CLOSE WINDOW

D2681
བོད་ཡིག

/ //mkhan po de nyid dang / lo tsA ba dbas many+dzu shrI warmas bsgyur ba'o/ /phyis paN+Di ta 'jon te ta'u la dang / lo tsA ba 'og bsod nams mos pas bsgyur cing zhus te gtan la phab pa'o// //[ ]@##/ /rgya gar skad du/ badzra bi dA ra Na nA ma d+hA ra Ni TI kA/ bod skad du/ rdo rje rnam par 'joms pa'i gzungs zhes bya ba'i rnam par bshad pa/ dpal phyag na rdo rje la phyag 'tshal lo/ /rgyal ba kun gyi gsang mdzod 'dzin pa yi/ /rgyud kyi don 'byung ston pa'i ngo bo la/ /sgo gsum dang bas 'dud de phyag 'tshal nas/ /mdo yi rnam bshad bdag gis bya bar 'dod//de la rdo rje zhes bya ba ni yang dag pa'i ye shes la bya ste/ rtag pa dang mi rtag pa bde ba dang sdug bsngal gyi mtshan ma'i dngos po thams cad 'joms pa la bya'o/ /de nas 'joms pa zhes bya ba'i don to/ /gzungs zhes bya ba ni dbyings dang ye shes gnyis su med pa la bya'o//de ltar mdo'i bstan nas/ da dgos 'brel gyi don ston te/ ma nor bar ston pa'i phyir ston pa dang / yongs su dag pa'i 'khor dang / gang du bshad pa'i gnas dang / ma nor sdud pa'i sdud pa po dang / gang bshad pa'i mdo'i don to/ /de la ston pa ni bcom ldan 'das thugs yang dag pa'i ting nge 'dzin rdo rje lta bu las ma g.yos kyang nyid kyi che ba dbyung ba'i don du thugs yang dag pa'i sras gsang ba'i bdag po phyag na rdo rje la shod cig par byin gyis brlabs nas/sangs rgyas kyi zhing khams mtha' yas pa'i nang du rdo rje rnam par 'joms pa'i don 'di phyag na rdo rje las rab tu thob pa'i phyir na/'di skad bdag gis thos pa dus cig na zhes bya ba'o/ /ston pa dang / 'khor dang / sdud pa dang ldan pas na dus zhes bya ba'o/ /lan grangs mang du ma gsungs par brgya lam du gsungs pas dus gcig na zhes bya ba'o/ /bcom ldan 'das rdo rje la bzhugs te zhes pa ni bdud bzhi bcom pa'i la bya'o//yang na bcom ldan 'das rdo rje lta bu'i ting nge 'dzin la thugs mnyam par gzhag pa la bya'o/ /sangs rgyas kyi mthus zhes pa ni ting nge 'dzin la snyoms par zhugs pa la bya'o/ /lag na rdo rje lus thams cad rdo rjer byin gyis brlabs nas zhes pa ni yang dag pa'i ye shes rdo rje ltar 'dus ma byas pa la bya'o//rdo rje'i ting nge 'dzin la snyoms par zhugs so/ /zhes pa ni yang dag pa'i ye shes kyi ngo bor rab tu gnas pa la bya'o/ /de nas lag na rdo rje sangs rgyas kyi mthu dang zhes pa ni snyoms par zhugs ma thag tu byang chub sems dpa' thams cad la mthu ston pa'i phyir ro//sangs rgyas kyi byin gyi rlabs kyis zhes pa ni klu'i rgyal po ma dros pas char 'bebs pa de bzhin du mthu stobs bskyed pa'i phyir ro/ /rdo rje khro bo las byung ba zhes pa ni lag na rdo rjer byin gyis brlabs pa'i mthus dkyil 'khor gyi lha rnams kyi sku gsung thugs las 'thon nas khams gsum gyi dregs pa can rnams btul ba'o//rdo rje snying pos rab tu smras te zhes pa ni sku gsung thugs rdo rje ltar 'dus ma byas pa des sems can la phan gdags pa'i phyir 'di gsungs so//da ni khro bo rnams kyi rang bzhin gyi don thugs ka nas phyung ba'i don de/ mi chod pa/ mi shigs pa bden pa zhes pas gshin rje gshed ston te/ gzung ba'i yul ma grub pas mtshan ma thams cad 'joms pas tho ba bsnams ba'o/ /rtsa ba'i snying po ma tha las bskyed pas ma tha zhes bya'o//de bdag gis bsgoms na dngos grub thob ste/ dngos grub de bdud kyis bar du mi chod pas ni mi chod pa zhes bya'o/ /sku gsung thugs mtshan ma'i rnam rtog gis mi shigs pas na/ mi shigs pa zhes bya'o/ /bden pa zhes pa ni gsung gi ngo bo bden pa dang ldan pas