CLOSE WINDOW

D2702
བོད་ཡིག

/skyes bu de ni dam pa yin/ /yon tan de dang ldan zhes smra/ /'jam dpal rdo rje blo gros 'phel ba zhes bya ba kun gyi thun mong ma yin pa slob dpon klu sgrub zhabs kyis mdzad pa rdzogs so//[# #]@##/ /rgya gar skad du/ sid d+hai ka bI ra many+dzu g+ho Sha sA d+ha naM / bod skad du/ 'jam pa'i dbyangs dpa' bo gcig tu grub pa'i sgrub thabs/ 'jam pa'i dbyangs dpa' bo gcig tu grub pa la phyag 'tshal lo/ /de la dang por sngags pas gdong bkru ba la sogs pa bya ste yid dang mthun pa'i bsam gtan gyi gnas gtsang zhing / me tog dri zhim pos gcal du bkram par/stan gtsang la bde bar skyil mo krung gis 'dug ste/ 'byung po thams cad pa'i gtor ma'i sngags kyis gtor ma byin gyis brlabs la/ oM AHbig+hAn+ta kr-ita hUM phaT ces bya ba'i sngags lan bcu'i bar du brjod de phyogs bcu na gnas pa'i bgegs thams cad bskrad par bya'o/ /de nas rang gi snying gar a chos thams cad chos kyi dbyings kyi rang bzhin skye ba med par ston par byed pa/ston ka'i zla ba ltar dkar ba/ 'od zer dkar po 'phros pas rang gi lus gsal bar byed pa shin tu phra ba bsams la/ de yongs su gyur pas 'od zer dkar po'i thig le shel sgong dag pa lta bu/de rim gyis 'phel bar gyur pas zla ba'i dkyil 'khor gyi gzugs su bsam zhing / de'i steng du yi ge d+hIH de'i 'od zer gyi tshogs 'phro ba rin po che'i sgron ma ltar dkar ba rnam par bsam mo/ /de nas yi ge d+hIH de'i 'od zer shin tu dkar ba'i tshogs kyis 'jig rten gyi khams thams cad gsal bar byas pa sngon du 'gro bas 'phags pa 'jam dpal la sogs pa sangs rgyas dang byang chub sems dpa' dang /bla ma rnams bskul te spyan drangs la mdun gyi nam mkha'i phyogs la rnam par bsams la phyag bya'o/ /de'i 'og tu yid kyis rang bzhin gyi mchod pas mchod par bya ba yin la/de la mchod pa'i cho ga'i rim pa ni 'di yin te/ oM badzra puSh+pe hUM zhes bya ba'i sngags brjod la/ yi ge d+hIH las byung ba'i me tog gi mchod pa'i tshogs kyis mchod par bya'o/ /de nas oM badzra d+hU pe hUM zhes bya ba'i sngags brjod la/ yi ge d+hIH de nyid las yang dag par spros pa'i bdug pa'i mchod pa'i tshogs kyis mchod par bya'o//de'i 'og tu oM badzra dI pe hUM zhes bya ba'i sngags brjod la/ yi ge d+hIH de nyid las rin po che'i sgron ma spros la mchod par bya'o/ /de nas oM badzra gan+d+he hUM zhes bya ba'i sngags brjod la/ yi ge d+hiH de nyid las byung ba'i dri'i mchod pa'i sprin yang dag par spros pas mchod par bya'o//de nas oM badzra nai bi d+ye hUM zhes bya ba'i sngags brjod pas / yi ge d+hIH de nyid las rin po che sna tshogs kyi snod du bcug pa'i zhal zas ro mchog dang ldan pa'i mchod pa'i sprin rnam pa sna tshogs yang dag par spros pas mchod par bya'o/ /de nas oM sarba shiSh+Ta pU dza me g+ha pra sa ra sa mu dra AH hUM zhes bya ba'i sngags brjod la/de nyid las rin po che sna tshogs kyi gdugs dang / rgyal mtshan dang / dril bu dang / ba dan dang / bla re la sogs pa dang / 'khor los sgyur ba'i rin po che sna bdun gyis mchod par bya'o/ /de ltar mchod pa byas nas de dag gi spyan sngar sdig pa bshags pa dang /bsod nams la rjes su yi rang ba dang gsol ba gdab pa dang / bskul ba dang / bsod nams yongs su bsngo ba dang / gsum la skyabs su 'gro ba byas la/ byams pa dang / snying rje dang / dga' ba dang / btang snyoms te tshangs pa'i gnas bzhi bsgoms nas byang chub kyi sems brtan par bya'o//de nas oM swa b+hA ba bi shud+d+haHsarba d+ha rmAHswa b+hA ba bi shud+d+hou0f85haM zhes bya ba'i sngags lan bdun brjod la/ 'gro ba thams cad sgyu ma dang / rmi lam dang smig rgyu lta bur stong pa nyid kyi rang bzhin du dmigs par bya'o/ / de nas rang gi snying gar chud pa'i yi ge d+hIH de'i 'od zer gyi tshogs spros pas rang gi lus stong par blta zhing / de nas bdag nyid 'jam dpal ye shes kyi sku'i bdag nyid can yi ge d+hIH tsam du gnas par bya'o/ /phyis yi ge d+hA+eH de yongs su gyur pa'i ut+pal sngon po bsgoms pa la de'i dbus su yang yi ge d+hIH gnas par bsam mo//'od zer de yis 'gro ba kun/ /kun nas yongs su sbyangs