66b3 /[ ]@##/ /rgya gar skad du/ a pa ri mi tA yu raM sto tra/ bod skad du/ tshe dpag med la bstod pa/ chos kyi 'khor lo rgya chen bskor/ /sems can sdug bsngal ma lus rnams/ /skad cig nyid la sel byed pa'i/ /sangs rgyas tshe dpag
66b4 phyag 'tshal lo//rdo rje sems dpa' las byung zhing / /nyes pa kun las khyod grol nas/ /rdo rje lus can rdo rje can/ /rdo rje tshe dpag phyag 'tshal lo/ /ji ltar nyon mongs dri ma yis/ /kun nas gos par mi 'gyur zhing / /thugs rjes chags tshul ston mdzad pa/ /pad+ma tshe dpag
66b5 phyag 'tshal lo//bsam pa dngos kun skad cig gis/ /rang 'dod bzhin du tshim dang dpal/ /tshogs kyi bdag po chen po ste/ /rin chen tshe dpag phyag 'tshal lo/ /'dod pa'i don rnams ma lus pa/ /skad cig nyid la rdzogs dang dpal/ /bsam kun 'phel byed dpag
66b6 bsam shing //phrin las tshe dpag phyag 'tshal lo/ /nyes pa kun las rnam grol bas/ /sna tshogs yon tan rnams kyis brgyan/ /tshogs kyi bdag po chen po ste/ /kun gzigs tshe dpag phyag 'tshal lo/ /stobs chen rnams kyis rab brgyan te/ /ma lus mi mthun tshogs 'joms
66b7 pa//ston pa sred med bu yi mthu/ /yon tan tshe dpag phyag 'tshal lo/ /me long mnyam nyid la sogs pa/ /ye shes mang po'i mdzod 'dzin pa/ /rnam par rtog pa mtha' dag spangs/ /ye shes tshe dpag phyag 'tshal lo/ /rnam rtog rlung gis khyod mi g.yo/ /mtha' bral ting 'dzin
67a1 zhi ba ste//bdud dang mu stegs tshogs 'joms pa/ /mi g.yo tshe dpag phyag 'tshal lo/ /'khor ba'i sems can thams cad kyis/ /khyed kyi mtshan tsam 'dzin pa la/ /tshe dang ye shes rgyas mdzad pa/ /tshe dpag med la phyag 'tshal lo/ /byang chub sems dpa' dze tA
67a2 ri dgra las rnam par rgyal bas mdzad pa'o//'di'i brgyud pa ni/ tshe dpag med/ grub pa brnyes pa'i snying po zhabs/ /dze tA ri dgra las rnam par rgyal ba/ /rdo rje gdan pa che chung gnyis/ /ba ri lo tsA ba/ mchims brtson 'grus seng ge/ /rgya nag phug pa/ dbus pa sangs rgyas 'bum/