na bden pa zhes bya bas hUM ka ra ston te/sku gsung thugs mi 'gyur bas na bden pa ste rtsa ba'i sngags ma tha ma tha zhes pa'o/ /sra ba brtan pa thams cad du thogs pa med pa zhes pas/ rnam par rgyal ba'i don ston te/ nyon mongs pa dang 'khor ba las rgyal ba'i phyir na ye shes kyi 'khor lo bsnams pa sku gsung thugs rdo rje ltar sra bas na sra ba zhes bya'o//byang chub kyi sems mi 'gyur bas na brten pa zhes bya'o/ /thugs rdo rje dang brtson 'grus ci la yang thogs pa med pas na thogs pa med pa'o/ /rtsa ba'i yig 'bru d+hu na las bskyed pas na d+hu na d+hu na badzra zhes bya ste bdud kyis glags mi rnyed pas na sra ba brtan pa'i dngos grub thob la/thams cad du thogs pa med pas na thogs pa med pa'i dngos grub thob pa'o/ /thams cad du ma pham pa/ sems can thams cad skrag par byed pa/ sems can thams cad 'jil bar byed pa ni da ha da ha badzra zhes pas rta mgrin ston te/khams gsum sems can thams cad bdud dang dregs pa thams cad las rgyal bas na/ bdud la sogs pa skrag par byed pa'o/ /'dod chags la sogs pa 'jil bar byed pas na 'jil bar byed pa dang /nyon mongs pa'i skyon gyis ma gos pas na pad+ma bsnams pa'o/ /rtsa ba'i snying po da ha las bskyed pas na/ da ha da ha badzra zhes pa'o/ /des ni ha yi gr-i ba'i don no/ /rig sngags thams cad gcod par byed pa/ rig sngags thams cad gnon par byed pa/ las thams cad 'joms par byed pa zhes pas bdud rtsi 'khyil pa'i don bstan te/phas kyi dmod mo rnams dang / /gzhan gyi gnod pa thams cad ni ye shes kyi rang bzhin gyis gcod pa dang / gnon pa dang 'joms pas na 'joms pa'o/ /rtsa ba'i yi ge pa tsa las bskyed pas na/ pa tsa pa tsa badzra zhes pa'o//rdzas dang yo byad dang cho ga tshang bar byas na dmod mo'i bye brag thams cad thar bar 'gyur ro/ /des ni bdud rtsi 'khyil pa'i don no/ /gzhan gyi las thams cad 'jig par byed pa/ gdon thams cad rlag par byed pa/ gdon thams cad las thar bar byed pa zhes pa ni stobs po che'i don ston te/thugs rje chen po'i bye brag gis phyir rgol ba thams cad 'jig par byed pa'o/ /sangs rgyas kyi ye shes kyis gdon thams cad mi gnas shing rlag par byed pas na rlag par byed pa'o/ /tshe dang dbang thang 'phrog pa thams cad las thar bar mdzad pas na/ gdon thams cad las thar bar byed pa zhes bya'o//rtsa ba'i yi ge d+har las bskyed pas na d+ha ra d+ha ra badzra zhes pa'o/ /'byung po thams cad 'gugs par byed pa/ /rig sngags kyi las thams cad byed du 'jug pa zhes pa ni/ gzhan gyis mi thub pa'i don ston te/ thabs mkhas pa'i thugs rjes 'byung po'i rigs thams cad dbang du bsdus na 'khor bas na 'byung po thams cad 'gugs par byed pa'o//thugs rje chen po la mnga' brnyes shing legs pa thams cad byed du 'jug pa zhes gzhan la ston pa dang / nyams su len du 'jug pas na rig sngags kyi las thams cad byed du 'jug pa zhes bya'o//rtsa ba'i yi ge dA ra ya las bskyed de dA ra ya dA ra ya badzra zhes pas gzhan gyis mi thub pa'i don bstan pa'o/ /ma grub pa rnams grub par byed pa/ grub pa rnams chud mi za bar byed pa 'dod pa thams cad rab tu sbyin pa zhes pas ni mi g.yo mgon po'i don ston te thugs yang dag pas dngos grub ma grub pa rnams grub par byed pas na grub par byed pa'o//grub pa rnams bdud kyi dbang du mi 'gyur bar 'grub pas na/ grub pa rnams chud mi za ba'o/ /'dod pa thams cad skong bas na 'dod pa thams cad rab tu sbyin pa'o//rtsa ba'i yi ge dA ru Na las bskyed pas na/ dA ru Na dA ru Na badzra zhes pa'o/ /sems can thams cad srung ba