CLOSE WINDOW

D2704
བོད་ཡིག

/[ ]@##/ /rgya gar skad du/ many+dzu shrI b+haT+Ta rA ka sA d+ha naM pradz+nyA tsakra/ bod skad du/ rje btsun 'jam dpal shes rab 'khor lo'i sgrub thabs/ 'phags pa 'jam pa'i dbyangs la phyag 'tshal lo/ /gang mthus snying gi ma rig mun sel shes rab snang ba kun bskyed mdzad//sna tshogs bstan bcos rig pa dang ni gsang sngags phan pa rnams sbyin pa/ /'dod dgu'i gter gcig gzhon nu yid 'ong zur phud lnga dang ldan pa gang / /'jam dbyangs mgon la gus pas btud de de bsten man ngag bri bar bya/ /sngags pas rjes su mthun pa'i gnas//byi dor byug pa bzang byas la/ /khyad par skyabs rten sems bskyed nas/ /gzhon nu shes rab 'khor lo bsgom/ /snying dbus bu gar ri bong 'dzin/ /ye shes sa bon d+hIHyig 'od/ /skar mdog rnam par gsal bar blta/ /de las tshogs rten dkyil 'khor dgug / dngos dang yid las byung dang gzhan/ /yang dag ye shes mchod pas mchod/ /phyag 'tshal ba dang sdig sel dang / /bsod nams phung po gzhan yang ngo / /byams dang snying rje dga' ba dang / /btang snyoms tshangs pa'i gnas bzhi yis/ /skye bo ma lus rjes chags shing / /chags bral sdom pa gzung bar bya//de rjes gsang sngags gnyis brjod pas/ /yul dang yul can dag bya'i phyir/ /sprin med nam mkha'i dkyil lta bur/ /mkhas pas stong nyid bsgom par bya/ /oM swa b+hA ba shud+d+haHsarba d+har+m+mAHswa b+hA ba shud+d+hou0f85haM/ oM shU n+ya tAdz+nyA na badzra swa b+hA ba At+ma kou0f85haM/ ba yig a da ng d+hIHyig las grub chu skyes dang //zla rgyas gdan la shes rab ral gri sa bon mtshan/ /dkar bsil zla ba bye ba'i gzi 'od las lhag pa'i/ /dpal gyis sa gsum shes rab snang ba bskyed par bsgom/ /dus gsum gshegs dang phyogs bcu'i char bzhugs sangs rgyas dang / /de sras de bzhin drang srong dang ni rig 'dzin tshogs//ma lus yon tan blo gros snang ba bsdus nas kyang / /skad cig rnam pas 'jig rten gsum mgon 'jam dbyangs 'gyur/ /gzhon nu'i ngang tshul ral gri pu sti 'khor lo 'dzin/ /rab sgeg brtan mdzes dul ba'i rang bzhin blo bzang po/ /skyil krung rab gsal rin chen dpag med 'phro ba yi//blo ngan sel mkhas sangs rgyas sras ni sgrub pas blta/ /de snying zla steng d+hIHyig las byung u0f7f'od zer gyis/ /ye shes mgon bkug tshon gang gzugs kyi snying gar gnas/ /de snying dbus su'ang d+hIHyig 'bar bas brgyan bsams te/ /dri med d kar gsal 'od tshogs phreng bas brgyan par bsgom//sems dpa' gnyis kyi gdan gang yin/ /rang snying zla ba rtsibs brgyad rno/ /shes rab rig pa brgyad kyis mtshan/ /rdza mkhan 'khor lo lta bur 'khor/ /rab dkar snang bas mun sel byed/ /rnon pos mi shes smag rum 'jig /shugs drag las dang nyon mongs gcod/ /phan tshun bzlog pas 'khrul pa 'joms/ /a ra pa tsa na d+hIHhUM/ /oM gyis thog mar brgyan pa ni/ /rig pa'i rgyal po brgyad par grags/ /lo phyed 'bras bu mthong bar gyur/ /gzugs brnyan brag ca de bzhin du/ /'ja' tshon lta bur sku gsung thugs//mi rtog gsal bar gang gis dran/ /ma yengs yid can de yis 'grub/ /ldang bar 'dod tshe 'od 'phros pas/ /slar yang srid gsum bsdu ba'am/ /yang na dngos grub blangs nas su/ /bsod nams 'gro la sbyin par bya/ /gang phyir 'di na la las sngon chad dge ma bsags//la las lam 'tshol la las legs spyad bar chad bya/ /gzhan gyis de bzhin yun ring lha mchog mnyes ma byas/ /de phyir skye bo ma rig mun 'thoms rnams 'khyams snyam/ /de dag brtse bas rab tu 'bad pa'i shugs ni 'dir bskyed pa'i/ /mthu yis mngon grub mtshan ma cung zad rnyed pa la brten te//'khor lo dri med rab tu dkar rgyas zla ba nya 'dra'i tshul/ /brjod pas skye bo rnams ni 'jam dbyangs nyid myur mthong gyur cig /rje btsun 'jam pa'i dbyangs shes rab 'khor lo'i sgrub thabs/ slob dpon chen po tsan+d+rA ka ra gup+ta sa mdzad pa rdzogs so/