CLOSE WINDOW

D2682a
བོད་ཡིག

/[{Da}]@##/ /rgya gar skad du/ badzra bi dA ra Na nA ma d+hA ra Ni br-it+ti/ bod skad du/ rdo rje rnam par 'joms pa'i gzungs kyi 'grel pa/ bcom ldan 'das phyag na rdo rje la phyag 'tshal lo/ /de nyid rtogs pas rdo rje dang / /'khor ba'i nyes pa 'joms mdzad pa'i/ /rdzogs sangs rgyas la phyag 'tshal te//spyi yi rgyud la sogs pa dang / /bla ma'i gdams ngag la brten nas/ /blo dman rnams la phan phyir brtsam/ /gleng gzhi mtshan nyid rgyud don dang / /phan yon lhag gnas dang ni lnga/ /gleng gzhi phun sum tshogs lnga'i don/ /bzhugs tshul zhus don rgyas pa'o/ 'di skad bdag gis sangs rgyas kyis mthus zhus/ sangs rgyas kyi bka' 'byung dka' bas dus gcig thos/ bcom ldan 'das rdo rje la byang chub sems dpa' la sogs pa du ma dang bzhugs so/ /de'i tshe sprul pa'i lus thams cad rdo rjer byin gyis brlabs nas/ rdo rje'i ting nge 'dzin la snyoms par zhugs zhes bya ba ni chos skur rdo rje'i rnam par ro//sangs rgyas kyi mthu dang / sangs rgyas kyi byin gyi rlabs dang / byang chub sems dpa' thams cad kyi byin gyi rlabs kyis bskul cing gsol ba btab nas rdo rje la khro bor byung ba'o/ /de la sangs rgyas kyi mthus/ spobs pa bskyed nas lag na rdo rje la zhus pa'i tshe 'khor dang bcas pas thos so//gang zhe na/ rdo rje'i don 'gag pa med pas mi chod pa dang / yod pa dang med pas mi shig pa dang / phyin ci ma log pas bden pa dang / skye ba med pas sra ba dang / mi slu bas na brtan pa dang / dngos por 'dzin pa 'joms pas thogs pa med pa dang /rnam rtog gi mtshan ma las ma pham pa ni/ de kho na nyid rtogs pa'i shes rab kyi mtshan nyid do/ /rdo rje las byung ba'i snying po khro bo'i don ni/ oM tra Ta tra Ta/ khams gsum rnam rgyal gyis zhe sdang zhi bar byed pas sems can thams cad skrag par byed pa dang /tro Ta ya tro Ta ya/ gshin rje gshed kyis gzung 'dzin zhi bar byed pas/ sems can thams cad 'jil bar byed pa dang / s+phu Ta s+phu Ta/ rta mgrin gyis rnam par rtog pa zhi bar byed pas rig sngags thams cad gcod par byed pa dang / s+phoT ya s+phoT ya/ bdud rtsi 'khyil pas yang dag pa'i don 'phel bar byed pas rig sngags thams cad gnon par byed pa dang /g+hUr+Na g+hUr+Na hUM ka ras rang dang gzhan rjes su 'dzin pa las thams cad 'joms par byed pa dang / g+hUr+Na pa ya g+hUr+Na pa ya/ stobs po ches rang don grub pas gzhan gyi las thams cad 'jig par byed pa dang /sarba sa twa ni yid la sems pa thams cad grub par byed ces pa'i don to/ /bo d+ha ya bo d+ha ya rdo rje zhe sdang 'joms pas gdon thams cad rlag par byed pa dang / saM bo d+ha ya saM bo d+ha ya/ don yod zhags pas yang dag pa'i don rtogs pas gdon thams cad las thar bar byed pa dang /b+h+ra ma b+h+ra ma 'dod pa'i rgyal pos phyin ci log spong bas 'byung po thams cad 'gugs par byed pa/ saM b+h+ra ma ya saM b+h+ra ma ya/ rdo rje 'khor los byams pa la sogs pa gzhan rjes su 'dzin pas rig sngags kyi las thams cad byed du 'jug pa dang / sarba