zhes pas ni dbyug pa sngon po'i don ston te/ thabs mkhas pa'i thugs rjes khams gsum gyi sems can thams cad kyi nyon mongs pa'i sdug bsngal las phan gdags pas na/sems can thams cad srung ba'o/ /rtsa ba'i yi ge ts+tshin+da las bskyed pas na ts+tshin+da ts+tshin+da badzra/ zhes pa'o/ /zhi brgyas pa/ sems can thams cad rengs par byed pa zhes pas/ ha ra ha ra badzra zhes pas dbus kyi gtso bo'i don ston te/rdo rje rnam 'joms des phyin ci log gi nyon mongs pa thams cad zhi bar mdzad pas yon tan gyi tshogs thams cad rgyas par byed pas bdud dregs pa can thams cad rengs par byed pa'o/ /rtsa ba'i snying po ha ra ha ra badzra zhes pa'o/ /sems can thams cad rmugs par byed pa'i gsang sngags kyi mthu chen po 'di zhes pas ni thugs ye shes bzhi'i ngo bo las sgo ba bzhir sprul nas bdud dregs pa can glags tshol ba rnams rmugs par byas te/zhi bar byas pa'i don te sgo bzhi'i don bstan pa'o/ /sangs rgyas kyi mthus lag na rdo rjes zhes ba'i gong du khro bo rnams kyi rang bzhin bstan pa las dus gsum gyi sangs rgyas thams cad kyis lag na rdo rje la mthu stobs kyi bdag por byin gyis brlabs nas/lag tu ye shes kyi rtags rdo rje byin te ming gi dbang bskur nas srid pa gsum gyi mthu can du byin gyis brlabs pa'o//des ni khro bo bcu'i sngags kyi don bshad do/ /rab tu smras so zhes pa ni 'di nas mar phyag na rdo rje nyid kyi phrin las kyi don bstan pa'o/ /na mo rat+na tra yA ya zhes pa ni dkon mchog gsum la phyag 'tshal lo/ /zhes pa'i don to/ /na mash+tsaN Da badzra pA Na ye zhes pa ni rdo rje rin chen gyi ngo bo phyag na rdo rje'i yang dag pa'i snying po'o//ma hA yak+Sha se na pa ta ye zhes pa ni/ gnod sbyin gyi sde dpon chen po phyag na rdo rje drag po la phyag 'tshal lo/ /zhes pa'i don to/ /tad+ya thA zhes pa'i don ni 'di lta ste zhes pa'i don no/ /oM tra Ta tra Ta zhes pa ni ye shes kyi lha'i ngo bo yin pas nyon mongs pa thams cad sod sod ces pa'o//tro Ta ya tro Ta ya zhes pa ni phyag na rdo rje'i byin rlabs kyis rab tu sod sod ces pa'o/ /s+phu Ta s+phu Ta zhes pa ni bdag gi bgegs thams cad zung la ye shes kyi mes sregs sregs zhes pa'o/ /s+phoT ya s+phoT ya zhes pa ni ye shes kyi tho bas rdungs shig rdungs shig ces pa'o//g+hur+Na g+hur+Na zhes pa ni thugs rje'i lcags kyu'i zung la bskyod cig bskyod cig ces pa'o/ /g+hur+Na pa ya g+hur+N+Na pa ya zhes pa ni legs par skrod legs par skrod ces pa'o/ /sarba satwA ni zhes pa ni sems can thams cad la thugs rjes gzigs shig ces pa'o//bo d+ha bo d+ha zhes pa ni khams gsum gyi sems can thams cad byang chub tu sems bskyed cig ces pa'o/ /saM bod+ha ya saM bod+ha ya zhes pa ni 'gro ba thams cad khongs su chud par mdzod cig ces pa'o/ /b+h+ra ma b+h+ra ma zhes pa ni byang chub sems dang mi ldan pa'i bgegs thams cad sod cig ces pa'o//saM b+h+ra ma ya saM b+h+ra ma ya zhes pa ni phyin ci log gi nyon mongs pa thams cad thugs rjes legs par sod cig ces pa'o/ /sarba b+hU ta ni zhes pa ni gdon dang 'byung po thams cad gtubs la thugs ye shes kyi spyan gyis gzigs shig ces pa'o//ku Ta ku Ta zhes pa ni bdag la gnod pa'i gdon thams cad rdungs shig ces pa'o/ /saM ku Ta ya saM ku Ta ya zhes pa ni 'jig rten na gnod pa byed pa thams cad byams pa'i thugs rjes rdungs shig ces pa'o//sarba sha trUM nAM zhes pa ni bdag la gnod pa'i dgra bgegs thams cad yang dag pa'i ye shes kyis sregs shig ces pa'o/ /g+ha Ta g+ha Ta zhes pa ni bgegs thams cad thugs rjes sod cig ces pa'o/ /saM g+ha Ta ya saM g+ha Ta ya zhes pa ni legs par sod cig ces pa'o//sarba bid+yI badzra badzra zhes pa ni/ rig sngags kyi mthu gang la bya ba thams cad rdo rje 'bar bas 'grub par gyis shig pa'o/ /s+phoT ya badzra badzra zhes pa ni ye shes kyi rdo rje 'bar bas nyon mongs pa thams cad sod cig ces pa'o/ /ka Ta badzra badzra zhes pa ni ye shes grub pa'i rdo rje 'bar bas nyon mongs pa thams cad chod cig ces pa'o//ma Ta badzra badzra zhes pa ni byang chub kyi sems kyi rdo rjes bdag gi gdug pa thams cad gtubs shing ces pa'o/ /ma tha badzra badzra zhes pa ni yang dag pa'i ye shes kyi rdo rjes bgegs thams cad thul cig ces pa'o/ / aT+ta hA sa nI la ya badzra zhes pa ni rdo rje rnon po me dang 'dra bas nyon mongs pa'i bag chags thams cad chod cig drol cig ces pa'o/ /su badzra badzra swAhA zhes pa ni thugs yang dag par mkhyen pa'i rdo rjes chos kyi dbyings rnam par dag pa la legs par spyod cig ces pa'o/ /de yan chad kyis phyag na rdo rje'i phrin las kyi don bshad nas da ni khro bo rnams kyi phrin las kyi don ston te/he phul+lu ni ru phul+lu zhes pa ni/ rdo rje 'bar ba khams gsum pa'i nyon mongs pa rnams thugs rje 'bar bas chod cig ces pa'o/ /gr-ih+Na kul+lu zhes pa ni khams gsum gyi sems can thams cad kyi gshin rje'i sdug bsngal thams cad choms shig ces pa'o//mi lu tsul+lu ku ru ku lu zhes pa ni dpal rta mgrin sngon po 'bar bas sdug bsngal thams cad sbyong shig ces pa'o/ /badzra bi dza ya swA hA zhes pa ni khro bo bdud rtsi 'khyil pas nyon mongs pa thams cad bdud rtsir byin gyis rlobs shig ces pa'o//kI li kI lA la swAhA zhes pa ni khro bo stobs po che'i drag shul gyis mdzod cig ces pa'o/ /ka Ta ka Ta zhes pa ni khro bo rgyal pos bdud thams cad pa bkongs shig ces pa'o/ /ma Ta ma Ta zhes pa ni khro bo hUM ka ras nyon mongs pa thams cad las skyobs shig ces pa'o//ra Ta ra Ta zhes pa ni khro bo pad+ma 'khyil pas nyon mongs pa thams cad zhi bar mdzod cig ces pa'o/ /mo Ta mo Ta pra mo Ta Na ya swAhA zhes pa ni ye shes kyi rdo rje 'bar bas gshin rje rtogs shig ces pa'o/ /tsa ra ni tsa ra zhes pa ni khro bo'i rgyal po nI la daN+Das bdag dang sems can thams cad la tshe dang dbang stsol cig ces pa'o//ha ra ha ra zhes pa ni ye shes kyi gshog pas 'khor ba'i sdug bsngal las skyobs shig ces pa'o/ /sa ra sa ra mA ra ya mA ra ya zhes pa ni ye shes kyi rdo rjes nyon mongs pa rnams sod la rdul du rlog cig ces pa'o//badzra bi dA ra Na ya swAhA zhes pas rdo rje rnam par 'joms pas sems can thams cad kyi las mdzod cig ces pa'o/ /ts+tshin+da ts+tshin+da zhes pa ni/ rta mgrin gyis nyon mongs pa thams cad tshar chod cig ces pa'o/ /b+hin+da b+hin+da zhes pa ni/ sems can thams cad sdug bsngal ba zhi bar gyis shig ces pa'o//ma hA kI li kI lA ya swAhA/ zhes pa ni khro bo stobs po ches nyon mongs pa thams cad zhi bar mdzod cig ces pa'o/ /ban d+ha ban d+ha zhes pa ni khro bo Tak+ki rA dzas gdug pa can gyi bdud thams cad zung la choms shig ces pa'o/ /kro d+ha kro d+ha zhes pa ni khro bo rnams kyis nyon mongs pa rnams la rol cig ces pa'o/kI li kI lA ya swA hA zhes pa ni khro bo bdud rtsi 'khyil pas gdug pa rnams zhi bar mdzod cig ces ba'o/ /tsu ru tsu ru zhes pa ni khro bo a mo g+ha pA shas phrin las mdzod cig ces pa'o/ tsaN+Da li zhes pa ni khro bo rgyal po tshur spyon dam tshig la dgongs shig ces pa'o//kI li kI lA ya swAhA/ zhes pa ni khro bo bdud rtsi 'khyil pa'i thugs tshad med pa'i gsung sgras