| བོད་ཡིག |
81b1 a ra pa tsa na'i sgrub thabs/ dngos grub brnyes pa'i slob dpon mi pham pa'i bshes gnyen gyis mdzad pa rdzogs so// //rgya gar gyi mkhan po bi b+hU ti tsan+d+ra dang / chag lo tsA ba dge slong chos rje dpal gyis bsgyur ba'o//[ ]@##/ /rgya gar skad du/
81b2 a ra pa tsa na sA d+ha naM/ /bod skad du/ a ra pa tsa na'i sgrub thabs/ 'jam dpal gzhon nur gyur pa la phyag 'tshal lo/ /dkar po ri bong 'dzin pa dang 'dra glegs bam ral gris phyag mtshan zhing / /legs par mdzes pa'i gzhon nu zur phud lnga pa shin tu zhi ba can/ /dga' ba rab rgyas thar pa'i
81b3 mchog ster pad+ma'i 'dab ma yangs pa'i spyan//ngan pa'i blo gros bsreg pa la mkhas 'jam pa'i dbyangs la phyag 'tshal lo/ /skye bo gang dag rnams kyis a ra pa tsa na yi dngos grub phyir/ /lo phyed bar du rgyun mi 'chad par sbyor ba bsgom pa gang yin pa/ /mchog gi blo dang khyad par byang chub
81b4 go 'phang nges par 'thob ldan pa'i//'khor lo rin po che yi man ngag shin tu bsdus pa bgyi ba lags/ /dri zhim me tog gcal du bkram zhing dri yi chu yis chag chag btab/ /mnyam zhing gtsang ma sngags rig yid du 'ong ba'i sa yi cha dag tu/ /yid 'ong 'jam pa'i stan ni ci yang rung ba dag la
81b5 nyer 'dug nas//bde bar shin tu mtshan ma med pa'i byang chub sems ni bsgom par bya/ /dngos don don dang bcas pa ma lus kun nas ni/ /stong par rnam par bsgom bya slar yang bdag gi lus/ /de dang de ni 'od gsal nyid du bltas byas la/ /swa b+hA wa shud+d+ha'i gsang sngags yang dag brjod
81b6 par bya//de nas rang snying dang po'i dbyangs las bar snang du/ /zla ba'i dkyil 'khor 'od bzang ldan pa bsgom par bya/ /de nas 'dir ni d+hIHyig du brjod dkar po ste/ /de ni lhag par dri med 'jam pa'i dbyangs su bsam/ /zla ba bye ba dag dang mtshungs pa'i mdangs 'dzin cing / /kun
81b7 nas 'bar ba'i rgyan rnams kyis ni spras pa ste//chags dang bcas par cung zad 'dzum zhing yid 'phrog pa/ /pad+ma'i steng na gcig tu bsam gtan nges pas bzhugs/ /rang gi snying gar a yig mchog las 'khor lo rtsibs brgyad pa yi gzugs/ /rnam par 'phro ba'i mnyam
82a1 med 'od zer dra ba can ni yang dag bsam//de yi steng du zla ba'i gzugs brnyan dag la sngags pas bsgom bya ste/ /de ni ri bong 'dzin pa lta bu'i bla ma 'jam dpal dbyangs nyid do/ /g.yas su mdzes pa'i gzugs ldan skra can ma ni rnam par 'dzum pa dang / /
82a2 shin tu rgyas pa'i nu ma zung ldan zur gyis de la blta ba ste/ /shin tu mdzes shing sgeg pa'i lus la nye ba'i skra can g.yon logs su/ /mtha' dag yon tan gter du gyur pa tsa na dag las bsgom par bya/ /dri med legs par dkar ba dra ba can gyi 'od/ /re pha las byung mdun du nges par
82a3 bsam pa nyid//'od kyi rang bzhin yid 'phrog zla ba'i 'od can ni/ /pa yi yi ge las skyes rgyab tu gzhag par bya/ /yang na yi ge bkod pa'i 'od zer 'bar ba yi/ /rgya cher rab tu snang ba nges pas rnam bsgom bya/ /des ni mi shes ri bo 'joms par 'gyur ba dang / /yid ni rnyog pa
82a4 med pa'i ye shes dam par byed//gti mug mun nag kun nas rnam par 'joms pa yi/ /zla ba'i gzugs brnyan dang 'dra 'od zer dra ba can/ /'og gi 'khor lo myur du 'khor bar bsam bya zhing / /lha de rnams ni g.yo ba med pa nyid du blta/ /ri bong can lta'i 'od zer sprin ni rgya chen po/ /
82a5 phyung nas phyogs bcu po rnams gsal bar gyur pa yis/ /rang lus bzhin du sems can rnams ni brgyan byas te/ /slar yang 'ongs pa snying ga'i zla ba la gzhug bya/ /sngags pas gsang sngags dam pa a ra pa tsa na ni legs zlos shing / /brtan pa'i blo yis man ngag bsgoms las blo ngan
82a6 sdug bsngal rab bcom ste//yid kyi shes pa dri med dag dang pha rol phyin pa rnams dang yang / /mchog tu gyur pa'i sa rnams dang ni gang des rgyal ba thob par 'gyur/ /dam pa'i chos kyi mdzod gyur bla ma dam pa dga' mchog rdo rje yis/ /bde gshegs tshogs kyi spyan sngar cho gas gang zhig
82a7 mngon par dbang bskur ba//blo bzang mi pham bshes gnyen des ni skye bos blo mchog grub bya'i phyir/ /a ra pa tsa na yi 'khor lo gzhung du yang dag sbyar ba yin/ /'khor lo'i cho ga bzang po gzhung mchog tu sbyar bas/ /bsod nams rgya chen kun nas bdag gis thob gyur pa/ /gang yin des ni
82b1 'jig rten nyon mongs las rgyal zhing //nges pa'i bde ba gcig pu 'jam pa'i dbyangs gyur cig /a ra pa tsa na'i sgrub thabs slob dpon chen po mi pham bshes gnyen gyis mdzad pa rdzogs so// //lhag pa'i lha 'di nyid kyis mngon sum du byin gyis brlabs pa'i paN+Di ta chen po shrI ba na rat+na'i
zhal snga nas kyi bka' drin las/