CLOSE WINDOW

D2711
བོད་ཡིག

/[ ]@##/ /rgya gar skad du/ shrI dz+nyA na ku Na pha la nA ma stu tiH/ bod skad du/ dpal ye shes yon tan bzang po zhes bya ba'i bstod pa/ bcom ldan 'das 'jam pa'i dbyangs la phyag 'tshal lo/ /gang gi blo gros sgrib gnyis sprin bral nyi ltar rnam dag rab gsal ba/ / ji snyed don kun ji bzhin gzigs phyir nyid kyi thugs kar glegs bam 'dzin/ /gang dag srid pa'i btson rar ma rig mun 'thoms sdug bsngal gyis gzir ba'i/ /'gro tshogs kun la bu gcig ltar brtse yan lag drug cu'i dbyangs ldan gsung / /'brug ltar cher sgrogs nyon mongs gnyid slong las kyi lcags sgrog 'grol mdzad cing //ma rig mun sel sdug bsngal myu gu ji snyed gcod mdzad ral gri bsnams/ /gdod nas dag cing sa bcu'i mthar son yon tan lus rdzogs rgyal sras sku/ /bcu phrag bcu dang bcu gnyis rgyan spras bdag blo'i mun sel khyod la 'dud/ /gang zhig lhag pa'i bsam pa rnam par dag pas gcig dang bdun dang /nyi shu rtsa gcig dang / brgya dang / stong la sogs pa dag nyin re bzhin du sgrogs pa de ni go rims ji lta ba bzhin du/ sgrib pa 'dag pa dang / thos pa 'dzin pa dang / spobs pa dang / mi brjed pa'i gzungs dang / phyir rgol ba thams cad 'joms pa'i shes rab kyi dbang po dang stobs la sogs pa yon tan dpag tu med pa dang ldan par 'gyur ro//gang zhig nyin re bzhin du lan gsum du bstod pa byed pa de ni ji skad bshad pa'i yon tan de dag dang ldan pas shes rab dang snying rje lam dang sa rnams rim gyis bgrod de/ gong nas gong du ches cher 'phags nas myur du rnam pa thams cad mkhyen pa'i grong khyer du phyin nas 'gro ba ma lus pa 'khor ba las sgrol ba'i ded dpon chen por 'gyur ro//dpal ye shes yon tan bzang po zhes bya ba'i bstod pa/ slob dpon rdo rje mtshon chas mdzad pa rdzogs so// //rgya gar gyi paN+Di ta 'bum phrag gsum pa dang /