thams cad byang chub sems su zhi bar mdzod cig ces pa'o/ /trA sa ya trA sa ya zhes pa ni khro bo ma hA ba las bgegs thams cad skrod cig ces pa'o//badzra kI li kI lA ya swAhA zhes pa ni ye shes kyi rdo rje 'bar bas thams cad zhi bar mdzod cig ces pa'o/ /ha ra ha ra badzra d+ha rA ya swA hA zhes pa ni rdo rje 'bar ba'i sgo ba bzhis bgegs thams cad sregs shig ces pa'o/ /pra ha ra pra ha ra zhes pa ni khro bo bdud rtsi 'khyil pas mtshan ma'i rtog pa thams cad zhi bar mdzod cig ces pa'o//badzra pra b+hany+dza nA ya swAhA zhes pa ni byang chub kyi sems rdo rje 'bar bas nyon mongs pa'i bag chags thams cad zhi bar mdzod cig ces pa'o/ /de yan chad kyis ni khro bo rnams kyi phrin las kyi don bshad do//da ni khro bo rnams kyi bsrung ba'i don ston te/ ma tis+thir badzra zhes pa ni blo brtan pa'i rdo rjes byang chub sems kyi rang bzhin dang ldan par gyis shig ces pa'o/ /su ti sh+tir badzra zhes pa ni shin tu brtan pa'i rdo rjes legs pa'i yon tan dang ldan par gyur cig ces pa'o//pra tis+thir badzra zhes pa ni so sor brtan pa'i rdo rjes bdag gi lus brten par mdzod cig ces pa'o/ /ma hA badzra zhes pa ni chen po rdo rjes bdud las rgyal bar mdzod cig ces pa'o/ /a pra ti ha ha badzra zhes pa ni rab tu brtan pa'i rdo rjes bdag la ye shes kyi mtshon cha gsol cig ces pa'o//a mo g+ha badzra zhes pa ni don yod pa'i rdo rjes gzhan thams cad 'joms pa'o zhes pa'o/ /e h+ya hi badzra zhes pa ni bden pa'i rdo rjes bdag 'khor ba las drongs shig ces pa'o/ /shI g+h+raM badzra ya swAhA zhes pa ni dpa' bar 'gro ba'i rdo rjes rings par bdag gi las 'grub par mdzod cig ces pa'o//d+ha ra d+ha ra zhes pa ni sgo bzhi'i srung ba bstan te/ byang chub sems kyi rang bzhin thams cad khyer la gzungs su gyis zhes pa'o/ /d+hi ri d+hi ri zhes pa ni dbyings kyi rang bzhin chos nyid dang ldan par gyis shig ces pa'o//d+hu ru d+hu ru zhes pa ni lus thams cad thugs rjes zungs la thogs shig ces pa'o/ /sarba badzra ku laM A brta ya swAhA/ zhes pa ni rdo rje 'khor lo dang bcas pas bdag la byin gyis rlobs shig ces pa'o/ /a mu kaM mA ya phaT ces pa ni bdag dus ma yin pa'i 'jigs pa las bzlog la bdud thams cad choms shig ces pa'o//de yan chad khro bo bcu'i srung ba'i don bshad do/ da ni khro bo'i dbang gi don ston te/ na maHsa man+ta badzra NAM zhes pa ni kun du bzang po'i ye shes rdo rjes rang bzhin gyis dbang bskur cig ces pa'o/ /sarba ba laM A brta ya zhes pa ni stobs po ches dbang bskur cig ces pa'o//ma hA ba le zhes pa ni stobs po ches mgyogs pa rlung dang 'dra bar dbang bskur cig ces pa'o/ /ka ta be ta ta le zhes pa ni ye shes kyi mche bas nyon mongs pa'i bdud thul cig ces pa'o/ /a tsa le zhes pa ni khams gsum rnam rgyal gyi sprul pas dbang bskur la skyobs shig ces pa'o//maN+Da la ma ye zhes pa ni dkyil 'khor gyi phyi'i srung ma rnams kyis sprul pa'i ngo bo nyid kyi che ba sna tshogs su snang ba'o/ /a ti badzra zhes pa ni rdo rje bzang pos thams cad la skyobs shig pa'o/ /ma hA ba le be+e ga ra Na ra Na zhes pa ni stobs po ches mgyogs pa rlung dang 'dra bas gnod pa thams cad zhi bar mdzod cig pa'o//a dzi te dz+wa la dz+wa la zhes pa ni yang dag pa'i shes rab kyis bdud dang log 'dren rnams sregs shig ces pa'o/ /ti Ti ti Ti ping ga le zhes pa ni so sor 'bar bas sdug bsngal thams cad las skyobs shig pa'o//de ha da ha zhes pa ni bdag gi nyon mongs pa rnams sregs shig pa'o/ /te dzo ba ti zhes pa ni yang dag pa'i ye shes