74a6 / //paN+Di ta shAkya shrI b+ha dra dang byams pa dpal gyis bsgyur cing gtan la phab//[ ]@##/ /rgya gar skad du/ many+dzu shrI tsa la tsa kra/ bod skad du/ 'jam dpal g.yo ba'i 'khor lo/ 'jam pa'i dbyangs la phyag 'tshal lo/ /sngon du 'gro ba bsod nams kyi
74a7 tshogs la/mdun gyi nam mkha' la rang gi bla ma dang 'jam dbyangs la sogs pa sangs rgyas dang byang chub sems dpa' dpag tu med pa bzhugs par bsams la yan lag bdun pa rgyas par bya/ de nas tshad med pa bzhi bsgom dngos po thams cad rmi lam lta bu'i blo nye bar gzhag /
74b1 rang gi lus dbul/ de nas dri bzangs kyi chus chag chag btab la stan bde ba'i steng du ting nge 'dzin skye ba dang mthun pa'i lus kyi rnal 'byor dang ldan pas chos thams cad stong pa nyid du bsgom ste/ byin gyis rlob pa'i sngags/ swa b+hA ba la sogs kyang brjod do/ /de las skyo bar gyur na
74b2 gang du yang ma grub pa'i ngang las rang gi sngar gyi gdan gang na yod pa'i sar a dkar po yongs su gyur pa las zla ba'i dkyil 'khor de'i steng du yi ge d+hIH'od kyi phung po rab tu 'bar bar bsams la de las 'od zer 'phros pas phyi rol gyi snod dang /nang bcud gyi dngos po gang la phog pa
74b3 rnams 'phags par gyur/de rnams 'od zer gyis d+hIHla bsdu/ de yongs su gyur pa las 'phags pa sku mdog dkar po/ zhabs rdo rje'i skyil krung du bzhugs pa/ phyag g.yas na ral gri/ g.yon gyis thugs kar pu sti bzung ba/ zhal cung zad 'dzum pa pad+ma kha bya ba lta bu'i spyan dkyus
74b4 ring ba/dbu la gtsug phud lnga 'phyang ba/ rin po che'i rgyan mang pos mdzes pa/ bcu drug lon pa'i khye'u ltar gzhon sha dang bcas pa zla ba bye ba'i gzi brjid ltar 'od zer rab tu 'bar ba'i sku bskyed de/ de'i thugs kar aM 'od zer gyi phung po can yongs su gyur pa las 'khor lo rtsibs brgyad
74b5 pa kha dog shin tu dkar zhing 'od zer dpag tu med pa 'phro ba/de'i steng du a las zla ba'i dbus su aM yongs su gyur pa las 'jam dbyangs/ shar du raM yongs su gyur pa las dra ba can gyi 'od/ /rgyab tu paM yongs su gyur pa las zla 'od/ g.yas su rtsa yongs su gyur pa las skra can ma/
74b6 g.yon du naM yongs su gyur pa las nye ba'i skra can ma'o/ /'di dag gi sku mdog phyag mtshan ni phyi rol gyi 'phags pa bzhin no/ /sku phyi nang thams cad dri ma yongs su dag cing 'od zer 'phros pas ma rig pa'i rdzab bsal bar bsam/ g.yo ba'i 'khor lo zhes bya ba ni/ 'khor lo de g.yo zhing 'khor
74b7 bas rdza mkhan gyi 'khor lo ltar rab tu 'khor bas ma rig pa la sogs pa nyon mongs pa rnams gcod par byed do//ye shes sems dpa' dgug pa dang / gzhug pa dang / rigs ldas dbang bskur te/ rigs kyi bdag pos dbu brgyan pa ni gzhan dang mthun no/ /zla ba dang 'khor lo dang /
75a1 lha'i sku dri ma yongs su dag pa 'ja' tshon lta bu la dmigs la/ oM a ra pa tsa na d+hIHzhes bya ba'i sngags bzlas so/ /'di'i bsnyen pa'i tshad ni yi ge re re la 'bum tsho re re yin no/ /'grub pa'i dus ni rgyun mi 'chad pa dang gus pa'i sgo nas bsgrubs na 'grub par 'gyur ro/ /