92a3 dge bsnyen chen po zla bas mdzad pa rdzogs so// //rgya gar gyi mkhan po par me shwa ra dang / bod kyi lo tsA ba 'gos lhas btsas kyis bsgyur cing zhus te gtan la phab pa'o//[ ]@##/ /rgya gar skad du/ lo ke shwa ra sto tra nA ma/ bod skad du
92a4 'jig rten dbang phyug gi bstod pa zhes bya ba/'jig rten dbang phyug la phyag 'tshal lo/ /lha dang lha min gyis ni zhabs btud cing / /skye rga na dang 'chi ba rab bcom pa/ /'jig rten dbang byed bdag la skyabs mdzad na/ /brtse dang snying rje ldan pa skyong bar mdzod/ /'khor ba'i rgya mtsho'i
92a5 dbus su nges lhung ba//nyon mongs dba' klong mnyam bzhag gis ni bcom/ /kho bo brtan par zung zhes kun du du/ /brtse ba chen po khyed la phyag 'tshal lo/ /mig la sred pa'i rab rib nye bar 'tshe/ /lus ni 'chi bas 'jigs pa'i rnam par du/ /ji srid mnar med nyam ngar ma song bar/ /
92a6 bcom ldan kun tu gzigs la bdag la skyongs/ /gzhan gyi bud med sun par byas shing bcom/ /mi shes pa yi srog chags stong phrag bsad/ /mgon po bdag gis sdig pa ma lus byas/ /so so'i lus kyi nyes pa nyams par mdzod/ /gang zhig 'tsho dang bkur sti'i ched rnams su/ /
92a7 'jig rten pa rnams mi 'dod mi bden smras/ /ma lus dmyal ba gang gis yun ring goms/ /de rnams 'jig rten dbang pos zhi bar mdzod/ /sems can rnams la mi phan bsam pa gang / /rang dang gzhan gyis byas la'ang yi rang ba/ /de 'dir bdag gi yid kyi sdig pa rnams/ /bsal
92b1 bar mdzod cig mgon po smre sngags 'don//lha dang mi dang lha min skye ba rnams/ /dud 'gro dmyal ba yi dags 'gro ba rnams/ /sems can nges gnas rtag par nyam thag gang / /de rnams srung zhes khyed gtam bdag gis thos/ /des na bdag la snying rjer kun du mdzod/ /lus kyi lang
92b2 tsho ngal bar rtogs gyur na//ji srid dmyal ba nyid du ma zhugs par/ /de phyir bcom ldan khyed la gsol bar bgyi/ /cung zad btang snyoms mdzad pa gzhan don phyir/ /bdag gi don phyir bcom ldan nyid dmigs na/ /yang na brtse ba bsod nams la ltos sam/ /gang la phongs med
92b3 mthong ba bskyed par gyis//nyid dran pa yis kun nas yongs tshim na/ /nyes pa zad par mdzod cig brtse med dam/ /de yi phyir na bcom ldan gzhan phan mkhas/ /rnam g.yeng ma mdzad kho bo 'dir ni srungs/ /glang po rta dang bu dang chung ma dang / /rgyal srid tsher ma med dang
92b4 khyim sna tshogs//sha rus mgo dang khrag gi mthar thug par/ /don gnyer rnams la khyed kyis mtha' yas byin/ /mig sman ri lu rkang mgyogs grub pa dang / /grub pa'i sman dang nor bu rnam dag sngags/ /grub pa gnod sbyin mo ni grong la 'jug /'jig rten dbang po gang gis nyid dgyes
92b5 pa//rkang lag rnam par lta ba'i sman pa gang / /sna tshogs 'jigs chen nad kyis zhu ba gang / /khyed mnyes pa las de rnams lus rgyas shing / /nad med yon tan zab mo'i rnam rol 'gyur/ /mkha' lding sbrul dang gza' dang mkha' 'gro ma/ /sbyor ba pa rnams rtag par zhi 'thob cing / /khyed
92b6 mnyes gang yin de yi mdun du ni//gshin rje'i pho nya mi 'gro rgyal bar 'gyur/ /de phyir lag pa spyi bor thal sbyar te/ /spyi brtol mi brtan ngag gis nyin re bzhin/ /du ba skyabs med bdag ni mchi ba la/ /bcom ldan 'jig rten dbang phyug 'dor ram ci/ /mi srun yul la g.yo ba yid dbang
92b7 po//mi brtan lus kyis sdig pa mang byas shing / /lto ba'i ched du 'khrul zhing 'bras bu med/ /bdag gi 'di ni skye bo thams cad lugs/ /gang gi lus kyi sdug bsngal ma myong bar/ /khyed kyi mngon sum du ni bzang 'gro ba/ /bdag 'dir thal sbyar rab btud bdag gi de/ /'jig
93a1 rten dbang phyug da lta nyid du mdzod//rmongs dang zhe sdang rnam par nyams pa'i rgyu/ /khyod ni 'khor ba'i rgya mtsho'i zam pa ste/ /g.yang sar lhung ba gyen du 'dren pa'i phyag /khyod ni nyes lci'i mtshan mo'i sgra gcan nam/ /bde gshegs bla med bstan pa de kho na/ /khyod ni sdug bsngal
93a2 mang po'i sems can skyong //rgyal dka' yid dkrugs bdud las nges rgyal zhing / /khyed ni srid pa'i mtsho las pha rol brgal/ /nad kun mtha' yas nges par gcod mdzad lus/ /khyed sku 'gro ba kun la mchog tu mdzes/ /dpe med thugs rje'i rgya mtsho bcom ldan 'das/ /khyod ni
93a3 rgyu med gnyen du skye bos shes//byed pa rnams bcom rol pa rig cing sgeg /khyod ni yul la zhen pa yongs su bor/ /lha yi bsam gtan la ni sems mnyam gzhag /khyod ni slong ba po la snyoms pa'i nor/ /thugs rje can khyod gzhan la phan mdzad kyang / /kho bo 'dir ni srung ba
93a4 mi mdzad cing //gti mug lto 'phye chen pos sos btab la/ /yul la rlom sems pa yis dge las ltung / /khyed kyi thugs rje gang de mtha' yas pa'i/ /skye bo kun la 'phro na gang gi phyir/ /sdig ldan bdag la srung ba mi mdzad pa/ /nges pa lags sam mdun nas dud mo 'byin/ /mgon
93a5 po khyed kyi brtse ba mkha' yangs su//sems can rnams la chu 'dzin sprin ji ltar/ /skam pa chu dang mtho dman yul mang por/ /ma lus rgyun tu rgyun mi 'chad par 'bab/ /de ltar bcom ldan dran pas bsod nams gang / /des ni kho bos 'gro ba skyo med 'dir/ /po ta la ke g.yo ba med pa'i
93a6 gnas//rnam rol sna tshogs mdzes par skye bar gyur/ /zhes pa 'di 'phags pa spyan ras gzigs dbang phyug gi zhabs la/ tsar+ya dI pa zhabs kyis bstod pa rdzogs so// //sgra mkhan chen po rgyal ba'i snyan gyi zhal snga nas/ lo tsA ba shAkya'i dge slong nyi ma rgyal mtshan dpal
bzang pos bsgyur ba'o/