kyis gti mug pa rnams sol cig pa'o/ /ti li ti li zhes pa ni bdag gi sdug bsngal thams cad med par gyis shig pa'o/b+han+d+ha b+han+da zhes pa ni bgegs dang 'byung po thams cad chings shig pa'o/ /ma hA ba le zhes pa ni stobs po ches las mdzod cig pa'o/ /badzra aM ku sha dz+wA lA ya swA hA zhes pa ni rdo rje 'khor lo me dang 'dra bas mtshan ma thams cad zhi bar mdzod cig pa'o/ /de yan chad khro bo bcu'i rang gi las bshad pa'o//da ni ye shes kyi khro bo lag na rdo rje'i rang bzhin ston te/ na mo rat+na tra yA ya zhes pa ni dkon mchog gsum la phyag 'tshal lo zhes pa'o/ /na maHtsaN+Da badzra pA Na ye zhes pa khams gsum gyi gnod sbyin rnams gdul ba'i phyir lag na rdo rje khro bo'i tshul du bzhugs pa'o//ma hA yak+Sha se nA pa ta ye zhes pa ni gnod sbyin gyi sde dpon chen po lag na rdo rje ye shes kyi ngo bor bzhugs pa'o/ /tad+ya thA ni 'di lta ste zhes pa'o/ /oM ha ra ha ra badzra zhes pa ni ye shes kyi lag na rdo rje dbus su bzhugs te/ ma tha ma tha badzra zhes pa ni hUM ka ra gshin rje gshed du bstan pa'o/ /d+hu na d+hu na badzra zhes pa ni mtshan ma thams cad 'joms pas na/ khams gsum rnam par rgyal pa'i snying po'o/ /da ha da ha badzra zhes pa ni rta mgrin gyi snying po'o/ /pa tsa pa tsa badzra zhes pa ni bdud rtsi 'khyil pa'i snying po'o//d+ha ra d+ha ra badzra zhes pa ni stobs po che'i snying po'o/ /dA ra ya dA ra ya badzra zhes pa ni gzhan gyis mi thub pa'i snying po'o/ /dA ru Na dA ru Na badzra zhes pa ni mi g.yo mgon po'i snying po'o/ /ts+tshin+da ts+tshin+da badzra zhes pa ni dbyug pa sngon po'i snying po'o/ /b+hin+da b+hin+da badzra hUM phaT swA hA/zhes pa ni pad+ma 'khyil pa'i snying po'o/ /de yan chad khro bo'i rang bzhin bshad do// //na ma sh+tsaN+Da badzra kro d+ha ya hUM zhes pa ni phyag 'tshal ba'i don to/ /da ni sgo ba bzhi'i don ston te/ hu lu hu lu zhes pa ni shar gyi sgo bas bgegs dang 'byung po thams cad tshur drongs shig pa'o//tiSh+Tha tiSh+Tha zhes pa ni lho'i sgo bas chings shig chings shig pa'o/ /ban+d+ha ban+d+ha zhes pa ni nub kyi sgo bas bgegs dang log 'dren rnams choms shig choms shig pa'o/ /ha na ha na zhes pa ni byang gi sgo bas rtogs shig rtogs shig pa'o/ /a mr-i te hUM phaT ces pa ni bdud rtsi 'khyil pa'i sngags te/gang gi sngags thams cad kyi lhag chad skong ba'o/ /der khro bo rnams kyi don bshad nas/ /da ni yon tan gyi rnam grangs kyi sgo nas bye brag 'chad de/ sdig pa thams cad byang byas nas/ /sdug bsngal thams cad med par byed/ / ces pa ni rgyud 'di'i don la zhugs te dkyil 'khor gyi cho ga gzhung bzhin du bya ste/ dkyil 'khor du gzhug pa la sogs pa byas na nyon mongs pa'i sgrib pa dang / las kyi sgrib pa dang / chos kyi sgrib pa'i sdig pa la sogs pa byang bar 'gyur ro/ /sdug bsngal thams cad med par byed//ces pa ni rgyud 'di nyams su blangs shing bsgrubs na/ nyon mongs pa'i sdug bsngal gsum dang brgyad la sogs pa'i sdug bsngal thams cad zhi bar byed pa'o/ /rgyud do cog gi rtsa ba ste/ /zhes pa ni bde bar gshegs pa'i zhal nas gsungs pa'i rgyud thams cad kyi rtsa ba yin pa'i phyir ro//dpal kun gyis ni legs par brgyan/ /zhes pa ni dpal ni 'jig rten dang 'jig rten las 'das pa'i yon tan thams cad dang ldan pas na'o/ /kun ni dus gsum gyi sangs rgyas thams cad kyang de'i don rtogs pa las 'byung ba'o/ /de'i don nyams su blangs shing phul du phyin na legs par brgyan zhes pa'o//sems can dbang po nyams pa dang / /zhes pa ni khams gsum gyi