b+hU ta ni 'byung po la sogs pa thams cad kyi bar chad srungs zhes bya ba'i don to//kuT+Ta kuT+Ta rdo rje rnon po 'khor 'gugs pas ma grub pa grub par byed pa dang / saM kuT+Ta ya saM kuT+Ta ya rdo rje khros pas yang dag par 'gugs pas grub pa rnams chud mi za bar byed pa dang / sarba sha truM nAM dgra bgegs thams cad gnod par byed ces pa'i don to//g+ha Ta g+ha Ta rdo rje lcags sgrog yang dag par 'dzud pas 'dod pa thams cad rab tu sbyin pa dang / saM g+ha Ta ya saM g+ha Ta ya rdo rje dril bu dgyes pas sems can thams cad srung ba/ zhi ba/ rgyas par byed pa'o/ /rgyud don bsnyen pa sgrub pa dang / /'dod pa'i don rnams grub pa yi/ / rtsa ba'i 'khor lo bstan pa ste/ /khro bo'i don ni bco lnga'o/ /de la rnal 'byor pa dkyil 'khor gyi sgor zhugs pa'i bla ma dam pa'i man ngag can gyis byang chub tu sems bskyed de/ gnas dben par maN+Dal dang gtor ma la sogs pa bshams te/ bum pa'i kha rgyan la sogs pa rdzogs par maN+Dal gyi steng du gzhag par bya'o//de nas snying ga'i hUM las byung ba'i sgra stong par bya ste/ las kyi lha phyag mtshan med par gyur pa'i las thams cad bya'o/ /na mo rat+na tra yA ya/ na maHtsaN+Da badzra pA Na ye/ ma hA yak+Sha se nA pa ta ye/ zhes pas snying po gsang sngags dang / tar+ya thA/ oM tra Ta tra Ta zhes pas khro bo rnams dang / sarba bid+yA badzra badzra su badzra yan chad yang snying dang bcas pas lus byin gyis brlabs pa'o/ /snying po'i gsang sngags dang / oM ha ra ha ra badzra la sogs pa phyogs skyong bcus mtshams bcad do/ /badzra oM ku sha dz+wA lA ya swA hA zhes gzhal yas khang bskyed do//sarba bid+yA nas/ su badzra yan chad badzra aM gu sha dz+wA lA ya kI li kI lA ya swA hA/ zhes pas gtso bo bskyed/ tsu ru tsu ru tsaN+Da kI li kI lA ya swA hA/ zhes pas rdo rje gtum po bskyed/ trA sa ya trA sa ya badzra kI li kI lA ya swA hA zhes pas rdo rje phur bu bskyed/ ha ra ha ra badzra d+hA rA ya swA hA zhes pas rdo rje be con bskyed do//pra ha ra pra ha ra badzra pra b+hany+dza nA ya swA hA/ zhes pas rdo rje tho ba bskyed do/ /gsang sngags 'di thams cad bcom ldan 'das rdo rje rnam par 'joms pa yin pas khyad par med kyang / bla ma dag gi zhal nas phyogs skyong ba la sogs pa'i lha dgug pa shes pa'i bsnyen pa'i rtsa sngags yin gsungs so//de nas rdul tshon bzhengs so/ /gtso bo'i sngags gong dang mthun/ tshin+da tshin+da/ b+hin+da b+hin+da/ ma hA kI li kI lA ya swA hA/ ban+d+ha ban+d+ha/ kro d+ha kro d+ha kI li kI lA ya swA hA/ tsu ru tsu ru tsaN+Da kI li kI lA ya swA hA/ trA sa ya trA sa ya badzra kI li kI lA ya swA hA zhes rdo rje gtum po dang /rdo rje phur bu dang rdo rje be con dang / rdo rje tho ba rnams bskyed do/ /ma ti s+thi ra badzra/ shrI g+h+raM badzrA ya swA zhes brgyad kyis brtan par bzhugs su gsol lo/ /na maHsa man+ta badzrA NAM zhes pa dang / badzra aM ku sha dz+wA lA ya swA hA zhes dbang bskur ro/ /gzhan yang 'di ni las thams cad gtor ma dang tsA ru'i ston mo