91a1 /[ ]@##/ /rgya gar skad du/ ma hA kA ru NI ka sto tra tso da naM/ bod skad du/ thugs rje chen po la bstod cing bskul ba/ /bcom ldan 'das thugs rje chen po la phyag 'tshal lo/ /thugs rje chags pas rnam gzigs
91a2 bcom ldan 'das//spyan ras kyis gzigs spyan zur bdag la gzigs/ /spyan zur gzigs pa tsam gyis 'gro rnams kyi/ /sdug bsngal nyam thag zhi mdzad khyod la mnga'/ /mtha' med g.yang sar lhung nas sa 'og gi/ /mun nag thibs por gtan du 'khyams pa bdag /nyam thag
91a3 phongs pas thugs rje mchog sbyin cing //yongs su bskyab pa'i dus la di ring bab/ /sdug phongs gang gis nga ni dran byas na/ /de yi nyam thag nga yis bsal lo zhes/ /khyod kyis zhal bzhes mngon mdzad deng bdag gi/ /nyam thag bsal te 'bras bu mchis par mdzod/ /mthong dang
91a4 thos dang reg dang dran pa yis//nad gdon thams cad ngas bsal zhes gsungs pas/ /nad kyis gdungs pa'i 'gro ba bdag cag la'ang / /mchog sbyin nyid kyis zhal bzhes ma bsnyel mdzod/ /'gro rnams gang dag sdug bsngal de dag gi/ /nyam thag kun tu bcad par bya'o zhes/ /
91a5 dgongs nas mgon po gzhan du rnam rgyu na/ /bdag cag sdug bsngal khyod kyis ma gzigs sam/ /gang gis khyod nyid dran pa tsam gyis kyang / /de mod nyam thag ma bsal 'ga' med la/ /bdag kyang rtag tu nyam thag gzir bzhin du/ /khyod kyi drin kyis ma bskyabs skal chungs so
91a6 mthu ldan khyod kyi thugs rje'i blo gros kyis//lan la mi re bzhin du phan 'dogs la/ /bdag kyang khyod la skyabs su mchi bzhin du/ /sdug phongs 'di 'dra'ang mi gzigs kye ma'o brlag /ji lta ji ltar nyon mongs gyur pa dang / /ji lta ji ltar brten med phongs gyur pa/ /de lta de ltar khyod kyi
91a7 thugs rje yang //der ni phyi phyir mngon par 'phel lo skad/ /sdig ldan bdag gi nyam thag sdug bsngal yang / /shin tu brnag dka' rten med skyabs med bzhin/ /de dag las bdag thugs rjes bkol mdzad na/ /khyod kyi thugs rje phyogs gcig ci ru rung / /'gro ba gang gis
91b1 skyes mchog khyod dran na//don med gyur pa sngon chad 'ga' ma mchis/ /sdug bsngal shin tu drag pos nyam thag 'dis/ /brlag la khad kyi mgon khyod bdag la dgongs/ /thugs rje'i gnas gyur sdug phongs ma lus pa/ /phongs pa thugs rje chen pos 'phrogs mdzad pa/ /khyod
91b2 kyis gal te bdag la ma gzigs na//bdag gi rten gzhan gang lags gsung du gsol/ /mgon po khyod la skyabs su mchi dgu la/ /mod la sdug bsngal ma zhi 'ga' ma mchis/ /bdag kyang skyabs su mchi yis brtse ba yis/ /sdug bsngal nyam thag 'di las bskyab tu gsol/ /
91b3 khyod kyi mtshan tsam grag la brten pas kyang / /sdug phongs ma lus zhi bar 'gyur lags na/ /bdag gis 'bad kyang 'bras bu ma mchis ba/ /de 'dra'i thugs rje ci las gyur pa lags/ /khyod kyis grub brnyes bzhin du sems can rnams/ /yongs su bskyab phyir smon lam mdzad
91b4 lags na//bdag kyang sems can grangs las ma 'das pas/ /mchog sbyin bdag gi sdug bsngal dbrog tu gsol/ /nyi ma'i 'od kyis mun pa'i tshogs bcom bzhin/ /zla gsal dri med khyod ni rab bzhugs kyang / /da dung bdag ni sdug bsngal gyis non cing / /sdig pa'i mun pas
91b5 non pa skal chungs so//skye bo rnams kyis gang zhus skyong mdzad pa/ /de nyid bdag gis zhus bzhin mi gnang ba/ /mtshams las thar par skal ba med dam ci/ /shin tu ngan nam cir thal yi re mug /mgon po khyod ni sems can phan pa'i phyir/ /thugs rje chen po ma spangs bzhin du yang / /
91b6 sdug bsngal brnag dka'i rang bzhin gsol 'debs la/ /skyob pa mdun na gnas bzhin 'o dod 'bod/ /'jig rten skye bo'i pha ma'ang 'di ltar du/ /kha mchus btab par gyur kyang mi skyo bzhin/ /sems can phan brtson khyed la'ang 'khor ba nas/ /'khor ba'i tshe na bdag ni skyabs mchi
91b7 zhing //nag po'i las kyis nyin dang mtshan du ni/ /mngon par zil gyis non par gyur pa dang / /sdug bsngal cher gdungs 'di las thar bya'i phyir/ /nyin rer 'o dod 'bod kyis ma skyo srungs/ /de ltar bdag gis bos shing smre ba yis/ /khyod thugs shin tu thugs rjes brlan gyur pa/ /
92a1 de ltar skye bo sdug bsngal brgyas gzir ba/ /kun la'ang srid bcom khyod ni dgongs mdzad cing / /thugs rje'i dbang gyur thugs ni brtan pa yis/ /gzhan don 'ba' zhig lhur len yon tan ni/ /bla ma'i gnas gyur khyod ni sdug bsngal kun/ /'phrog pa'i nus mthu ldan
92a2 pa de bzhin shog /bdag gi srid pa mthar mdzad spyan ras gzigs dbang la/ /bstod bskul 'di bgyis bsod nams thob pa gang yin des/ /bcos min rab zhi'i bde ldan bde ba can du ni/ /'gro kun sdug bsngal gzir spangs rab tu phyin gyur cig /thugs rje chen po la bstod
cing bskul ba nyer bzhi pa/