sems can thams cad la mi nad dang phyugs nad dang tshe dang / mdangs 'phrog pa la sogs pa'i gnod pa'i byed pa rnams 'di'i don nyams su blangs na bzlog par 'gyur ro//tshe zad pa dang tshe nyams dang / /zhes pa ni tshe zad pa gso ba'i thabs ston te dkyil 'khor gyi lha rnams la phrin las bzhi gzhung bzhin byas te mchod na tshe nyams pa sos par 'gyur ro/ /phun sum tshogs min gang chags dang / /zhes pa ni mdog nyams pa gso ba'i thabs ston te/khams gsum gyi sems can bkres pa dang grang ba la sogs pa'i sdug bsngal gyis byang chub la mi chags te/ sdug bsngal la chags pas de sbyang ba'i thabs ni dkyil 'khor gyi lha rnams spyan drangs la rgyas pa'i las byas na bde ba phun sum tshogs pa dang ldan no//lha rnams rgyab kyis phyogs pa dang / /zhes pa ni/ 'jig rten las 'das pa'i lha mi dga' ba ston te/ bde bar gshegs pa'i spyan sngar dbang dang dam tshig nos nas 'jig rten pa'i las dang mthun pa'i spyod pa byas pas lha rnams mi dgyes te/ de zhi bar bya ba'i thabs ni rang yi dam lhar zhugs nas dkyil 'khor dang /mchod rdzas la sogs pa thams cad mang por bsgyur te/ dbang gi las byas na 'grub po/ /mdza' sdug skye bo sdang ba dang / /zhes pa ni lha 'phangs pa'i snga ltas te rang gi mdza' ba dang 'khor la sogs pa zhe sdang dang ngan sems la sogs pa byed de de zhi bar bya ba'i phyir drag po'i las byas nas 'grub bo//bram ze la sogs gtses pa dang / /zhes pa ni rgyal po log pa'i stobs can gyis bram ze la gseg shad brgyab pa'i rnam smin la bya ste/ rang gis bsgrubs na 'grub par 'gyur ro/ /phan tshun mthun pa ma yin dang //zhes pa ni mi mthun pa ston te/ /gdon 'byung pos byin gyis brlabs pas sems can thams cad dgra byed de/ khrus chog byas na gang yang 'grub po/ /nor 'grib pas ni gnod pa dang / /zhes pa ni nor yod pa de nyams te phongs par gyur na rgyas pa'i las byas na nor dang ldan par 'gyur ro//mya ngan ngal dang gnod pa dang / /zhes pa ni mya ngan gyi gnas ston te/ khams gsum gyi sems can thams cad nyon mongs pa'i mya ngan gyis gzir ba la zhi pa'i las byas na 'grub par 'gyur ro/ /'jigs pa dang ni phongs pa dang / zhes pa ni 'jigs shing phongs pa ston te/sems can rgyal po'i chad pas 'jigs pa dang / gnam lcags kyi 'jigs pa dang / gcan gzan kyi 'jigs pa dang / me dang chus 'jigs pa dang / skar mda' ltung bas 'jigs pa dang / mgon skyob med de phongs pa la sogs pa la phrin las bzhi'i las byas na 'grub pa'o//gza' dang rgyu skar byad stems dang / /zhes pa ni byad stems ston te/ 'jig rten gyi gza' chen po brgyad dang / rgyu skar nyi shu rtsa brgyad kyi byad stems la gza' dang / rgyu skar gyi cho ga byas na zhi bar 'gyur ro/ /mi bzad gdon gyis nyen pa dang /zhes pa ni gdon stong phrag brgyad cus nyen pa la phrin las bzhi'i las byas na 'grub par 'gyur ro/ /mya ngan ngal las byung ba yi/ /rmi lam sdig pa mthong na yang / /zhes pa ni nyon mongs pa'i sems can phyin ci log gi lta ba ngan pa'i mya ngan gyis gdungs pa 'am/lus sems na zhing thang chad pas 'thibs pa gnyid log pa'i rmi lam na sdig pa'i bag chags rmis na phrin las bzhi'i las byas na 'grub pa'o/ /des ni rab bkrus gtsang ma yin/ /zhes pa ni cho ga'i thabs ston te/ dkyil 'khor gyi cho ga rdzogs par byas la/slob dpon gyis bdud rtsi'i bum pas slob ma'i spyi bor dbang bskur zhing khrus byas na mi gtsang ba la sogs pa thams cad 'dag go/ /gtsang ma ni nyon mongs pa med pa'o/ /mdo sde dam pa mnyan par bya/ /zhes pa ni slob ma ni byang chub tu