75a7 rgya cher bstod pa spyod pa dang / /'gro ba'i lam ni ston pa po/ /'jam dpal khyod la phyag 'tshal bstod/ /ngag gi dbang phyug la bu mo brgyad kyis bstod pa rdzogs so//[ ]@##/ /rgya gar skad du/ Ar+ya many+dzu shrI sto tra/ bod skad du/ 'phags pa 'jam dpal la bstod pa/ 'phags pa
75b1 'jam dpal la phyag 'tshal lo//dpal gyi 'byung gnas 'jam dpal kun gyi dpal/ /mtha' dag byams pas khyab pas 'jam pa'i ngang / /'jam dang dpal du grags pas don dang ldan/ /'jam dpal yang dag dpal la phyag 'tshal bstod/ /gzhon nu'i sku mdog gser mdangs
75b2 'od lam 'bar//rin chen mchog gis brgyan pas sa le spa/ /byin chen dang ba'i thugs mnga' 'dzum pa po/ /gzi brjid mdzes dang ldan la phyag 'tshal bstod/ /yon tan gter gyi ut+pal phyag na bsnams/ /pad+ma rgyas pa'i snying po'i gdan la bzhugs/ /lha yi cha lugs lha las khyad
75b3 par 'phags//lta bas mi skyo khyod la phyag 'tshal bstod/ /gzhon nu sgeg pa'i tshul du gda' mod kyi/ /ye shes thogs med mnga' bas kun mkhyen pas/ /sems can don la nan tan don du gnyer/ /'gro ba mtha' dag sgrol la phyag 'tshal bstod/ /gzhon nu sprul pa'i mtshan dang dpe
75b4 byad la//gang gis yud tsam mthong bas 'dun pa skye/ /gang la cis 'dul de ltar sprul mdzad pa/ /thabs kyis 'dren pa'i mgon la phyag 'tshal bstod/ /bsam rtog spros la dben pas sangs rgyas brnyes/ /yod med rtag chad mtha' la mi gnas shing / /gnyis med mnyam
75b5 pas chos kyi tshul la gnas//yang dag don gyi mchog la phyag 'tshal bstod/ /khyod ni chos dbyings zab mo'i 'byung gnas te/ /yi ge smra bas rtog pa'i yul med kyang / /'dul ba'i dbang gis cho 'phrul gzugs ston pa/ /dam pas mthong bar mdzad la phyag 'tshal bstod/ /tshul bzhin
75b6 ma yin yid la byed pa spangs//rigs pas dgon par gyur pa'i thabs la dben/ /ye shes bdud rtsi'i char gyis brlan mdzad cing / /byang chub myu gu skyed la phyag 'tshal bstod/ /byams chen 'gran zla med pa dag gi dbang / /mtshan mar spros pa'i rtsod pa tshar bcad de/ /
75b7 zhi ba mi g.yo dbyings su 'dzud mdzad pa/ /'jig rten ded dpon mchog la phyag 'tshal bstod/ /dbang mkhyen chen po shes rab ral gri yis/ /lta ba dman pas bslad pa'i dra ba 'dral/ /bag yangs mi rtog dbyings su yun du bzhugs/ /skye dgu bde bar 'god
76a1 la phyag 'tshal bstod//khyod ni chos dbyings zab mo'i 'byung gnas te/ /gsung rab mdo sde bcu gnyis gang la yang / /gang du khyod kyis gsungs pa lhag par zab/ /chos nyid don mchog ston la phyag 'tshal bstod/ /dngos po mtshan mar chags pa'i dug 'thungs
76a2 pas//sdug bsngal nad kyis brgyal ba'i sems can rnams/ /gnyis med rang bzhin mya ngan 'das ston pa/ /bdud rtsi stobs par mdzad la phyag 'tshal bstod/ /ma rig rmongs pas bslad pa'i mun rum nas/ /thar ba'i dus med mu cor 'khyams pa la/ /ye shes sgron ma'i 'od kyis
76a3 gsal mdzad nas//snang bas thar par mdzad la phyag 'tshal bstod/ /yon tan rdzogs te btsal bar bya men pas/ /thugs rjes thugs dam btsan par gyur pa yang / /brtson 'grus skyo ba mi mnga' srid pa sel/ /sems can mtha' dag sgrol la phyag 'tshal bstod/ /sems can mthun par
76a4 srid pa mi 'dor zhing //ji ltar nyes pa'i skyon gyis mi gos pa/ /'dam nas pad+ma gsal bar 'byung ba ltar/ /skyon med dag pa khyod la phyag 'tshal bstod/ /sems can zad pa'i mtha' ni dpag dka' ste/ /srid pa stongs par thugs dam bcas pa yis/ /yon tan des na byang chub gzhan las 'phags/ /