dang /slob mas yang khrus bya/ ba ya rdo rje'i glu dang bcas pas bya'o/ /de nas mchod pa dang bstod pa bla ma'i gdams ngag gis rgyas par bya ste/ bzlas pa ni snying po dang rtsa sngags yang snying dang bcas par bla ma'i ngag gis gdon no/ / de nas slob mas khrus bya ba ni he phul+lu ni ru phul+lu gr-ih+Na kul+lu/ mil+li tsul+lu/ ku ru kul+lu badzra bi dza ya swA hA/ zhes pas bum pa lag pa g.yas pa'i khung du blangs la brab/ ka Ta ka Ta/ ma Ta ma Ta/ ra Ta ra Ta/ mo Ta na pra mo Ta nA ya swA hA/ zhes yungs kar gyis brag d+ha ra d+ha ra/d+hi ri d+hi ri/ d+hu ru d+hu ru/ sarba badzra ku laM A brta ya swA hA/ a mu ka mA ra ya phaT ces rma bya'i mdongs kyis byab/ de nas gsang sngags zhi ba la sogs pa dang bcas pas slob ma'i spyi bo nas khrus byas pas nyams grib la sogs pa'i sdig pa thams cad dag par 'gyur ro/ / nad dang gdon la sogs pa thams cad med par 'gyur ro/ /de nas/ na maH sarba ta thA ga te b+h+yo/ bi shwa mu khe bah+yaH sarba ta t+khaM ud+ga rak+Sha ma hA ba le/ sarba ta thA ga ta pu rna Nir dza te hUM hUM tra tha tra tha/ a pra ti ha ta hUM phaT swA hA/ zhes pas lag pa rdo rje khu tshur bcings te/ mthe'u chung gnyis gzhibs te/mthe bong dang gung mo gnyis rtse sprad la srin lag gnyis rtse sprad de bsgreng pa ni dam tshig gi phyag rgya bya ste srung ba chen mo'o/ /de nas snying ga'i srung ba dang / spyi bo'i srung ba la sogs pa thams cad kyang bya'o/ /de ni khrus kyi cho ga'o/ /gzhan yang zhi ba la sogs pa'i dngos grub 'khor lo la brten pa ni bla ma'i zhal las shes par bya'o//gsang sngags kyi rgyud thams cad kyi thog mar gsungs pa'i rdo rje rnam par 'joms pa'i gzungs 'di bsod nams ye shes kyi dpal kun gyis ni legs brgyan pas/ rgyu sdig pa thams cad byang nas 'bras bu sdug bsngal thams cad med par byed pa ni phan yon mdor bstan pa'o//sems can spyi de rigs bzhi gang yang rung ba'o/ /dbang po nyams pa ni lus kyi'o/ /tshe zad pa ni 'chi ba ste srog go/ /longs spyod phun sum tshogs pa med pa dang / nor yod pa 'gribs pa gang zhig 'dod chags kyi sems la gdungs pas gnod pa dang /'jig rten dang 'jig rten las 'das pa'i lha rnams rgyab kyis phyogs pa ni phan mi 'dogs pa ste/ de ma yin pa'i gnod pa 'byung ste de yang gza' babs pa dang / rgyu skar ngan pa la babs pa dang / gzhan gyi byad du chud pa ni rig sngags ngan pas bsdams pas mi bzad gdon gyis nyen pa ste/de'i dbang gis lus dang sems kyi gdung ba la sogs pa 'byung ba dang / rmi lam ngan pa'i sdig pa 'dra ba'i rmi ba 'dag par byed do/ /rang gi nye du mdza' zhing yid dang 'thad pa'i skye bo dang bral ba dang / dgra sdang ba'i skye bo dang phrad pa dang / rgyal po la sogs pa'i chad pas gtses ba de phan tshun mthun pa ma yin pa ni mi las gyur pa'i gnod pa ste/ tshe 'di'i'o/ /gnod pa 'di dag dang gzhan sel bar byed do/ /gzhan yang las mi dge ba'i dbang gis dmyal ba la sogs pa'i ngan song gsum du skyes pas lus dang sems gdungs pa'i mya ngan