CLOSE WINDOW

D2700
བོད་ཡིག

lo tsA ba lce dga' ba'i dpal gyis bsgyur ba'o/ /ming sngags ni/ oM tad+ya thA a pa ri mi tA yur+dz+nyA na hrIHhUM hUM swA hA/ zhes pa'o//[ ]@##/ /rgya gar skad du/ a pa ri mi tA A yur+dz+nyA na bi d+hi nA ma/ bod skad du/ tshe dang ye shes dpag tu med pa'i cho ga zhes bya ba/bcom ldan 'das tshe dang ye shes dpag tu med pa la phyag 'tshal lo/ /sngags pa mtshan nyid ldan pa yis/ /sgrub pa'i gnas rab nyer bzung nas/ /sa yi stegs bu chag chag gdab/ /'thas par bcags te spos kyis byug /thig gdab tshon gyis dkyil 'khor bri//'dab brgyad sgo la sogs pas brgyan/ /bum pa dgu 'am gnyis la sogs/ /tshad ldan phyi nang bcud kyis brgyan/ /steng du rgyal mtshan gdugs kyis brgyan/ /mchod pa rnam pa lngas brgyan te/ /khyad par shar du 'o ma yis/ /gtor ma byas te lho phyogs su/ /nya sha'i gtor ma dbul bar bya//nub tu khrag la byang du chang / /byin gyis brlabs te gzhag par bya/ /lho dang byang du stegs bu la/ /tshe dpag med pa'i mdo gnyis bzhugs/ /de nas rnal 'byor khrus byas te/ /bde ba'i stan la nyer 'dug ste/ /bla ma sangs rgyas mdun byas la/ /phyag 'tshal skyabs 'gro sdig bshags bya//bsdo dang tshad med bzhi bsgoms la/ /stong pa nyid du bsgom par bya/ /de nas snang ba b+h+rUM bsams te/ /gyur pas gzhal yas khang bsam bya/ /de nas pad+ma'i steng dag tu/ /yi ge hrIHlas byung ba yi/ /sangs rgyas tshe dpag med pa ni//sku mdog dmar po zhi ba'i zhal/ /mnyam bzhag phyag na bum pas mtshan/ /bdag nyid lha der bskyed par bya/ /ye shes bstims la dbang byin brlabs/ /thugs ka'i hrIHlas 'od 'phros te/ /sems can sangs rgyas kun sbyang bya/ /de nas zla steng hrIHdmar las/ /gsang sngags 'di yis bskor bar bsam//oM na mo b+h+rUM A yur+dz+nyA na hrIHa ro l-i ka hUM hrIH/ zhes dkar por bsam par bya/ /yang na gzungs kyi sngags rings bsam/ /de nas dkyil 'khor bsgrub par bya/ /stong pa'i ngang las b+h+rUM bsams te/ /de nas gzhal yas khang pa bsam/ /de nas pad+ma nyi ma'i steng //sangs rgyas tshe dpag med pa bsam/ /shar du rdo rje tshe dpag med/ /nub tu pad+ma tshe dpag med/ /lho na rin chen tshe dpag med/ /byang du las kyi tshe dpag med/ /byang shar kun gzigs tshe dpag med/ /shar lhor yon tan tshe dpag med/ /lho nub ye shes tshe dpag med//nub byang mi g.yo tshe dpag med/ /thams cad kha dog dmar ba la/ /zhi zhal mnyam par bzhag pa'i phyag /bum pas mtshan te bsam par bya/ /ye shes bstims la dbang byin brlabs/ /de nas bum pa gzhal yas khang / /lhag pa'i tshe dpag med pa bsam/ / snying gar sngags rings bkod la bzlas/ /yang ni snying po bkod la bzlas/ /de nas kham phor gsar pa'i nang / /nad pa la sogs lus bkrus te/ /chu yis bkang ste shar du gzhag /de la khro bo'i sngags bzlas la/ /tsha tsha rnying pa sa nag dang / /bsres la 'chi bdag chen po'i gzugs//khru gang la sogs tshad ldan bya/ /de ni kha bub steng du ni/ /bal dang ras sam dar nag dgab/ /lho yi phyogs su bstan la bzhag /de dang nye bar dar dmar la/ /gzungs kyi