sems bskyed la/ mdo sde'i don nyan du bcug la lha dbog bsgom du gzhug pa bya'o//gang dag yid dge sems dang zhing / /gtsang ma'i gos kyis rab brgyan te/ /zhes pa ni/ slob dpon gyis slob ma de la ras sam dar dkar la sogs pa'i gos gtsang ma bskon la dri zhim po'i me tog la sogs pa'i rgyan mang pos brgyan la gzhag go//zab mo sangs rgyas spyod yul ba/ /mdo sde 'di ni nyan byed na/ /zhes pa ni theg pa chen po'i chos mnyan pa'i yon tan ston te/ skul ma gdab po/ /mdo sde'i rgyal po 'di klog pa dang 'dzin pa dang gzhan la ston cing nyams su longs shig pa bstan to//mdo sde 'di yi gzi brjid kyis/ /srog chags dag ni thams cad kyi/ /zhes pa ni mdo sde 'di nyan cing nyams su len pa'i gzi byin gyis nyon mongs pa'i rnam pa dang / sdug bsngal gyi bye brag thams cad zhi bar byed pa'o/ /mi bzad pa yi nad rnams kyang / /de dag thams cad zhi bar blta//zhes pa ni/ khams gsum gyi sems can thams cad kyi nyon mongs pa'i bag chags mi bzad pa rnams dang / nad kyi rang bzhin rnams zhi bar bya ba'i phyir ro/ /de ltar nad zhi nas/ de'i 'og tu bde ba thob pa'i rtags ston te/ tshe dang bsod nams 'phel bar 'gyur//sdig pa kun las rnam par grol/ /zhes pa ni/ sems can thams cad kyi tshe zad pa'am 'chi ba la sogs pa bzlog pa ste/ mdo sde 'di mnyan pa'am bsam pa'am bsgoms pas tshe dang bsod nams tshad med pa 'phel bar 'gyur ro/ /de yan chad kyis cho ga'i thabs dang phan yon bshad do//da ni bum pa'i cho ga dang cha rkyen ston te/ nor bu yungs kar dUr ba dang / /zhes pa ni nor bu ni mu tig dang gzi mchong dang byi ru'o/ /yungs kar ni 'bru sna lnga'i gtso bo ste/ nas dang / so ba dang / til dang / mon sran no/ /dUr ba ni kha rgyan no//de'i khongs su bya kri seng kri tsan+dan la sogs pa ste shing yal ga can no/ /rin chen rma med tsan+dan bcas/ /zhes pa ni rin po che lnga dang / snying po lnga ston te/ rin chen lnga ni gser dang / shel dang / in+d+ra nI la dang byi ru'o/ /rma med pa ni de rnams skyon med pa la bya'o//tsan+dan ni gla rtsi dang gur gum dang / spos dang / a ga ru dang / lnga ni dri lnga'o/ /shel dang rdo rje me tog dang / zhes pa ni snying po ste/ me shel dang chu shel dang / rtsi thog gi snying po mar dang / shing thog gi snying po bu ram dang / me tog gi snying po sbrang rtsi ste snying po lnga'o/ / rdo rje me tog ni bum pa'i gdan te/ dbyar me tog gi dkyil 'khor bya/ dgun tshon sna lnga'i dkyil 'khor bya/ yang na 'bru la bya'o/ /chu yis gser ram yang na ni/ /dngul gyi bum pa dag kyang rung / /gtsang ma'i gos kyis dkri zhing dgang / /zhes pa ni bum pa'i rgyu ston te/ rgyal po la gser gyi bum pa/blon po la dngul gyi bum pa dag kyang zhes pa mang po ste/ dmangs la zangs sam sa las bya/ /gtsang ma'i gos ni ras kha tshar ma nyams pa la bya'o/ /lan grangs nyi shu rtsa gcig gam/ /yang na lan grangs brgya rtsa brgyad/ /rdo rje rnam 'joms bzlas nas ni//zhes pa grangs ston te/ rgyal po dang blon po la brgya rtsa brgyad do/ /blon po tha ma'am dmangs la nyi shu rtsa gcig bzlas so/ /dmangs tha ma la bdun bzlas so/ /rgyal po rtag tu khrus kyis shig /ces pa ni rgyal po stobs can snying po la bya'o/ /rgyal po sngon la smos pa ci'i phyir zhe na/bsod nams can gyis sngon la byas na thams cad la bde ba'i phyir ro/ /'bangs ni rgyal po'i 'khor yin te don gyis shes par bya'o// //rdo rje rnam par 'joms pa'i don rnam par phye ste bshad pa/ rgya gar gyi slob dpon chen po ba'i ma la mi tras mdzad pa rdzogs so/