 'dul mdzad pa/ /dbang chen bskal pa'i me ltar rab brjid 'bar/ /khro rgyal rta mgrin rgyal la phyag 'tshal lo/ /chos nyid
93b3 spros bral ro gcig mngon gyur tshul//ral pa gcig 'chad lha mo'i skur ston cing / /bgegs tshogs 'dul phyir khro mo'i cha lugs 'dzin/ /ral pa gcig ma khyed la phyag 'tshal lo/ /dus gsum rgyal ba'i yon tan gzhir gyur cing / /skal ldan rjes mthun 'gro don mdzad la
93b4 brtson//mgon po'i phrin las ma lus rdzogs mdzad ma/ /lha mo khro gnyer can la phyag 'tshal lo/ /'phags pa don yod zhags pa lha lnga'i bstod pa/ paN+Di ta chen po e rab tis mdzad pa rdzogs so// //rgya gar gyi paN+Di ta don yod rdo rje dang / lo tsA ba ba ri rin chen grags
pas bsgyur ba'o/