dang ngal ba'i gnod pa dang /sdug bsngal gyis 'jigs pa dang / bde bas phongs pa dang / de lta bu'i nyes pa thams cad las thar bar byed pa ni phyi ma'i phan yon no/ /dpal rdo rje rnam par 'joms pa'i khrus kyi cho ga des ni rab bkrus gtsang ma yin zhes bya ste gang dag yid dge ba ste/byang chub tu sems bskyed pa dang / sems dang po ni dkon mchog la skyabs su song ba ni gtsang ma'i gos kyis rab brgyan te/ slob ma lhag par gnas pa dang / rten gyi gang zag bstan pa'o/ /nor bu ni chu shel la sogs pa'o/ /yungs kar ni go sla'o/ /dUr ba ni dag byed yin te/ku sha'i bye brag cig go/ /rin po che rma med pa ni mu tig la sogs pa ste rgyan du rung ba'o/ /tsan+dan ni mtshon pa ste dri'i bye brag thams cad do/ /des ni snying po rdzas bstan te/ shel la sogs pa'i rgyu las byas pa'i rdo rje dang / yungs kar ni bar chod thams cad zhi bar byed pa'o/ / me tog ni pad+ma ste gsung gi rten yin/ chu yis bkang ba'i bum pa'i rgyu gser ram yang na dngul la sogs pa gang las byas kyang rung ste/ mgrin pa phra ba kha yel ba lto ba ldir ba rtsa ba med pa la gtsang ma'i gos kyis brgyan pa 'bras bu can gyi shing gis brgyan pa ni sku'i rten yin te/ bum pa lhag par gnas pa'o//der lha bskyed pa la sogs pa ni lha lhag par gnas pa'o/ /de lta bur gyur pa'i rgyud zab mo'i don sangs rgyas kyi spyod yul du gyur pa/ rtog ge ba'i spyod yul ma yin pa/ rig pa gsum dang ldan pa'i dkyil 'khor 'dir zhugs na mdo sde dam pa nyan pa dang / grub pa dang / gzhan la ston pa la sogs pa'i nus pa dang ldan par 'gyur ro/ /ci'i phyir zhe na/ mdo sde 'di ni nyan byed na/ mdo sde 'di yi gzi brjid kyis/ /srog chags dag ni thams cad kyi/ /mi bzad pa yi nad rnams dang / /de dag thams cad zhi bar lta/ /tshe dang bsod nams 'phel bar 'gyur//sdig pa kun las rnam par thar/ /sdug bsngal ma lus med par 'gyur/ /zhes 'byung ba'i phyir/ gzhan yang rgyud 'di'i don ni de bzhin nyid kyi ting nge 'dzin dang / rgyu'i ting nge 'dzin dang / kun du snang ba'i ting nge 'dzin la sogs pa'i bsnyen pa'i cho ga dang sgrub pa la sogs pa'i don ci rigs par yang ngo //gsang sngags bzlas pa'i grangs ni/ lan grangs nyi shu rtsa gcig gam/ yang na lan grangs brgya rtsa brgyad/ /rdo rje rnam par 'joms pa'i 'khor dang rtsa ba'i sngags ci rigs pa'i don to/ /rgyal po rtag tu khrus gyis cig /ces pa ni/ rgyal po ni gtso bo'i don to//yang na lus kyi rgyal po mgo yin pas so/ /grong khyer ser skya chu bo gang+gA'i klung / /rgyud rgyal rnam 'joms bla ma'i bka' bstan sgrub/ /bla med dge ba chen po bdag gis thob/ /gzhan la phan phyir bdag gis de don bris/ /zla 'dra'i dge ba cung zad snang ba de/ /'gro rnams rnam 'joms sku thob don phyir bsngo//slob dpon chen po rdo rje go chas mdzad pa rdo rje rnam par 'joms pa'i rgyud kyi 'grel pa rdzogs so// //rgya gar gyi mkhan po shrad+d+hA ka ra warma dang / bod kyi lo tsA ba shAkya'i dge slong rin chen bzang pos bsgyur cing zhus te gtan la phab pa'o/ /