nas ni/ /rang gi 'dod lha'i gzugs dag tu/ /gyur pa ut+pal la bstim mo/ /de nas de yongs su gyur pa las shel sgong dag pa dang 'dra ba/ dbu gcig pa dang phyag gnyis pa//zla ba'i gdan bzhugs zla ba 'dra'o/ /zur phud lnga po dag gi thod/ /zhi ba rin chen cod pan 'chang / /rgyan kun rnam par 'dzin 'gyur dang / /g.yas kyis mchog sbyin g.yon dag gis / /ut+pal sngon po 'dzin 'gyur pa/ /ut+pala'i steng du shes rab kyi pha rol tu phyin pa'i glegs bam yang dag par 'dzin pa'o//'jam pa'i dbyangs su bdag nyid bsgoms la/ rang gi lus las 'od zer 'phros pas nam mkha'i khams ma lus pa khyab par bya'o/ /de'i 'og tu nyid kyi thugs ka'i zla ba'i dkyil 'khor la yi ge d+hIH dkar po 'bar ba'i phreng ba gtams par bsams la/de nas rang gi snying ga la gnas pa'i yi ge d+hIH las 'od zer gyi tshogs kyi sprin kun tu spros pa des/ dam tshig sems dpa' dang 'dra ba'i ye shes sems dpa' bskul nas/ spyan drangs pa mdun gyi nam mkha' la rnam par bsams la/ snga ma bzhin yang dag par mchod de/ dzaH hUM baM hoHzhes bya ba'i yi ge bzhis spyan drangs nas/dam tshig sems dpa' bdag nyid la dgug pa dang / bcing ba dang / dgyes pa byas la/ oM d+harmad+hA tu bA gI shwa ri swa b+hA ba At+ma kou0f85ha~M / zhes nga rgyal bya'o/ /de'i rjes la yi ge d+hIH las 'od zer spro ba byas la de bzhin gshegs p a mdun gyi nam mkha' la rnam par bsams la/dbang bskur ba'i tshigs su bcad pa 'dis don du mnyes par byas ste/ byang chub rdo rje sangs rgyas la/ /ji ltar mchod chen stsol mdzad pa/ /bdag la'ang bsrung ba'i don gyi phyir/ /nam mkha'i rdo rje deng bdag stsol / /de nas de bzhin gshegs pa de dag gi sku las byung ba'i lo tsa na dang /mA ma kI dang / gos dkar mo dang / tA ras rin po che'i bum pa ye shes kyi bdud rtsis bkang ba phyag na bsnams pas/ rdo rje chen po'i dbang bskur ba/ /khams gsum po yis phyag byas pa/ /gsang ba gsum gyi gnas las byung //sangs rgyas kun gyis sbyin par bya/ /zhes bya ba 'don cing dbang bskur bar bsam mo/ /dbang bskur ba rdzogs ma thag rin po che'i cod pan gyi steng du/ de bzhin gshegs pa mi bskyod pa bsams la/ lus dang ngag dang yid gsum byin gyis brlab pa'i phyir/spyi bo la yi ge oM dkar po zla ba'i dkyil 'khor la gnas pa dang / lkog mar yi ge AH dmar po zla ba'i dkyil 'khor la gnas pa dang / snying gar yi ge hUM nag po zla ba'i dkyil 'khor la gnas pa rnam par bkod pa la/ spro ba dang bsdu ba'i sbyor bas ji srid mngon sum dang 'dra bar snang ba de srid du bsgom par bya zhing /bsgoms pas skyo bar gyur na sngags bzla bar bya'o/ /sngags ji tsam 'os ba bzlas pa byas nas/ cho ga nyams pa bskang bar bya ba'i phyir rdo rje sems dpa'i snying po yi ge brgya pa zhes bya ba'i sngags bzlas nas/ ye shes sems dpa' yang dag par mchod de bsod nams su bsngos la gshegs su gsol lo//de la ye shes sems dpa' gshegs su gsol ba'i tshigs su bcad pa ni/ oM khyod kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang / /slar yang 'byon par mdzad du gsol//muHzhes bya ba 'di yin no/ /de la rdo rje sems dpa'i snying po'i yi ge brgya pa'i sngags ni/ oM badzra satwa sa ma ya/ ma nu pA la ya/ badzra satwa twe no pa/ tiSh+Tha dr-i D+ho me b+ha ba / so+u to Sh+yo me b+ha ba/ a nu rak+to me b+ha ba/ su po Sh+yo me b+ha ba/ sarba sid+d+hi m+me pra ya ts+tsha/ sarba karma su tsa me tsit+taM shri yaHku ru hUM/ha ha ha ha hoH b+ha ga bAn sarba ta thA ga ta badzra mA me muny+tsa badzrI b+ha ba ma hA sa ma yas sa twa AH zhes bya ba 'di yin no/ /de la bzlas pa'i sngags ni/ oM AHd+hIH hUM zhes bya ba 'di yin no/ /yang oM badzra tIk+Sh+Na duHkhats+tshe da pra dz+nyA dz+nyA na mUrta ye/ dz+nyA na kA ya bA gI shra ra/ a ra pa tsa nA ya te na maHzhes bya ba ni bzlas pa'i sngags so/ /'jam pa'i dbyangs dpa' bo gcig tu grub pa zhes bya ba'i sgrub thabs/ slon dpon chen po dpal mar me mdzad ye shes kyis mdzad pa rdzogs so// //rgya gar gyi mkhan po dI paM kar shrI dz+nyA na dang / bod kyi lo tsA ba dge ba'i blo gros kyis bsgyur cing zhus te gtan la phab pa'o/