tshig rnams bri ba'am/ /yang na khro bo'i sngags bris gzugs/ /byang du nad pa'i gos dag la//bal tshon sna lnga'i srad bus dkris/ /ku sha'i steng du gzhag par bya/ /de nas slob dpon bsrung bya ste/ /mchod dang gtor ma dbul bar bya/ /slob dpon bsnyen pa la zhugs nas/ /phreng ba 'khor tshul bzlas pa brtsam/ /bsgrub bya bum pa'i nang du bsam/ /slob ma gcig gis lhor 'dug la//tshe dpag med pa'i gzungs bklag cing / /tshar re zhing yang me tog ni/ /nag po 'chi bdag steng du dor/ /de ltar brgya'am nyi shu sogs/ /rgyas bsdus ci rigs sbyar bar bya/ /gcig gis byang du snying po bklag /tshar re zhing ni tshon skud la/ /nya yi bdug spos re re dbul//de yi grangs kyang gong dang 'dra/ /de nas slob dpon gtor ma kun/ /spyi gzhung dag gis byin brlabs nas/ /rang rang gnas su dbul bar bya/ /de rjes nad pa mdun byas te/ /'brang rgyas phyed la mar byugs te/ /dpal phreng lnga yi phud gzugs bya/ /mar me gtams la 'chi bdag dang //lho phyogs dag tu dor bar bya/ /chu dang 'o ma bsres pa'i nang / /tshon skud nad pa la dkris te/ /snying po'i sngags kyis mtshon gyis ni/ /bcad la byang gi phyogs su dor/ /de nas slob dpon khrus byas la/ /stan bzang dag la nyer 'dug ste/ /bum pa rim pas dbang bskur bya//oM bai ro tsa na A yu r+dz+nyA na sid+d+hi sa ma ya a b+he Shiny+tsa hUM/ dbus kyi gtso bo'i dbang bskur bas/ /sdig sgrib dag ste tshe 'phel bsam/ /lus la rnam snang tshe dbang bskur/ /bu khyod 'chi bdag las grol nas/ /bskal pa stong du tshe 'phel te/ /srog gcod sdig pa dag gyur cig /ces bya yang na gzungs kyi ni//phar phyin drug gi tshigs bcad brjod/ /shar la sogs pa'i rim pa yis/ /rdo rje la sogs ming bsgyur te/ /bum pa lnga yis dbang bskur bya/ /mtshams kyi bum pa kun gyi chu/ /las bum nang du bsdu bya ste/ /nad pa la sogs bkru bar bya/ /de nas chu de ma bo bar//chu bo che 'am lteng ka mtsho/ /chu chen rnams la dor gyur na/ /nges par 'chi las bzlog pa yin/ /de rjes slob mas bla ma la/ /yon dbul sdom pa khas blangs te/ /bla mas slob ma'i spyi bor ni/ /rdo rje nges gzung tshig 'di brjod/ /da ni ye shes tshe dpag med/ /kun tu brnyas pa spang bar gyis//'chi bdag chen po ngas bcom bas/ /bu khyod tshe yi dngos grub brnyes/ /de skad bya ste slob ma ni/ /tha mal lus su bsams ba la/ /snying gi pad+ma'i rtsa ba la/ /dbu mar rnam snang tshe dpag med/ /phyogs bzhir rigs bzhi bsam bya ste/ /spyi bor ye shes tshe dpag med/bsams pas bdag gi thugs ka nas/ /bskul bas bdud rtsi chu rgyun dbab/ /rigs lnga spyi bor slebs gyur te/ /thams cad bdud rtsir zhu gyur nas/ /lus nang thams cad khyab par bsam/ /tshe dpag med pa'i gzungs kyang 'don/ /de ltar lan gnyis lan gsum bya/ / de nas mchod pa gshegs par bya/ /mjug tu tsha tsha cung zad gdab/ /sa tshon la sogs chur dor te/ /nye bar 'khor bas 'chi bdag gzhom/ /tshe dpag med pa'i gzungs kyang 'don/ /slob dpon dzai tA ri dgra las rnam par rgyal bas/ bram ze nam mkha'i dbyings kyi bu'i ched du mdzad pa rdzogs so/